Претседателот на Хрватска Зоран Милановиќ изјави дека процесот за членство во ЕУ трае со години, дека го обележуваат состаноци кои се одржуваат еднаш годишно, а администрацијата на ЕУ не е ефикасна.

Ниту еден процес на ЕУ не доведе до ништо. Ова е форма на комуникација меѓу луѓето и државите, ЕУ е инертен состав во кој влегоа Словенија и Хрватска и во кој треба да имаме корист, но не гледам никаква идеологија во тоа, рече Милановиќ.

Тој рече дека државите ќе го изгубат трпението доколку се одложи понатамошното проширување на ЕУ и дека задача на Хрватска е да ги охрабри тие држави.

Сакам соседите да ни бидат пријатели, мора да имаме разбирање за нивните проблеми, вклучително и проблемите на внатрешната политика, кои се природни затоа што црногорската историја не започна утринава, а секако не голем дел од тоа време беше менаџирана од Загреб, изјави Милановиќ.

На прашањето како ги оценува односите меѓу Црна Гора и Хрватска, тој рече дека се добри.

Разбирам дека некои пратеници во Собранието на Црна Гора имаат потреба да нагласат нешто што ги загрижува, се работеше за Резолуцијата за Јасеновац, која според мене е сосема непотребна, тоа се работи што стојат зад нас, вели Милановиќ.

Тој рече дека ниту ја поддржува, ниту ја осудува одлуката за прогласување на црногорските пратеници за персона нон грата и дека не учествувал во таа одлука.

The post Милановиќ: Државите ќе го изгубат трпението доколку се одложи проширувањето на ЕУ appeared first on Република.

Претседателката Гордана Сиљановска Давкова денеска остварила средба со претседателот на Република Хрватска, Зоран Милановиќ во Тиват, Црна Гора, каде учествуваат на состанокот на лидерите на земјите учеснички во Процесот Брдо-Бриони.

На средбата претседателката Сиљановска Давкова, како  што соопшти нејзиниот Кабинет, изразила благодарност за цврстата и континуирана поддршка од Хрватска во процесот на евроинтеграции, што е најдобриот пат за развој на нашиот регион и стабилноста на Европа.

Во таа насока, претседателката Сиљановска Давкова истакнала дека евроинтеграцискиот процес мора да се ослободи од оковите на билатералните прашања и целосно да се дебилатеризира, посочувајќи на опасноста од зголемување на евроскептицизмот поради актуелниот ќор-сокак во кој се наоѓа процесот.

Претседателката Сиљановска Давкова посочила на потребата Европската Унија да ја потврди својата јасна посветеност на регионот, како што беше направено на Самитот во Солун во 2003 година, а процесот на интеграција да се базира на исполнување на критериумите од Копенхаген како единствени услови за влез во унијата.

Во контекст на регионалната соработка, Сиљановска Давкова истакнала дека нејзиното зајакнување ќе обезбеди нашиот регион да остане отпорен на надворешни притисоци.

На средбата претседателката Сиљановска Давкова потенцирала и дека како НАТО сојузници, силно сме посветени на промовирање и споделување на заедничките вредности и одговорности во рамките на Алијансата, придонесувајќи за меѓународните мировни операции, споделувајќи заеднички ставови во однос на ситуацијата на регионално и мултилатерално ниво за мир и стабилност во регионот.

Во разговорите било констатирано дека двете држави негуваат одлични билатерални односи, кои се карактеризираат со интензивен политички дијалог, конструктивна соработка во сите области од заемен интерес и долгогодишно пријателство

The post Средба Сиљановска-Милановиќ: Eвроинтеграцијата најдобриот пат за развој на регионот и стабилноста на Европа appeared first on Република.

Хрватскиот претседател Зоран Милановиќ изјави дека не го гледа како некаков охрабрувачки знак фактот што повеќе од 60 отсто од хрватските пензионери добиле еднократна помош, туку тоа го гледа како знак за лошата состојба во општеството.

Ме растажува фактот што повеќе од 60 проценти од пензионерите мора да добијат еднократна помош бидејќи тоа само значи дека повеќето од нив живеат во сиромаштија. Луѓето не можат така да живеат, од повремената милостина на Владата, тоа е неодржливо“, порача Милановиќ на својата официјална Фејсбук страница.

Хрватскиот претседател посочува дека тоа е поразително за хрватската држава, за која денешните пензионери работеле цел живот.

