Таче и Али имаат година со 365 скандали. Изминатата година беше година на осиромашување на граѓаните, колапс на економијата, енергетиката, образованието, здравството, земјоделството од една страна и богатење на функционерска елита на власт, тврдат од ВМРО ДПМНЕ.

Еден од поголемите скандали во оваа година е аферата Тајни имоти, која обелодени дека 123 државни функционери, директори и раководители на институции и комисии не пријавиле имот вреден 30 милиони евра, иако тоа им е законска обврска. Тие поседуваат куќи, станови, викендици, автомобили и деловни простории кои ги криеле од јавноста и не ги пријавиле во Антикорупцискаа комисија.

Како еден од најеклатантните примери за ваков случај на непријавен имот е хациендата со базен, кој патем е и дивоградба, на министерката за одбрана Славјанка Петровска. За овој случај покажавме и евидентен лист од Агенцијата за катастар и сметка за вода на нејзино име и ја повикавме Петровска да демантира со прикажување на евентуален купопродажен договор ако го отуѓила имотот.

Ни Славјанка стана да одговори, ни Таче и побара одговорност. Сите капацитети им беа насочени во личното богатење, матни зделки или вдомување на свои роднини во државните институции. Ете затоа во здравството нема лекови за пациентите, па мора да набавуваат од Косово или Србија. Ете затоа секој втор млад човек сака да замине во странство. Народот не сака веќе ваква криминогена власт да ги понижува. Не сака да слуша примитивци како Талат Џафери како пцујат и навредуваат.

Оваа власт на Ковачевски и Ахмети е антинародна, и колку побрзо се одржат избори, толку побрзо ќе си замине, велат од ВМРО ДПМНЕ.



Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.