Зоолошката градина во Скопје од денеска повторно ќе биде отворена за посетители откако во октомври беше потврден случај на птичји грип.

Ве известуваме дека од оваа сабота (09.11.2024) Зоолошка градина на Град Скопје повторно ќе биде отворена за посетители со редовно работно време од 09:00-16:00 секој ден. Да уживаме заедно во убавите есенски и сончеви денови, ве очекуваме, стои во објавата на Фејсбук.

ЗОО Скопје беше затворена за посетители откако беше потврден случај на птичји грип. Беше спроведен надзор и хумано убивање на 24 патки, шест гуски, пет кокошки и една чавка. Беа наредени мерки за дезинфекција, испитување на другите птици присутни во Зоолошката градина за присуство на вирусот, зголемување на биосигурносните мерки и други мерки, со цел сузбивање на болеста и спречување на нејзино ширење надвор од Зоолошката градина кај животните и кај луѓето.

The post Зоолошката градина во Скопје од денеска повторно отвoрена за посетители appeared first on Република.

Негативен е резултатот на жената посетител на ЗОО тестирана за птичји грип, потврди попладнево за МИА, доктор Марија Андоновска, директорка на Институт за јавно здравје. Жена била родена 1958 година.

Досега нема пријавено друго лице за тестирање за птичји грип. Само тие што беа двајцата вработени и жената што дојде по нејзино убедување и ја тестиравме. Штом вработените се негативни, не сметаме дека има било каков ризик за посетителите, бидејќи навистина треба да има многу близок контакт за нешто да се случи, нагласи Андоновска за МИА.

The post Негативен е резултатот на жената посетител на ЗОО тестирана за птичји грип appeared first on Република.

Од 15-те вработени во скопската Зоолошка градина за кои веќе е завршена епидемиолошката анкета од страна на епидемиолози од Центарот за јавно здравје (ЦЈЗ) и Институтот за јавно здравје (ИЈЗ) за четворица денеска ќе бидат издадени решенија за здравствен надзор, а кај еден од нив, кој во петокот пројавил симптоми на покачена температура и дијареја ќе биде извршено тестирање за присуство на птичји грип. Поради појава на „птичји грип“ Зоолошката градина во Скопје е затворена трет ден. Здравствените власти и експерите уверуваат дека и покрај појавата на „птичји грип“ нема потреба од паника меѓу граѓаните.

Директорката на Институтот за јавно здравје Марија Андоновска вчера изјави дека здравствен надзор согласно протоколите не подразбира карантин и изолација, туку медицинско следење во текот на следните две недели дали вработените кои биле во контакт со птиците ќе пројават каков било симптом кој понатаму би требало да се испитува дали се работи за птичји грип.

Тие секојдневно ќе бидат контактирани од епидемиолози од ИЈЗ и ќе се следи нивната здравствена состојба, изјави Андоновска.

Епидемиозлозите, како што рече, ја информирале дека еден од четирите лица за кои е завршена епидемиолошката анкета, на 18 октомври имал симтоми со температура и дијареја кои траеле еден ден што, како што рече, не значи дека укажува дека тоа лице има птичји грип. Ова лице денеска ќе биде тестирано, бидејќи препораките од страна на епидемиолозите и микробиолозите се дека по појавата на првите симптоми во рок од пет дена треба да има тестирање.

Нема опасност за посетителите кои биле во Зоолошката градина доколку немале директен контакт со заболените птици од птичји грип

За да се пренесе птичји грип треба да има близок контакт со заболено или мртво животно или да има близок контакт со некој од секретите, измет или слично од овие заболени или мртви животни. Тоа значи дека ризикот е мал доколку посетителите немале близок контакт, потенцира Андоновска, која смета дека надлежните институции имале брза и навремена реакција согласно законските прописи и протоколи.

Лабораторијата на ИЈЗ е референтна и меѓународно акредитирана за дијагностика на инфлуенца или грип од хумано и анимално потекло и дека во моментов има тестови за птичји грип, но додава Андоновска дека не знае колкава ќе биде потребата и дали ќе треба да се набавуваат нови.

