На денешното рочиште сведочеше чичкото на Зорица Ѓорчевска. Митко Лазаров рече дека кога внуката му кажала дека ја нема Вања тој со велосипедот тргнал да ја бара во близина на Силбо бидејќи му кажале дека таму е последен пат лоциран сигналот од мобилниот на Вања.

https://republika.mk/vesti/crna-hronika/vana-ednash-se-obidela-da-se-iseche-so-tvrd-predmet-otkrila-pomalata-kerka-a-majkata-potvdila/

Кога пристигнав кај Силбо кај слепата уличка го забележав автомобилот на Александар.Тој беше внатре со еден полицаец. Тој не излезе од возилото туку само ми кажа дека „ако е Вања е отепана ќе се отепам и јас“, на што ја сум одговорив па „отепај се“-раскажа чичкото на Зорица.

Митко вели дека однесувањето на Александар му било многу чудно и оти за станот знаел дека е во сопственост на Зорица која го добила како наследство од неговиот брат

The post Чичкото на Зорица Ѓорчевска: Однесувањето на Александар ми беше чудно, ми рече дека ако Вања е отепана ќе се отепа и тој appeared first on Република.

Во врска со продажбата на еден од становите, Зорица Ѓорчевска на денешното сведочење рече дека го продала за 83 илјади евра и со парите од тој стан затворила минуси на картички, купила нов автомобил, дел од парите ги орочила, а со дел реновирала.

Прашана дали знаела во чија сопственост е зградата во која живееле, одговори дека знаела од родителите и од фактот што на влезот од зградата имало табла.

На вкрстени прашања од бранителот на првообвинетиот Љупчо Палевски, адвокат Марјан Витановски, дали ѝ е познато дека сега првообвинетиот имал соработка со нејзиниот  татко во купопродажба на станови, таа одговори да.

The post Majката на Вања продала стан па си купила возило и „затворила“ кредити appeared first on Република.

За време на нејзиното сведочење за убиството на нејзината ќерка, Зорица Ѓорчевска од страна на адокатот на Љупчо Палевски беше прашана дали го познава Палчо. Таа рече дека не го познава лично, но оти знае кој е.

Татко ми од неговата фирма УПА го купи станот за што комплетната документација е предадена во Обвинителството. Знам и дека неговата фирма имаше канцеларија на поткровјето од зградата, рече Зорица.

Претходно додаде и дека не ги познава останатите обвинети и дека не е скарана со Александар, нејзиниот поранешен сопруг.

По ова излагање, адвокатот на таткото на Вања рече дека се откажуваат од тоа Зорица да биде и нивен сведок наместо само на Обвинителството.

https://republika.mk/vesti/crna-hronika/roditelite-ja-identifikuvale-mrtvata-kerka/

The post Зорица знае кој е Палчо, но не го познава лично ни него ни останатите обвинети appeared first on Република.

На денешното рочиште за убиствата на Вања Ѓорчевска и на Панче Жежовски, сведочи мајката Зорица Ѓорчевска, која раскажа и за денот кога ѝ кажале дека нејзината ќерка е мртва.

[caption id="attachment_826407" align="aligncenter" width="1600"] Судење за убиствата на Вања и Панче, 14 октомври 2024 (фото: Република)[/caption]

На почетокот на декември ни се јавија од полиција и отидовме заедно со Александар. Нè седнаа во посебни простории и тогаш ни ја кажаа страшната вест. Ни кажаа, дека е мртва и нè однесоа да ја идентификуваме, откри за првпат мајката Зорица.

Таа објасни дека никогаш не помислила дека Вања е киднапирана, за разлика од нејзиниот поранешен сопруг.

Кога му се јавив му реков само: „Вања ја нема“. „Како ја нема?“, ме праша. „Така, ја нема“, му одговорив, раскажува Ѓорчевска.

Првиот дел од сведоштвото тука:

The post Родителите ја идентификувале мртвата ќерка appeared first on Република.

Aлександар беше премногу импулсивен, немавме голема комуникација освен за децата. Се грижеше за децата, но понекогаш им викаше и тие се лутеа поради тоа, откри Зорица Ѓорчевска во улога на сведок на денешното рочиште за двојното убиство на нејзината малолетната ќерка Вања и велешанецот Панче Жежовски во Основниот кривичен суд Скопје.

Тој имаше клуч од станот, на мое инсистирање, поради тоа што беше патент брава и може да се случи да останат надвор што еднаш и се случи, објасни Зорица.

Зорица раскажа и дека додека биле во брак таа воглавно се грижела за финансиите бидејќи Александар не работел. Поради тоа бил тажен и потиштен.

