Во Полициската станица Гевгелија, синоќа околу 2 часот, било пријавено дека на крстосницата од ул.“Коле Неделковски“ и ул.„Љубљанска“ во Гевгелија се случила сообраќајна несреќа.

Учествувале автомобил „фолксваген пасат“ со гевгелиски регистарски ознаки управуван од Б.Ј.(20) од Гевгелија и мотоцикл „педа“ со гевгелиски регистарски ознаки управуван од малолетник од с.Прдејци, гевгелиско.

-Во несреќата со тешки телесни повреди се здобиле мотоциклистот и неговиот малолетен сопатник констатирани во Општата болница Гевгелија, информира МВР.

Извршен бил увид од увидна екипа на ОВР Гевгелија.



Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.