Затоа повторувам дека упорно и гласно ќе зборувам за оваа неправда додека не се исправи“, изјави Милановиќ.

Есенскиот пакет мерки на хрватската Влада предвидува финансиска помош за околу 760.000 пензионери, во износ од 76,5 милиони евра.

Право на оваа помош имаат пензионерите чии вкупни месечни примања за септември оваа година не надминуваат 840 евра. Еднократната исплата се движи од 60 евра до 160 евра, а во зависност од висината на приходите, пензионерите се поделени во четири категории: оние со приходи до 350 евра, од 350 до 500 евра, од 500 до 650 евра и оние чии приходи се 650 до 840 евра.

The post Милановиќ: Еднократната помош за пензионерите е знак за лошата состојба во општеството appeared first on Република.

Неистакнувањето на македонското знаме на средбата меѓу Радев и Силјановска беше повод за медиумите под контрола на опозицијата да лажат, односно спинуваат дека и на средбата меѓу премиерот Мицкоски со хрватскиот претседател Милановиќ го немало нашето знаме. Тоа не е точно а сликите јасно тоа го покажуваат.

Но, она што е забележитено на неодамнешната средба меѓу грчкиот премиер Мицотакис и Милановиќ, двајцата се ракуваат без присуство на грчкото знаме, како и на фотографија од средбата меѓу Милановиќ и словенечкиот премиер Роберт Голоб, на која не може да се забележи словенечко знаме.

The post Имаше македонско знаме за Мицкоски, но не и грчко на средбата на Милановиќ со Мицотакис appeared first on Република.

Претседателот на Хрватска Зоран Милановиќ денеска изјави дека тој и премиерот – Андреј Пленковиќ, мора да се договорат како да им помогнат на Хрватите во БиХ да си ги вратат основните права, бидејќи политичко Сараево и неговите спонзори, Канцеларијата на високиот претставник и САД, не покажуваат интерес за тоа.

Милановиќ на фестивалот „ЗеГеВеге“ за одржливо живеење ја коментираше дводневната посета на Пленковиќ и рече дека „конечно собрал храброст“ да зборува за нерамноправноста на Хрватите, добивајќи слична реакција како и тој.

– Пленковиќ беше два дена во Босна и Херцеговина. Конечно собра храброст и проговори за пресудите на Сејдиќ-Финци, за тоа како Хрватите не можат да го избираат својот член на Претседателството, што го опструира политичко Сараево,“изјави Милановиќ.

Тој потсети дека веќе шест години говори за овој проблем, а сега Пленковиќ конечно го призна, иако многу други земји би барале повеќе.

– Мораме да се договориме што да направиме за тие луѓе. Политичко Сараево и неговите спонзори, тоа е Канцеларијата на високиот претставник и американската амбасада, не се грижат за Хрватите во БиХ, додаде Милановиќ.

The post Милановиќ: Сараево и неговите спонзори не се грижат за Хрватите во БиХ appeared first on Република.

На Украина не треба да и се даваат ветувања што не можат да се исполнат, изјави хрватскиот претседател Зоран Милановиќ на маргините на самитот на НАТО во Вашингтон, каде сојузниците ја потврдија поддршката за членството на Киев во блокот.

На Украина и се заканува опасност да се исцрпи економски и демографски да се уништи. Мораме да бидеме искрени кон нив и да не даваме ветувања што не сме во можност да ги исполниме, изјави Милановиќ за хрватските новинари во Вашингтон, пренесува Хина.

Тој додаде дека на Самитот на НАТО се говорело дека патот на Украина кон НАТО е неповратен, и дека тоа треба да се сфати многу сериозно бидејќи обврзува.

Важно е да се одржи дијалогот со Москва, не мислам само на (рускиот претседател Владимир) Путин, и се знае кој треба да разговара со Русите, тоа се Американците, истакна хрватскиот претседател.

The post Милановиќ: НАТО не треба да и ветува на Украина нешта што не може да ги исполни appeared first on Република.

Претседателот на хрватската Социјалдемократска партија (СДП), Пеѓа Грбин, денеска соопшти дека актуелниот претседател Зоран Милановиќ ќе биде кандидат на партијата на претседателските избори оваа година. Милановиќ се кандидира за втор мандат на функцијата, пренесува Н1.

Грбин истакна дека партијата гласала Милановиќ да биде нејзин кандидат на претседателските избори, иако немало целосна согласност по ова прашање.

