Директорот на Канцеларијата за Косово, Петар Петковиќ, денеска изјави дека пермиерот, Албин Курти, ги довел до работ на конфликт, дека сака да го запали целиот регион и дека со својата екстремистичка политика, тој ги поттикнува екстремистите да ги нападнат Србите.

Тој за телевизијата „Пинк“ изјави дека српскиот народ страда на северот на Косово, но и на југот на покраината.

„Сите негови постапки во последните неколку месеци, тој направи се за да предизвика реакција кај Србите и да го натера нашиот народ да се брани, сакаше да го вовлече српскиот народ и Белград во конфликт и на тој начин да го избегне формирањето на ЗСО“, рече. Петковиќ.

Додаде и дека нема кој не го осудил Курти, дека Американците се најгласни во тоа, а дури и францускиот претседател Емануел Макрон рекол дека Курти е одговорен за сите настани на северот.

„Се што направи Курти, со носењето специјалци, нивното незаконско присуство на мостот Бистрица, малтретирањето на граѓаните, забраната за референдуми и избори и срамниот изборен процес на 23 април, тој сега назначува албански градоначалници кои добија 500 гласа тоа е скандал. И покрај сето ова меѓународната заедница наместо да го задржи, ги поддржува изборите. Еве Хетеми не излезе од општинската зграда, не смее да ѕирка низ прозор, па каков градоначалник е тој, кого го застапува“, рече Петковиќ.



Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.