Култниот француски режисер Жан-Лик Годар почина на 91 година, објави францускиот весник „Либерасјон“.

Тој беше еден од зачетниците и најзначајните претставници на таканаречниот француски Нов бран во филмската индустрија.

Негови најпознати филмови се „До последен здив“, „Презир“, „Алфавил“. Тој беше еден од највлијателните личности на денешниот светски филм. Милитантен интелектуалец, идеолошки определен уметник, со своите филмови често се спротиставуваше на холивудските конвенции. Како и неговите современици од Новиот бран, тој редовно ја критикуваше „традицијата на квалитетот“ на француската кинематографија.

Филмовите на Гоодар беа инспирација за различнии режисери како Мартин Скорсезе, Квентин Тарантино, Роберт Алтман, Џим Џармуш, Вим Вендерс, Вонг Кар-Ваи, Бернардо Бертолучи…

Неговиот последен игран филм излезе во 2014.

Во 2011 беше награден со почесен Оскар, но не допатува во Лос Анџелес да го прими, туку се обрати од својот дом во Швајцарија.



Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.