Продолжуваме со нашата теренска акција Важно е! Од тебе зависат промените. После Охрид, денеска сме овде во Велес, заедно со градоначалникот, претседателот на Совет, пратеникот, советниците кои ја поддржуваат работата на градоначалникот, администрацијата, изјави лидерот на ВМРО-ДПМНЕ Христијан Мицкоски при денешната негова посета на општина Велес.

И денеска ќе поминеме се надевам успешен, но и плоден ден во Велес. Ќе можеме да разговараме со велешани, со различни целни групи на луѓе. Оваа акција како што кажав е почната, подготвена и има за цел да учиме од граѓаните што е она кое што претставува акутен проблем, за да може да биде составен дел од ината програма на ВМРО-ДПМНЕ и коалицијата за следните парламентарни избори.

Истовремено да направиме промоција на досега сработеното во оние општини каде што ВМРО-ДПМНЕ и коалицијата имаат свој градоначалник, како што е тука со Марко во Велес. Но, и да најавиме нови проекти кои што ќе бидат дел од програмата на ВМРО-ДПМНЕ за секоја општина посебно.

Јас денеска сум овде во Велес и можам да кажам дека оној план кој што го имаме и кој што ќе биде составен дел од програмата на ВМРО-ДПМНЕ и коалицијата за следните парламентарни избори, во Велес се планирани помеѓу 6 и 6,5 евра годишно инвестиции. Ќе се децентрализираат тие средства настрана од буџетот кој што го има самата општина или за еден четири годишен мандат помеѓу 24 и 26 милиони евра. Од проектите кои што ќе бидат опфатени, дел од тие проекти, не се, јас можам сега да ги претставам, таков е проектот кој што ќе биде една нова обиколница од тунел па се до мостот во Башино село, потоа новиот мост во Башино село кој што е исклучително значаен проект.

Предвидено е реконструкција, но од разговори со стручните служби и надлежните и градоначалникот тука и советниците и луѓето кои се дел од општината можеби ќе треба да се разгледа, односно да се прифати опцијата за изградба на еден таков нов мост. Потоа, катната гаража во центарот на градот Велес, една катна гаража кај мостот Гемиџии, потоа одведувањето на отпадните води во горните зони овде во Велес. Довршување на проектот за до уредување на Кејот на река Вардар, изградба на велосипедско пешачка патека, која од Велес ќе води до езерото Младост, реконструкција на два патни правци, едниот е од Отовица до Мамутчево, другиот од Дорутовец до Челошево.

Така што навистина имаме еден значаен план овде за Велес и велешани, нешто кое што ќе значи многу за самиот Велес и велешани, односно подобрување на условите за живот. И тоа што е обврска и на локалната самоуправа, но и на идната влада е да го направи за граѓаните за да може тие да останат.

Ние нема да се однесуваме како што сега се однесува оваа влада на СДСМ и ДУИ. Ние имаме намера во целата Македонија во сите општини, без разлика дали таму имаме градоначалници без разлика дали доаѓаат од редот на коалицијата предводена од ВМРО-ДПМНЕ, дали се од ДУИ, СДСМ, Алијанса на Албанците, БЕСА или независна партија, ние планираме буквално секаде и за секој граѓанин да инвестираме и да го подобриме квалитетот за живот.

Така што денеска очекувам да научиме многу од велешани и сето тоа да го додадеме во нашата изборна програма, рече Мицковски.



Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.