Вања во еден момент ми беше скарана и замина да живее со татко ѝ. Но, се скара и со него. Сакаше да се врати кај мене, но јас и реков дека не може да се врати додека не го подобри односот со татко ѝ. По некое време навистина го подобрија односот, вели Ѓорчевска.

Првиот дел од сведоштвото тука:

https://republika.mk/vesti/makedonija/zoritsa-gorchevska-dojdovme-na-poslednata-lokatsija-kaj-edna-napushtena-kuka-i-pochnavme-da-ja-dovikuvame/

Вториот дел од сведоштвото тука:

https://republika.mk/vesti/aleksandar-mi-kazha-deka-vana-e-kidnapirana-veli-nejzinata-majka/

The post Вања замина да живее со татко ѝ, но се скара и со него и побара да се врати дома appeared first on Република.

Откако Вања ја немало полицијата го проверувала сутеренот на зградата каде што живееле. Ја зеле и помалата ќерка од учичиште и проверувале на и интернет дали пишува нешто за Вања, продолжи со сведочењето Зорица Ѓорчевска, на денешното судењето за двојното убиство на нејзината малолетната ќеркака и велешанецот Панче Жежовски во Основниот кривичен суд Скопје.

[caption id="attachment_826394" align="aligncenter" width="1170"] Зорица Ѓорчевска (прва од лево)[/caption]

Александар ми рече тогаш дека Вања е киднапирана, нема што друго да биде. Од прв момент го зборуваше тоа. Во текот на наредните денови повторуваше дека е киднапирана – јас му велев кој би ја грабнал? Во еден од наредните денови му се развикав да престане да зборува за тоа дека е киднапирана, зашто дотогаш никој не ни побарал откуп – рече Зорица и додаде дека од продажбата на станот ѝ останале 30.000 евра., се присети Зорица.

Зорица тогаш ја прашала и полицијата дали може да објави дека е киднапирана, а откако ѝ дозволиле тоа и направила.

Во петок сабајле речиси секогаш помалата ќерка одеше сама на училиште. За конкретниот ден класната на помалата ќерка беше болна и затоа немаше да има прв час, додава Ѓорчевска.

Потврди дека - тоа му го кажала и на таткото.

Првиот дел од сведоштвото тука:

https://republika.mk/vesti/makedonija/zoritsa-gorchevska-dojdovme-na-poslednata-lokatsija-kaj-edna-napushtena-kuka-i-pochnavme-da-ja-dovikuvame/

The post Александар ми кажа дека Вања е киднапирана, вели нејзината мајка appeared first on Република.

Не ги познавам обвинетите, а не сум скарана со Александар, изјави мајката на Вања Ѓорчевска, Зорица, која денеска во Основниот кривичен суд Скопје сведочи на продолжението од судењето за двојното убиство на нејзината малолетната ќеркака и велешанецот Панче Жежовски.

[caption id="attachment_826401" align="aligncenter" width="1600"] Судење за убиствата на Вања и Панче, 14 октомври 2024 (фото: Република)[/caption]

Во станот каде се случи настанот живеевме од септември, а станот беше во сопственост на Александар. Тој инсистираше станот да биде на негово име за децата да имаат нешто. Побарав станот да се префрли на име на децата, бидејќи јас ќе живеев таму како старател. Ја почнавме постапката, но нотарската постапка никогаш не беше завршена. Тој одолговлекуваше и јас престанав да инсистирам. Јас ги плаќав сметките, го реновирав и на 9 септември се вселивме. Претходно во станот живееше станар. Јас имам уште три стана и стан во Охрид, кој се водеше на името на родителите, рече Ѓорчевска.

Раскажа и за кобниот ден.

Помалата ќерка немаше прв час и Вања сама излезе на училиште. Кога класната ми прати порака дека Вања не е на училште ја следев на „гугл мапс“ и последната локација ѝ беше кај „Фитнес хаус“ на „Партизанска“. Беше недостапна, дојде и Александар, пријавивме во полиција. Дојдовме на споменатата локација кај една напуштена куќа и почнавме да ја довикуваме, раскажува таа.

The post Зорица Ѓорчевска: Дојдовме на последната локација кај една напуштена куќа и почнавме да ја довикуваме appeared first on Република.

Мајката на убиената Вања, Зорица Ѓорчевска, дојде во Кривичниот суд во Скопје каде денеска продолжува судскиот процес за горозморните убиства на 14-годишното девојче и велешанецот Панче Жежовски.

