Вчера голем дел од училиштата низ Скопје добиле е-маил во кој пишувало дека е поставена бомба во училиштето и дека ќе има „илјадници мртви македонски деца“.

4NEWS.mk ја објави целосната соодржина на пораката.

Го мразиме овој свет, нашата мисија е да убиваме. Колку побрзо човечката раса биде збришана од лицето на земјата, толку подобро. Никој нема да остане жив. Не жалиме за човечки род. Ќе го кренеме во воздух училиштето. Илјадници мртви македонски деца. Ќе се пролее крв во езерото. Ние сме меѓу вас. Сите ќе умрете..

Министерот за внатрешни работи Оливер Спасовски во изјава за ТВ21 истакна дека сите училишта во кои имало дојава за поставени бомби биле проверени од Одделот за антитероризам. Станува збор за лажна дојава.

„Се утврди дека станува збор за лажна дојава, исто како што пред некој ден имавме во ЈСП. Обврска наша е да направиме се за да се зачува стабилноста и безбедноста“, порача Спасовски за ТВ21.



Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.