Генералниот секретар на Светската здравствена организација Тедрос Аданом Гебрејесус денеска изјави дека е многу разочаран од одлуката на Врховниот суд на САД да ја поништи историската пресуда со која се легализираше абортусот во САД.

Многу сум разочаран бидејќи правата на жените мора да се заштитат. И очекував Америка да ги заштити тие права – изјави Тедрос на маргините на самитот на Комонвелтот во Руанда.

Врховниот суд на САД денеска ја укина пресудата стара 50 години со која се легализираше абортусот низ целата земја, поради што милиони жени го изгубија своето законско право на абортус.



Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.