Нема да кажам кој беше против, но оваа одлука беше донесена со големо мнозинство гласови. Тој (Милановиќ) ги споделува нашите вредности и е бариера пред целосното преземање на оваа земја. Верувам дека наскоро ќе следи и поддршка од другите партии, изјави Грбин.

Хрватскиот претседател Зоран Милановиќ се кандидираше со СДП и за премиер на парламентарните избори во април оваа година, но загуби од премиерот Андреј Пленковиќ и неговата партија Хрватска демократска заедница. Според анкетите на јавното мислење, довербата во Милановиќ опаднала по парламентарните избори и тој повеќе не е најпопуларниот политичар во Хрватска. Првото место сега го зазема премиерот Пленковиќ.

The post Зоран Милановиќ ќе се кандидира за втор претседателски мандат на изборите во Хрватска appeared first on Република.

Хрватската комисија за одлучување за судир на интереси отвори случај против хрватскиот претседател Зоран Милановиќ бидејќи ја однел сопругата Сања Мусиќ Милановиќ на фудбалскиот натпревар меѓу Хрватска и Италија во Лајпциг, објави ТВ Нова.

Комисијата го добила извештајот - претседателот и неговата сопруга патувале со државен авион, и нагласуваат дека ќе ги испитаат сите релевантни факти и околности. Доколку се утврди дека има претпоставки за понатамошна постапка, Милановиќ ќе мора да даде изјава.

Комисијата претходно го отвори случајот за претседателот на Собранието, Гордан Јандроковиќ, кој со својот син отпатува на мечот со Шпанија со државниот авион.

The post Истрага против хрватскиот претседател бидејќи ја однел сопругата на ЕУРО2024 во Германија appeared first on Република.

Билатералните односи се пријателски, без отворени прашања, со континуиран политички дијалог и конструктивна соработка, оцениле во телефонски разговор претседателката Гордана Сиљановска Давкова и хрватскиот претседател Зоран Милановиќ.

Како што соопштија од Кабинетот на претседателката, во разговорот била потврдена посветеноста на двете држави за продлабочување на традиционалното партнерство, како и јакнење на регионалната соработка.

Двајцата соговорници изразиле подготвеност и за продолжување на соработката во рамките на НАТО, а претседателката Сиљановска Давкова се заблагодарила за принципиелната поддршка од Хрватска на македонските евроинтеграции.

Како што се наведува во соопштението, Сиљановска Давкова и Милановиќ размениле мислења за соработката на регионален и мултилатерален план, за европските перспективи на нашата земја и состојбите во регионот.

Во разговорот станало збор и за положбата на македонската заедница во Хрватска и хрватската во Македонија, при што било оценето дека правата на малцинствата во двете земји се на високо ниво и дека постои целосна подготвеност од двете страни за нивно дополнително унапредување.

The post Претседателката Сиљановска Давкова разговaрaше со хрватскиот претседател Зоран Милановиќ appeared first on Република.

Хрватскиот претседател Зоран Милановиќ потенцираше дека во Резолуцијата за геноцидот во Сребреница на Обединетите нации не се ни споменуваат Србите.

Се обидувам да им кажам на сите политички Срби и Срби во политиката дека Резолуцијата за Сребреница не ги допира ниту Србите, српството или Србија, поточо нема ниту збор за Србите. Ако тоа им пречи или пак сметаат дека е газење, искоренување и трауматизирање на Србите, тогаш утре ќе им пречи облачен ден, рече Милановиќ во Света Недела, коментирајќи ја усвоената резолуција на Обединетите нации за геноцидот во Сребреница.

https://republika.mk/vesti/balkan/vuchik-najmnogu-me-pogodi-shto-makedonija-glasashe-za-srebrenitsa-iako-znam-deka-ke-rechat-deka-toa-se-albantsite/

Тој додаде дека „во Сребреница се случи страшно злосторство, судот го нарече геноцид“.

Ништо не може да го смени фактот дека една манијакална група убијци уби илјадници луѓе, главно мажи од сите возрасти, и тоа секогаш ќе остане така. Мислам дека е време да го затвориме ова и да почнеме нормално да живееме во Босна и Херцеговина, бидејќи оваа мисија за отцепување е невозможна, рече Милановиќ, пренесе неговата прес-служба во соопштението.

Тој нагласи дека Република Српска не може да се отцепи од Босна и Херцеговина и дека „се прави голема врева без добра причина“.

