Еден од најблиските соработници на рускиот претседател  Владимир Путин, министерот за одбрана Сергеј Шојгу, денеска го обвини Западот дека се обидува да ја подели Русија со помош на Украина.

Шојгу изјави дека секој обид за распарчување на земјата ќе биде осуден на неуспех.

Коментарот тој го даде во честитката до руските вооружени сили, кои денеска го слават воениот празник на „Бранителите на татковината“.

-Колективниот Запад ја користи Украина за да се обиде да ја распарчи Русија, да ја лиши од нејзината независност. Овие обиди се осудени на неуспех, рече тој.

И претседателот Путин претходно денеска даде слични изјави, велејќи дека војната во Украина е всушност дел од поголема битка против Западот, пишува „Скај Њуз“.



Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.