Ладното време ни „наметнува“ зголемена нега на кожата, ноктите и косата. Меѓутоа, често ги изоставуваме кутикулите кога е во прашање негата на рацете.

Ова е вашиот потсетник да се подготвите за едноставна, но важна нега на кутикулите, особено затоа што знаеме колку сурова зима може да биде на кожата.

Ладното време ги суши кутикулите и ноктите, што предизвикува дехидрација, правејќи ги кршливи и оштетени. Нашите нокти се природно со малку влага и маснотии, така што може да се влошат во зима, но има работи што можеме да ги направиме за да им помогнеме да изгледаат здраво.

Зголемена хидратација

Користете хранлив лосион за раце секој ден, особено после миење на рацете и нанесете на влажни раце бидејќи задржува повеќе влага. Обрнете внимание на состојките како што е алое вера, бидејќи е позната по своите хранливи, лековити и смирувачки својства.

Надополнете ги витамините

Ако имате нерамни, набраздени нокти, треба да ги зголемите витамините Б. Витаминот Б9 може да помогне во обновувањето на клетките и да го промовира целокупниот раст на ноктите. Земањето омега 3 исто така може да биде корисно, бидејќи масните киселини помагаат во хидратацијата.

Исхрана

Храната богата со протеини како што се масни риби (сардини, лосос и скуша), лиснат зелен зеленчук како кељ, спанаќ и брокула, јаткасти плодови и семки (несолени бадеми и семки од сончоглед), заедно со гравот, се неопходни за здрав раст на ноктите. . Овошјето богато со антиоксиданси како капините и грозјето се одлични, додека јагодите и кивите имаат високо ниво на витамин Ц, кој помага во производството на колаген, кој природно ги прави ноктите поцврсти.

Пилинг

Ноктите и кутикулите имаат слоеви на мртви клетки кои се дехидрираат и оштетуваат. Пилинг помага да се отстрани мртвата кожа и да се одржи цврстината и добрата состојба на ноктите и кутикулите. Можете сами да направите одличен пилинг, користејќи само две состојки: две лажички кафеав шеќер и една лажичка маслиново масло. Едноставно измешајте ги овие состојки и масирајте го пилингот на влажни раце. Потоа исплакнете.

Масло за кутикули

Вашата кутикула е слојот на кожата на дното на вашите нокти кој делува како бариера против бактериите. Тоа е деликатна и чувствителна област која може да страда од лупење. Редовното нанесување на маслото за кутикулите, особено навечер, им дава на сувите нокти и кутикулите мега засилување на влажноста. Тие често се збогатени со помоќни хранливи масла како јојоба, арган и кокос кои продираат подлабоко и ја негуваат кожата и ноктите.



Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.