Енергетската криза предизвикана од руската војна во Украина може да доведе до секојдневно двочасовно прекинување на струјата за француските домаќинства во најлошото сценарио оваа зима, предупреди француската премиерка Елизабет Борн.

Според неа, проблемот со струјата е делумно предизвикан од последиците од војната, но и од планираното затворање на околу половина од француските нуклеарни реактори заради одржување.

Тоа значи дека произведуваме помалку струја и можно е, ако е многу студено, да има моменти во кои ќе имаме проблеми со снабдувањето со електрична енергија, изјави таа за телевизијата ТМЦ, додавајќи дека во тие случаи струјата ротирачки ќе се исклучува по два часа.

Таа рече дека потенцијално може да се воведат ограничувања и за гасот за компаниите.

 



Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.