Велика Британија ќе испрати околу 200 дополнителни војници во КФОР по зголемувањето на тензиите во северниот дел на Косово, соопшти денеска британската Влада.

По барањето на врховниот командант на сојузниците за Европа и одобрението од Северноатлантскиот совет, Велика Британија во наредните денови ќе распореди околу 200 војници од првиот баталјон на кралскиот полк на принцезата од Велс за да се приклучат на британскиот контингент од 400 војници кои веќе се во Косово.

Единицата на британската армија му била доделена на командантот на силите на НАТО на Косово по специјално барање на врховниот командант на сојузничките сили за Европа, американскиот генерал Крис Каволи, соопшти британската влада.



Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.