Милановиќ ја критикуваше хрватската влада дека не се консултирала со него за резолуцијата за Сребреница, бидејќи тоа се бара според Уставот.

Тој оцени дека начинот на кој Хрватска ја ко-спонзорирала резолуцијата за Сребреница е неуставен.

Не ја оспорувам содржината и би ја поддржал, но тоа е направено зад мој грб, без консултации и дискусии, нагласи хрватскиот претседател.

Тој повтори дека сите тие се одлуки кои според Уставот не смее да ги носи владата без претседателот.

The post Милановиќ: Во Разолуцијата за Сребреница нема ни збор за Србија или Србите appeared first on Република.

Хрватскиот претседател Зоран Милановиќ денеска ги отфрли како невистинити и неприфатливи тврдењата на претседателот на Република Српска, Милорад Додик дека само мал број Хрвати не се солидаризирале со злосторствата на усташкиот режим.

– Милорад Додик, освен повторената невистина за бројот на жртвите во Јасеновац, рече дека „има многу малку припадници на хрватскиот народ кои не се солидаризирале со злосторствата на усташкиот режим“, што апсолутно не е точно и е навреда за сите хрватски антифашисти и хрватскиот народ, се вели во соопштението од Кабинетот на претседателот.

Српските политичари од Босна и Херцеговина, Србија и Црна Гора вчера одржаа комеморација за жртвите од концентрациониот логор Јасеновац во Долна Градина.

The post Милановиќ: Тврдењата на Додик за хрватската историја се неприфатливи и невистинити appeared first on Република.

Претседателот на Република Хрватска Зоран Милановиќ денеска нагласи дека Хрватска е дното на ЕУ кога се гледаат поранешните социјалистички земји, и дека „единствено Бугарија е полоша од нас“.

Бугарија е единствено полоша од нас и секое утро му се молиме на Бога ништо не им се случи да има кој да биде последен....Тоа не е она со што треба да се задоволиме. Сега немам ништо со ниту една партија, ниту со ниту еден изборен список. За почеток, Хрватска мора да биде некаде на средина, а потоа да размислува да биде најдобра во конкуренција со Унгарија, Чешка, а не со Данска и Шведска, да биде како Словенија, која имаше менаџерски способности и среќа да се развие малку поинаку отколку Хрватска во изминатите 30 години и можете да го видите тоа - рече Милановиќ.

Ни треба децентрализација, вели тој.

Секогаш е големо прашање до кој степен можете да ја дезинтегрирате државата и да ја оставите власта да оди кај народот, најдиректно кај народните избраници, без да ја разнишате државата и да и го одземете она што и треба, што е еден вид вертикала“.

Нивото на децентрализација во Хрватска, вели тој, е „за жал мизерно и никакво

The post Милановиќ: Хрватска е дното на ЕУ, Бугарија е единствено полоша appeared first on Република.

Премиерот на техничката влада на Хрватска, Андреј Пленковиќ денеска изјави дека и трет мандат ќе остане претседател на извршната власт, а на Зоран Милановиќ му порача дека повеќе не постои како претседател на Републиката.

Милановиќ како претседател на Републиката повеќе не постои … Тој го знае тоа, тоа го знаат сите експерти по уставно право. По овој тежок пораз и тој да си поднесе оставка, наведе Пленковиќ.

Тој оцени дека Милановиќ и лидерот на Социјалдемократската партија, Пеѓа Грбин требало веднаш да ја напуштат политиката на 17 април по поразот на изборите.

The post Пленковиќ: Милановиќ повеќе не постои appeared first on Република.

Премиерот на техничката влада на Хрватска, Андреј Пленковиќ денеска изјави дека и трет мандат ќе остане претседател на извршната власт, а на Зоран Милановиќ му порача дека повеќе не постои како претседател на Републиката.

Милановиќ како претседател на Републиката повеќе не постои … Тој го знае тоа, тоа го знаат сите експерти по уставно право. По овој тежок пораз и тој да си поднесе оставка, наведе Пленковиќ.

Тој оцени дека Милановиќ и лидерот на Социјалдемократската партија, Пеѓа Грбин требало веднаш да ја напуштат политиката на 17 април по поразот на изборите.

The post Пленковиќ: Милановиќ повеќе не постои appeared first on Република.

