Двегодишно девојче е пронајдено мртво на задното седиште на автомобил во Њу Џерси, откако таму било оставено заклучено повеќе од седум часа во екстремно топол ден.

Полицијата го пронашла девојчето во вторникот околу 14 часот, во автомобил паркиран пред куќа во округот Френклин. Полицајците ја отвориле вратата од автомобилот и внатре пронашле дете кое не давало знаци на живот, пренесува NBC.

Соседите рекле дека родителите најверојатно не знаеле дека девојчето е во возилото, зошто откако полицајците тропнале на влезната врата од домот се слушнале вресоците на родителите.

Викаа и плачеа. Мајката падна на земја, а таткото ја тешеше. Тие се одлични родители. Многу ги сакаат своите ќерки, рекол соседот.

Друг сосед рекол дека мајката на детето била однесена со возило на Брза помош откако паднала пред куќата.

Како може да се случи ова? Како можеш да заборавиш дете? Па, сите сме заборавени, сум заборавал и јас работи во автомобилот. Но, како можеш да заборавиш дете?, прашал друг сосед.



Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.