Најниска температура утрово е измерена во Берово – 4, во Прилеп и Виница – 3, во Битола – 2, во Тетово, Штип и во Куманово -1, во Скопје-Зајчев Рид, Претор, Демир Капија и Гевгелија 0, во Крива Паланка, Дебар, Дојран и Лазарополе 1, во Охрид 2, во Маврови Анови 3, на Попова Шапка и Крушево шест Целзиусови степени.

Во поголем дел од земјава во текот на ноќта преовладуваше ведро време, по котлините и долж Повардарието (Скопје, Куманово, Полог, Пелагонија, Штип, Демир Капија, Охридско-Преспанскиот регион) со појава на магла или ниска облачност со намалена видливост од 50 до 500 метри. Утрово на места има мала до умерена облачност.

По одделни котлини и долж Повардарието ќе има појава на магла или ниска облачност. Преку денот ќе биде сончево со мала до умерена облачност која попладне ќе се намалува. Попладне и кон крајот на денот ќе дува слаб, а долж Повардарието умерен ветер од северозападен правец, што ќе предизвика делумно намалување на маглата.

Максималната температура ќе достигне од 8 до 16, а во местата со магла од 2 до 5 степени.

Во Скопје ќе има појава на магла или ниска облачност. Попладне и кон крајот на денот ќе дува слаб до умерен ветер од северозападен правец што ќе предизвика делумно намалување на маглата. Максималната температура ќе достигне 4 степени.

 



Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.