Портпаролот на израелската армија, генерал Даниел Хагари, изјави дека војниците добиле наредба во рок од 24 часа да ги евакуираат сите жители од израелските зони околу Појасот Газа, каде се водат борби за ослободување на заложниците.

 Нашата мисија во следните 24 часа е да ги евакуираме сите жители од Газа. Десетици илјади војници се распоредени во оваа зона и ние ќе стигнеме до сите сектори еден по еден додека не го убиеме секој терорист присутен во Израел, наведе генерал Хагари.

Хамас вчераутро изврши ненадеен напад врз Израел и истрела илјадници ракети врз еврејската држава од Појасот Газа, која е под контрола на исламистичкото движење. Стотици борци на Хамас се инфилтрираа на израелска територија, каде што земаа цивили и војници како заложници.

Израелските вооружени сили извршија одмазднички воздушни напади врз Појасот Газа. Продолжуваат и копнените борби меѓу израелските сили и борците на Хамас, кои се инфилтрираа на израелска територија.



Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.