Изминатите неколку денови НУ Центар за Култура Битола како институција е мета на јавни напади заради неовластеното поставување на метален оџак од страна на закупецот на просторот каде порано се наоѓаше локалот Chocolate world, со тоа што во јавноста излегоа повеќе претпоставки, велат од Центарот за култура во Битола.

Како установа сакаме со овој допис официјално да појасниме дека од наша страна, веднаш по инцидентот на поставување на ден 12.07.2024 година известени се инспекторатите на Управата за заштита на културното наследство при Министерство за култура и Општина Битола, по што веднаш на лице место излезени се инспекторите на органите до кои е извршена пријава и од нивна страна е извршен вонреден инспекциски надзор.

Во очекување сме на записниците од нивна страна по извршениот инспекциски надзор, за што веднаш по добивањето на истите ќе ја известаме јавноста за исходот и мерките кои ќе се преземат.
Сакаме уште еднаш да повториме дека од наша страна преземени се сите потребни активности согласно законите и се надеваме дека нема никој да се стави над законот и да дозволи нешто што е спротивно на сите законски прописи.

НУ Центар за култура Битола



Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.