Во владата на Ковачевски, како едвај да чекаат, да се создаде ситуација и простор, за што повеќе да се избрукаат пред светската јавност и да ги доурнисаат позициите и интересите на државата.

При посетата на Османи во Софија, додека министерот за надворешни работи на Бугарија, Милков, ја оцрнуваше Македонија и ги претстави Македонците како историски насилници, Османи само немо седеше, а со тоа и индиректно даде потврда за ставовите искажани од Милков. За да биде и штетата поголема, вчера во гостувањето на Османи на една бугарска национална телевизија, тој се понуди да ги советува Бугарите, како да се интегрирале во Македонија и да отвореле што повеќе клубови.

Од друга страна пак Ковачевски да не остане покус, го одбрани бугарскиот министер Милков, дека кога ја дал изјавата не мислел така, односно лошо сме го разбрале, а целата јавност убаво ги слушна и ги разбра зборовите на министерот.

Од ова може да се заклучи дека Ковачевски не го интересираат интересите на Република Македонија, туку само бизнисите и тендерите, а во последно време и притисоците и уцените, врз своите пратеници, за вештачки да ја одржува владата, спротивно на волјата на граѓаните.



Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.