Рускиот претседател Владимир Путин по средбата со турскиот претседател Реџеп Таип Ердоган, изјави дека нема да има нов договор за жито со кој се регулира транспортот на жито преку Црното Море додека Западот не ги исполни неговите барања.

Путин исто така рече дека Русија е блиску до финализирање на договорот за обезбедување бесплатно жито на шест африкански земји.

Во јули, тој одби да го продолжи договорот за жито, постигнат со посредство на Турција и ОН една година порано, кој се сметаше за важен за глобалните резерви на храна, особено во Африка, Блискиот Исток и Азија.

Украина и Русија се главните добавувачи на пченица, јачмен, сончогледово масло и други стоки за земјите во развој.

Русија го наведе како причина што не се почитуваше паралелниот договор со кој се ветуваше отстранување на пречките за рускиот извоз на храна и ѓубрива.



Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.