Руските сили утринава извршија ракетни напади врз Киев, соопшти градската воена управа.

Заменик-началникот на кабинетот на претседателот на Украина, Кирило Тимошенко, изјави дека нападите биле извршени врз критични инфраструктурни објекти во главниот град на Украина, пренесува Интерфакс Украина.

Воената управа на градот ги повика граѓаните да останат во засолништа.

Агенцијата наведува дека изутринава одекнале серија силни експлозии во различни делови на Киев, особено во центарот на градот и во населените места на левиот брег на реките Днепар.

Две минути по нападот беше најавена воздушна закана во Киев и регионот на Киев.

На социјалните мрежи се појавија најави за експлозии во регионот на Киев, особено во градовите Буча и Хостомел.



Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.