Градоначалникот на Пирот Владан Васиќ синоќа прогласи вонредна состојба во тој град во Србија, откако два вагони-цистерни од воз кој превезувал амонијак се лизнале и паднале во реката Нишава кај Сопотски хан.

Како што објави пиротскиот портал Плусонлајн.рс, 51 лице е хоспитализирано со симптоми на труење поради истекување на гас и висока концентрација на амонијак во воздухот, а поради прогласувањето вонредна состојба училиштата во Пирот денес нема да работат.

Васиќ на прес-конференцијата соопшти дека во 20 вагони имало амонијак, а амонијак почнал да истекува во воздухот и во реката Нишава најмногу од два вагона.

На граѓаните им се препорачува да не излегуваат од своите домови и да не ги вклучуваат клима уредите.



Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.