[caption id="attachment_826393" align="aligncenter" width="1170"] Зорица Ѓорчевска (прва од лево)[/caption]

На првото рочиште за убиствата на малолетната Вања Ѓорчевска и Панче Жежовски четворицата обвинети Љупчо Палевски-Палчо, Велибор Манев, Боре Видевски и Влатко Кешишов се изјаснија за невини, а мајката на Вања побара исклучување на јавноста за да се заштити приватноста на семејството, но судот не го прифати нејзиниот предлог

The post Мајката на Вања пристигна во суд appeared first on Република.

Судскиот процес за убиствата на малолетната Вања Ѓорчевска и Панче Жежовски продолжува денеска со  сведочењето на мајката на Вања, Зорица Ѓорчевска,

На првото рочиште, четворицата обвинети—Љупчо Палевски-Палчо, Велибор Манев, Боре Видевски и Влатко Кешишов—се изјаснија за невини, а мајката на Вања побара исклучување на јавноста за да се заштити приватноста на семејството, но судот не го прифати нејзиниот предлог

The post Денеска ќе сведочи мајката на Вања Ѓорчевска appeared first on Република.

Во Основниот кривичен суд Скопје утрово започна долгоочекуваниот судски процес за убиствата кое ја потресе Македонија. Обвинетите за смртта на Вања Ѓорчевска и фризерот Панчо Жежовски излегоа пред судија и ќе ги имаат воведните обраќања. Најголемо внимание предизвика појавувањето на првообвинетиот Љупчо Палевски - Палчо.

Изненадување беше кога обвинителот прочита писмо од Зорица Ѓорчевска, мајка на убиената Вања која побара исклучување на медиумите од целиот процес.

Исклучувањето е потребно заради зачувувањето на приватноста на мајката на Вања Ѓорчевска која како мајка на малолетни лица има право на исклучување на јавноста која би имало големо влијание врз неа и децата, и оти трпеле пострауматско растројство, објасни обвинителката Жаклина Крстевска.

Адвокатот на таткото на Вања, Туфегќик остава судот да одлучи но смета дека судијата треба да се води од јавниот интерес.

Таткото во овој случај е оштетен и е жртва-потенцираше адвокатот.

Судијата не прифати исклучување на јавноста.

Судечкиот совет при Основниот кривичен суд Скопје месецов донесе одлука за спојување на постапките на обвинетите, откако Основното јавно обвинителство најпрво поднесе обвинение против четири лица, а потоа и за првоосомничениот Љупчо Палевски за кого се чекаше екстрадиција од Турција, за двојното грабнување и свирепо убиство на 14-годишната Вања Ѓорчевска од Скопје и 74-годишниот Панче Жежовски од Велес.

Според обвинението, тие заедно испланирале грабнување на 14-годишното девојче со цел да присилат член на нејзиното потесно семејство да даде парични средства за откуп.

На 22.11.2023, обвинетиот заедно со уште тројца претходно обвинети заеднички извршиле грабнување на оштетениот Панче Жежовски во Велес, со намера да го присилат да им го даде сопственото возило „Цитроен“ за да го користат за грабнување на детето во Скопје.

Малолетната Вања и велешанецот Панче, кои беа пријавени за исчезнати на 27 и 24 ноември, беа пронајдени мртви во близина на Скопје и Велес на 3 декември 2023 година.

Во врска со овој случај е осомничено уште едно лице за помагање по извршување на кривичното дело против кого постапката ќе се води одвоено.

The post Мајката на Вања побара исклучување на медиумите од судењето на нејзината ќерка appeared first on Република.

Игор Јуриќ, чија ќерка Тијана беше убена  на сличен начин како Вања Ѓорчевска, во четврток ќе допатува во Скопје за да се сретне со мајката Зорица. Тој вели дека точно знае низ што поминува семејството на девојчето и затоа сака да се сретне со мајката, но и да го посети гробот на Вања.

Јуриќ нагласува дека има многу нелогичности во целиот случај.

Тука пред се мислам на таткото на девојчето.Министерот за внатешни работи прерано излезе со констатација за таткото.Јас не мислам дека еден татко е спремен да направи такво нешто иако сум свесен дека на планетава постојат секакои луѓе кои се спремни на сѐ.Но замислете да тоа не е точно и тој човек ќе биде обележен за цел живот дека го загрозил своето дете.Тоа е многу тешко обвинение.Од друга страна ако навистина тоа го направил не можам ни да замислам каква казна заслужува-објасни Јуриќ за „Прва ТВ“.

Која беше Тијана Јуриќ

15 годишната Тијана Јуриќ во 2014 година беше убиена од Драган Ѓуриќ, 34-годишен месар од белградската населба Сурчин.Кобната ноќ таа со другарките отишла на турнир во мал фудбал, кој се одржувал во селото Рата и останала со нив цела вечер. Околу полноќ, таа се упатила дома со друга, но на половина пат одлучила дека мора да се врати за да ја врати блузата што  ја позајмила од некој другар.