Претседателот на Социјалдемократската партија (СДП) на Хрватска, Пеѓа Грбин, потврди дека партијата се откажала од актуелниот шеф на државата Зоран Милановиќ како мандатар за состав на новата хрватска влада, и ја повтори потребата од конституирање на Парламентот за да се контролира извршната власт на ХДЗ во техничкиот мандат, бидејќи, како што рече, преговорите за формирање на нова влада може да траат со месеци.

Грбин прво рече дека „не би рекол дека се откажале од Милановиќ“, но оти, како што рече, треба да се биде свесен за реалноста.

Ако нешто не е реално, не треба да ја удирате главата во ѕид, рече Грбин.

На повтореното прашање за откажување од Милановиќ, Грбин одговори: „Ако тоа е прашањето, тогаш одговорот е да“, пренесе ХРТ.

Тој потсети на она што го кажаа Мост и ИДС – „дека не го поддржуваат Милановиќ на чело на владата“.

Грбин синоќа по седницата на претседателството на партијата одби да одговори дали е подготвен да го преземе мандатот, велејќи дека треба да се оди полека, чекор по чекор, дека сите опции се на маса и оти има подобри и полоши опции. Тој додаде дека Хрватска ја чекаат разговори за формирање на идната влада, кои ќе траат со денови, недели, а можеби и месеци.

Во меѓувреме, СДП ќе преговара со сите други политички партии кои влегоа во Собранието на изборите, со исклучок на ХДЗ, со цел да се конституира парламент кој во технички мандат би обезбедил надзор над актуелната влада.

- Сега е јасно дека преговорите за формирање на нова влада ќе потраат, а прашање е каков ќе биде нивниот исход. Не смееме да дозволиме оваа влада да дејствува без надзор во текот на овие преговори, рече Грбин.

Официјалните преговори за формирање на новото хрватско мнозинство и влада почнаа вчера, а Грбин појасни дека додека Собранието не заседава, Владата има овластување да донесува уредби со правна сила, со што на техничката влада и се даваат поголеми права и овластувања отколку што имаше пред распуштањето на парламентот.

The post Лидерот на СДП потврди дека партијата се откажа од Милановиќ како мандатар за нова хрватска Влада appeared first on Република.

Хрватскиот претседател Зоран Милановиќ денеска изјави дека Хрватска е лојална членка на НАТО, но, нагласи, треба да се посвети на вооружувањето на земјата.

„Рафалите“ нема ништо да решат, тие се скап чевел, но другата нога е уште во опинци, изјави Милановиќ во Градец каде што престојува за време на велигденските празници.

Милановиќ кажа дека „авионите се убава работа“ што на ХДЗ требаше да и послужат како „предизборен трик“, но изгледа дека нема да го направат.

Тој потсети дека ги забранил летовите на авионите „Рафал“ над Загреб и дека тоа ќе го прави се додека е претседател.

-Но, нема уште долго да бидам претседател, ќе бидам премиер, изјави Милановиќ на новинарите, јави загрепската телевизија N1.

Милановиќ повторно ги критикуваше Владата и премиерот Андреј Пленковиќ за уривање на Уставот и избегнување да се свика Советот за национална безбедност.

Инаку, хрватскиот портал „Индекс.хр“ ноќеска, една минута по полноќ, како „првоаприлска шега“ ја објави информацијата дека Милановиќ ненадејно поднел оставка до Уставниот суд за претседателската функција и дека ќе биде заменет од основачот на движењето „Татковина“, Мирослав Шкоро, кој во меѓувреме престана да се занимава со политика.

The post Милановиќ: Нема уште долго да бидам претседател, ќе бидам премиер на Хрватска appeared first on Република.

ХДЗ мора да си замине. Кој не го виде проблемот во тоа како Хрватска доби државен обвинител, јас сум изненаден. Или не разбира или има интереси и се согласува на какво било понижување, изјави хрватскиот претседател Зоран Милановиќ, пренесува „Индекс“.

Начинот на кој (Иван, главен државен обвинител на Хрватска) Турудиќ стана главен државен обвинител, а не котлар на параброд е страшен. Треба ресетирање, нешто ново. Сите што мислат така се мои луѓе. Можам да ветам дека ќе бидам како што бев премиер, остар, но сочувствителен. Сега морам понекогаш да бидам груб бидејќи количината на гнев се акумулираше многу - вели тој, пренесува Индекс.

Гледам дека Пленковиќ ми постави пилешка коњаница, почнаа кокошките… Прво ме стави во контакт со Додик, тој не ми е најдобар пријател.

