Пет партии со сигурно учество во следното Народно собрание на Бугарија. Победникот останува нејасен. Три партии остануваат под парламентарната бариера, но со поддршка над три отсто. Ова го покажуваат податоците од социолошкото истражување на агенцијата „Тренд“, нарачано од весникот „24 Часа“.

Истражувањето беше спроведено меѓу 6 и 12 март 2023 година, преку директно полустандардизирано интервју „лице в лице“ со таблет меѓу 1.005 лица на возраст од над 18 години.

Во првата недела од предизборната кампања, паритетот меѓу првите две формации се почитува. Коалицијата „Продолжуваме на промените-Демократска Бугарија“ (26,5 отсто) има водство од 0,9 отсто пред главниот противник ГЕРБ-СДС (25,6 отсто).

ДПС ја зазеде третата позиција со 13,6 отсто од гласачите, а по неа е „Преродба“ со 12,9 отсто од гласачите. БСП изгуби дел од поддршката и остана со 7,5 отсто. Причината за изборната ерозија во социјалистичката партија е влегувањето во нејзиниот терен на нов играч во лицето на „Левица“. Новата лева коалиција има 3,5 отсто од гласачите.

За „Бугарски подем“ на претстојните избори ќе гласаат 3,6 отсто, а за „Има таков народ“ 3,1 отсто. Од испитаниците 5,1 отсто се изјасниле дека „не поддржуваат никого“. Резултатот од оваа опција е прераспределен меѓу сите партии, бидејќи тој не учествува во конечниот изборен резултат на парламентарните избори.

Од сите испитаници 47 отсто се изјасниле дека своето право на глас ќе го остварат на 2 април. Очекуваната излезност, според податоците од истражувањето, ќе биде меѓу 2,5 и 2,7 милиони граѓани.



Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.