Тие се разделиле на околу 200 метри од куќата на нејзината баба и дедо. Подоцна, преку лична истрага, таткото на Тијана можел да реконструира каде отишла и што се случило. На пат кон спортскиот центар  сретнала уште неколку другарки кои ја прашале каде оди, а таа одговорила дека ќе ја врати позајмената маичка. Ја преминала железничката пруга и продолжила по патот кон спортското игралиште каде ја чекал нејзиниот пријател, сопственикот на маицата.Кога неговиот пријател видел дека Тијана не доаѓа, почнал да ја бара. Но, несреќната девојка во тој момент веќе била киднапирана.

Била пронајдена само нејзината патика. Врз основа на  истрагата е утврдено  дека од моментот кога последен пат била видена до моментот кога и била пронајдена патиката, не поминале повеќе од седум минути. Се претпоставува дека насилно била втурната во автомобилот, и дека и испаднала патиката додека се противела да влезе во возилото.Таа вечер пријателите на Тијана почнале да и се јавуваат на мобилен телефон и да праќаат пораки на Фејсбук, но таа не одговарала, а по два часа и се исклучил мобилниот.

Убиецот Ѓуриќ, кој е висок два метри и тежок преку 100 килограми, првично негираше дека ја киднапирал и убил Тијана Јуриќ, но кога паднал на полиграфскиот тест, се скршил и го признал своето страшно злосторство.Според неговата приказна, тој возел пијан и со автомобилот ја удрил девојката, а кога таа почнала да плаче и да вика помош, тој ја удрил неколку пати во главата и ја фрлил во автомобилот. Потоа ја однел на во шумма, каде што , ја соблекол, се обидел да ја силува, а потоа ја задавил со нејзината маица – истата таа сакала да и ја врати на другарот. После тоа  го вратил телото во автомобилот и го возел на десет километри од Сомбор, каде го закопал во дива депонија, на 23 километри од местото каде што ја киднапирал. Во багажникот на автомобилот била пронајдена и лопата со која ја закопал.

Осуден е на 55 години затвор, 40 за тешко убиство и 12 години за обид за силување, што заедно со максимална казна од 40 години.

По убиството на девојчето беше донесе закон кој беше наречен „Тијанин закон“ според кој полицијата повеќе не чека да поминат 24 часа, туку веднаш по пријавувањето на исчезнувањето почнува да бара исчезнато дете. Пред донесувањето на законот, во практиката на полициската работа тој период изнесуваше меѓу 24 и 48 часа.

The post Неговата Тијана ја имаше истата судбина како Вања: Игор Јуриќ доаѓа во Скопје за да се сретне со мајката Зорица appeared first on Република.

Мајката на Вања Ѓорчевска која беше убиена во атарот на селото Бразда, Зорица, за српска „Република“ дала изјава за првпат по смртта на девојчето, за која осомничени се пет лица меѓу кои првоосомничен е Љупчо Палевски кој ќе биде екстрадиран во земјава од Турција.

-Несфатливо ми е зошто моето преубаво девојче е во гроб. Имам хронична болест, но се држам. Важно ми е само да ја дознаам вистината. Другата ќерка е болна, сите се надеваме дека ќе биде добро. Ништо не знам, мене сето ова ми е нереално. Бевме разведени пет години и не знам што правел и со кого. Бевме во добри односи заради децата, не се расправавме околу старателството, воспитувањето. Смееше да ги види кога сака или кога ќе посакаат децата. Неговиот живот не ме интересираше. Мене животот ми беа моите деца и мојата работа. Беше оставен на мир, за да ме остави мене на мир, изјави за Република мајката на Вања Ѓорчевска, Зорица.

Извор: Република.рс

The post Мајката на Вања: Не можам да разберам зошто моето преубаво девојче е во гроб appeared first on Република.

Прашајте каде се мајката на Вања, сестричката, апелира актерката Весна Петрушевска, додавајќи дека во оваа колективна траума заборавивме на нив две кои се исто жртви на насилство.

Прашањето што се поставува е - што ние како општество, ние како луѓе, ќе направиме за да му помогнеме на ова семејство? Затоа што не се виновни. Жртвата никогаш не е виновна и не треба да ги заборавиме, вели Бејби во видеото објавено на социјалните мрежи.

Како некој кој и самиот поминал низ трауматично искуство, Весна потсетува дека како држава немаме развиено систем како да им помогнеме на жртвите од насилство.

 

View this post on Instagram

 

A post shared by Vesna Petrushevska (@vesnapetrushevska)

The post Петрушевска: Прашајте каде се мајката на Вања, сестричката… appeared first on Република.