Скопјанецот Р.Е.(34) вчера во полиција пријавил дека околу 14 часот во Скопје на улицата „Радован Ковачевиќ“, движејќи се со своето возило забележал две непознати машки лица, од кое едното барало помош, а другото било повредено.

Како што пријавил во полиција, кажување, ги качил во своето возило и ги однел во Комплексот клиники „Мајка Терза“.

Откако ги внеле внатре, едното лице незабележано заминало, додека на другото повредено лице му била пружена лекарска помош, при што му биле констатирани тешки телесни повреди и бил задржан на лекување. Од страна на полициски службеници констатирано било дека се работи за М.К.(42) од Република Турција. Истиот ден околу 19.30 часот М.К. починал, велат од МВР, додавајќи дека се преземаат мерки за расчистување на случајот.



Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.