Рускиот претседател Владимир Путин потпиша закон кој ги опфаќа интернетот, медиумите, книгите, аудиовизуелните услуги, кинематографијата и рекламирањето.

Во согласност со основниот закон, се зголемува бројот на забранети информации кои можат да им се пласираат на децата, како што се пропаганда и демонстрации на нетрадиционални сексуални односи и (или) кои укажуваат на предноста на тие односи, како и информации кои предизвикуваат децата да сакаат да го променат полот.

Воведена е нова поделба на термините за да се разјаснат значењата на „демонстрација“ и „пропаганда“.

Се воведува задолжителна претплата и дополнителни технички средства за заштита на пристапот до телевизиски и радио содржини, што е забрането за деца, како и утврдување возраст во рекламните материјали од таа содржина.

Дополнително, се прошируваат барањата за огласи, кои не смеат да содржат информации што покажуваат нетрадиционални сексуални односи или укажуваат на предноста на таквите односи.

Законот забранува пропаганда на нетрадиционални сексуални односи или укажува на предноста на таквите односи, меѓу другото, пропаганда на педофилија меѓу Русите, како кај возрасните, така и кај малолетните граѓани.



Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.