Во Словенија досега се потврдени два случаи на новата подваријанта на омикрон, наречена БА.2, чии карактеристики сè уште не се целосно познати, Словенечката лабораторија за здравје, животна средина и храна, која секвенционира заразени со коронавирус примероци, објави во четвртокот.

Подваријантата е откриена во брисеви кои се секвенционирале во првите две недели од јануари, потврди Тјаша Жохар Чретник, директор на националната лабораторија, на прес-конференција, додавајќи дека примероците се од североисточна Словенија, а престојувале во странство.

Споменатата подваријанта е веќе евидентирана во Данска и нејзините карактеристики се уште не се истражени и јасни, но според некои податоци е уште позаразна од претходните соеви, но не предизвикува посилни симптоми, пишуваат словенечките медиуми.

Во Словенија во последните 24 часа се потврдени 14.206 нови инфекции со коронавирус, а уште 12 лица починаа во петтиот бран на епидемијата предизвикана од омикрон.



Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.