Немам толку фотографии колку Пленковиќ и Човиќ, рече Милановиќ и додаде дека треба да се соработува со Србите.

Крчмар се занимава со политика на високо ниво и кажува какви врски имам низ светот, рече Милановиќ.

Премиерот е кукавица кој се плаши да се натпреварува со мене во првата единица, Пленковиќ се доведе до работ на пропаст и ме донесе и мене. Добро е да се зборува за тоа колку е важен претседателот во постизборниот период. Многу малку - рече тој.

The post Милановиќ: Пленковиќ е кукавица, треба да соработуваме со Србите appeared first on Република.

Државната изборна комисија (ДИК) на Хрватска денеска го повика претседателот Зоран Милановиќ, согласно предупредувањето на Уставниот суд, да се воздржи од директно учество во политичко изборно промовирање на кој било учесник на изборите за време на неговите настапи во медиумите.

Во предупредувањето на Уставниот суд било посочено дека должноста на претседателот на Републиката „исклучува секаква можност, во контекст на распишаните избори, да биде кандидат на листата или да биде предложен за кандидат за функцијата претседател на Владата на Хрватска или да учествува во тоа својство во политичка изборна кампања“.

Велат дека ДИК нема ниту овластување ниту намера да навлегува во делот на јавните настапи на претседателот на Хрватска, туку дека има обврска да ги предупреди сите учесници во изборниот натпревар, вклучително и претседателот на Републиката, доколку тие излегуваат надвор од рамката на дејствијата утврдени од Уставниот суд.

Повикувајќи се на Законот за избори потсетуваат дека ДИК се грижи за законската подготовка и спроведување на изборите, а Уставниот суд врши надзор над уставноста и законитоста на изборите.

„Затоа, уште еднаш ги повикуваме сите учесници во оваа изборна постапка да ги имаат предвид одредбите од Изборниот закон, задолжителните упатства на ДИК како и ставовите на Уставниот суд од нејзината прва фаза“, се наведува во соопштението.

The post ДИК го повика Милановиќ да се воздржи од учество во политичката кампања appeared first on Република.

Претседателот на Хрватска, Зоран Милановиќ на претстојните избори ќе настапи како носител на листата на СДП во Првата изборна единица, соопштија на прес-конференција тој и претседателот на СДП Пеѓа Грбин. Според неофицијални информации тој наскоро ќе поднесе оставка од функцијата претседател.

Знам дека имаше многу критики на моја сметка и затоа нема да бидам кандидат на СДП за премиер на овие избори, рече Грбин денеска на прес-конференција на плоштадот Марулиќ во Загреб и го отстапи местото на Милановиќ, кого го најави како „носител на листата на СДП во 1. ИЕ“.

Милановиќ даде кратка изјава и повика на собир на поединци и партии и најави создавање „влада на националниот спас“ по победата на изборите.

Ветувам, како и во минатото, решителна и чиста влада. Ќе ги исфрлиме крадците, угнетувачите и нивните помагачи и ќе го спречиме нивното враќање, рече тој.

Милановиќ како претседател на Републиката најави дека парламентарните избори ќе се одржат на 17 април.

The post Милановиќ ќе биде кандидат на СДП за премиер appeared first on Република.

Хрватскиот претседател Зоран Милановиќ денеска изјави дека ги изгубил симпатиите за Израел.

Тој, исто така, не го одобрува поставување израелско знаме на знаграда на хрватското Министерство за надворешни работи.

- Мислам дека тоа е идиотски потег, со сите мои симпатии за Израел, кои за жал ги загубија во рок од 15 минути. Никој на Блискиот Исток не ги сака членовите на Хамас кои извршија масакри, нема влада што ги сака, но за жал тие се сакани од народот или дел од народот.

- Ги осудив убиствата, дури и изразив згрозеност и одвратност, но правото на одбрана не го вклучува правото на одмазда и убиства на цивили, рече тој за Израел и ситуацијата во Газа.

Во Хрватска нема место други знамиња, освен во строго регулирани ситуации, вели Милановиќ. Тој додаде дека во неговиот кабинет ќе ги спушти знамињата на ЕУ и НАТО на пониски позиции од хрватското знаме. - Хрватското знаме и знамето на НАТО не се исто. Хрватското знаме и знамето на ЕУ не се исто, вели тој и додава дека оваа земја знае како се располага со знамињата. - Кое е следното знаме?, праша Милановиќ

The post Милановиќ: Израел ги изгуби моите симпатии appeared first on Република.