Во Собранието денеска седница ќе одржи новоформираната Анкетна комисија за случајот со Онкологија на која ќе има сослушување на сведоци и експерти и разгледување на акти и документи поврзани со скандалот во Универзитетската клиника.

Како што синоќа изјави претседателката на Анкетната комисија за случајот Онкологија, пратеничката од ВМРО-ДПМНЕ, Рашела Мизхраи, во гостување во емисијата Анализа на ТВ 24, рече дека први на седницата ќе говорат поранешниот министер за здравство Беким Сали, а по него министерот за внатрешни работи Оливер Спасовски.

Мизархи посочи дека како политичка партија поднеле дури 44 сведоци кои ќе треба да сведочат во врска со случајот со Онкологија.

Мизрахи: Сали и Спасовски ќе сведочат први за случајот со Онкологија

Министерот Спасовски синоќа за „360 степени“ на МРТ1, прашан за случајот Онкологија, очекува дека сите факти и аргументи ќе бидат потврдени, обезбедени и дека врз основа на нив ќе се конкретизира вината бидејќи, како што порача, виновникот секогаш има име и презиме.

Тој кажа дека има докази, и тие докази се во Јавното обвинителство, дел од тие докази се уште се вештачат, земени се огромен број материјали, огромен број електронски уреди, направена е екстракцијата на сите материјали коишто се од електронските уреди.

Седници денеска ќе одржат и Комитетот за односи помеѓу заедниците и Комисијата за деловнички и мандатно – имунитетски прашања



Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.