Од Кабинетот на Град Скопје излегоа со информации дека во петокот тие го разрешиле Ѓоко Велковски од позицијата Секретар на град, што е спротивно на неговите тврдења дека тој си поднел оставка од функцијата поради слабиот потенцијал на актуелната градоначалничка Данела Арсовска.

„Од функцијата Секретар на Град Скопје, во петокот разрешен Ѓоко Велковски, а причина за разрешувањето е неговото влијание во спорна тендерска постапка за изведба на пречистителна станица во вредност од 136 милиони евра, средства кои се обезбедени од ЕБОР и ЕИБ.

Велковски, во петокот е разрешен заедно со в.д директорот на ЈП Водовод и Канализација-Скопје Златко Перински поради обиди за влијание кои се сметаат за тенденција која ги потврдува основаните сомнежи на Град Скопје за самоволие и несоодветно постапување во постапката за избор на изведувач во милионски тендер.

Градот Скопје нема да дозволи расипничко трошење на парите на скопјани, ниту финансирање на лични и теснопартиски интереси. Скопје е град на сите скопјани“ , се наведува во соопштението од Град Скопје.

Генералниот секретар на градот, Велковски си заминува од позицијата: Разочаран сум од слабиот потенцијал од Арсовска која има поинакви приоритети од ветените на граѓаните

Арсовска мести тендер од 136 милиони евра, фаворизира турски понудувач!?



Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.