Во врска со информацијата за појавен случај на салмонела во Берово, а со цел да се спречи паника помеѓу населението и особено помеѓу родителите на децата, кои ја посетуваат детската градинка во Берово, градоначалникот на Берово, Звонко Пекевски вечерва излезе со известување во кое информира дека за настанатата состојба е известен Центарот за јавно здравје од Кочани, земени се мостри по сите можни правила и прописи и во најкраток можен рок се очекуваат добиените резултати.

- Доколку се потврди присуството на бактерија салмонела, ќе бидат преземени сите можни пропишани мерки и секако ќе се побара одговорност, од директно надлежните. Одговорноста над процесите и институциите е она што го прави системот функционален и во служба на граѓаните. Сепак, пред одредени факти да бидат потврдени, непотребно е да се создава паника и да се влева страв, меѓу населението, рече Пекевски.

Како локална власт додаде дека должност на надлежните е да направат се што е потребно, се со цел да се заштити здравјето на децата.

- Дополнително, ќе бидат извршени и вонредни инспекциски надзори, во објектите кои се засегнати со конкретната состојба, со цел надзор над санитарно хигиенската и епидемиолошката состојба во објектите, и откривање на изворот на зараза, додаде беровскиот градоначалник.

Известувањето доаѓа откако кон крајот на минатата недела се прошири веста за присуство на бактеријата салмонела во детската градинка ,,23 Август", заради што со почетокот на рабоната недела беа испраѕени мостри за испитување во Центарот за јавко здравје.

The post Имало ли салмнонела во градинката во Бeрово? appeared first on Република.

Во моментот гори голем пожар над селото Митрашинци, над објектите на семејството Валаски, алармира градоначаникот на Берово, Звонко Пекевски, упатувајќи апел за мобилизација на населението.

Пожарот може да прерасне во големина каква што имавме минатата година. Апелирам до населението, до граѓаните посебно од селата Митрашинци, Будинарци, Мачево, да се упатиме во што поголем број доброволци за побрзо гаснење на истиот со цел да не прерасне во големина каква што имавме минатата година, алармира тој.

The post Градоначалникот со апел за мобилизација: Голем пожар над објектите на семејството Валаски во Митрашинци appeared first on Република.