Најновото 44. издание на Меѓународниот фестивал на филмска камера „Браќа Манаки“, организиран од Друштвото на филмски работници на Македонија,  традиционално и оваа година ќе се оддржи во Битола во септември, информираат од фестивалот.

Објавени се три повици за аплицирање за дел од програмите на годинешниот фестивал. Заинтересираните (студенти и искусни професионалци) може да аплицираат со кратки, студентски и документарни филмови на повикот кој ќе биде отворен до 26 јуни.

Се очекува, во август, веќе да бидат познати резултатите од направената селекција.

Повеќе информации поврзани со критериумите за аплицирање ќе најдете на веб страната на Фестивалот (https://www.manaki.com.mk/) или може да се информирате на официјалната е-маил адреса на Фестивалот (office@manaki.com.mk).

Покрај повикот за филмови, на веб страната можете да најдете информации како да се акредитирате (имаме  професионална, прес и друг вид акредитација).



Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.