Ние сме „соочени со ѕид“ и „војната ќе биде долга“, изјави денеска францускиот министер за Европа и за надворешни работи Жан-Ив Ле Дријан, за Франс Интер.

Како што јави дописникот на МИА, Дријан истакна дека е песимист и оти најлошото е пред нас. Запрашан за нападот врз воената база Јаворив во близина на Лавов, при што загинаа најмалку 35 луѓе, тој оцени:

Никаде во Украина денес не сме безбедни од бомби. Украина е под оган од руските сили.

Одговарајќи на прашањето дали е можно да се воведе ембарго за увоз на руски гас и нафта, Дријан посочи дека „нема табу-теми“ и оти „сè е на маса“.

Министерот за надворешни работи предвидува дека оваа војна ќе има последици и врз француската економија.

Се наоѓаме во многу тешка ситуација. Мора да ги контролираме енергетските трошоци, наведе шефот на француската дипломатија, кој додаде дека руско-украинските преговори се блокирани од максималистичките барања на Русија.



Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.