Агенцијата за храна и ветеринарство, пак, вчера соопшти дека ЗОО Скопје иако детектирало угинато животно 14 октомври, не постапила по законски процедури каде што се должни секој сомнеж на заразна болест задолжително да го пријават до надлежниот официјален ветеринар согласно  Член 50 на (Закон за ветеринарно здравство бр.113/2007; бр.24/11; 136/11; 123/12;154/15 и 53/16), и прекршувајќи ги законските обврски, самостојно доставиле примерок до Факултетот за ветеринарна медицина кој е примен на обработка на 15 октомври. На 18 октомври, како што посочија од АХВ, добиен е наод со кој е потврден случај на присуство на вирусот на авијарна инфлуенца – птичји грип, сој H5N1 кај гуска.

И покрај ваквата информација, повторно ЗОО Скопје не почитувајќи ги законските прописи не ја извести АХВ на законски пропишаниот начин, односно постапила спротивно на член 4 од Правилникот за мерки за сузбивање и искоренување на болеста авијарна инфлуенца бр 161/2016, односно секое присуство или сомнеж на авијарна инфлуенца се пријавува веднаш, односно во што е можно пократок рок до АХВ, се наведува во соопштението.

Од АХВ нагласија дека ветеринарната дејност од јавен интерес на територијата на Република Македонија, ја спроведува Државнa ветеринарна служба во соработка со други органи и институции, преку Агенцијата, директорот и референтна лабораторија која работи за потребите на Агенцијата врз основа на договор. Во саботата надлежниот официјален ветеринар од АХВ заедно со Раководителот на СЗЗБЖ овластен од страна на ВД Директорот д-р Оливер Миланов извршил вонреден инспекциски надзор во ЗОО Скопје.

Притоа, во одгледувалиштето на ЗОО Скопје официјалниот ветеринар донесе забрана за влез на посетители, забрана на пристап до езерцето во кое била пронајдена угинатата птица со исклучок на тројца вработени кои со полна заштитна опрема вршеа убивање и манипулација со птиците. Земање, пакување и испраќање на примероци за лабораториски тестирања согласно дијагностичкиот протокол од Правилникот за мерки за сузбивање и искоренување на болеста авијарна инфлуенца. Чистење и дезинфекција на просторот околу езерцето во која зона се движат овој вид на птици.  Забрана за движење на живина и други птици во и од одгледувалиштето. Се задолжи надлежната ветеринарна служба задолжително да врши пријавување на промени на здравствената состојба на живината и дивите птици до надлежниот официјален ветеринар и примена на биосигурностните мерки при спроведување на сите активности, соопштија од АХВ.

Дополнително, се посочува во соопштението, официјалниот ветеринар при вршењето на своите задачи може да побара асистенција од овластено лице од Министерството за внатрешни работи.

За жал побарана е асистенција поради присуство на лице кое се претставило дека е вработен во градската администрација и истото ја попречуваше работата на инспекциските служби и за кое дело МВР има записник. Но, мора да се заблогадариме на вработените лица во ЗОО Скопје кои несебично ни дадоа полна поддршка и земаа активно учество во спроведување на наредените мерки, соопштија од АХВ.

Затворањето на Зоолошката градина во Скопје вчера стана предмет и на политички препукувања.

The post Нема опасност за посетителите на ЗОО Скопје доколку немале директен контакт со заболени птици од птичји грип appeared first on Република.

Сега по секоја медицинска логика треба сите вработени во ЗОО заедно со овие стручњациве у скафандер без маска да идат у изолација а некој треба и да одговара зошто веднаш не е вклучен и Институт за јавно здравје со епидемиолошки тим, смета д-р Ненад Лазаров.
„Ова е паралелно можеби и првенствено задача на експерти од ИЈЗ и никој друг. Апелирам да се размисли за укинување на АХВ и нејзино враќање под ИЈЗ“, напиша тој на фејсбук.

The post Лазаров: Сите вработени во ЗОО заедно со овие стручњациве у скафандер без маска да идат у изолација appeared first on Република.

По угинување на една гуска лоцирана во езерцето во Зоолошка градина Скопје и поставен сомнеж за болеста Авијарна инфлуенца ( Птичји грип), по лабораториско тестирање на угинатата птица, со лабораториски резултат од Факултетот за ветеринарна медицина – Скопје, од 18.10.2024 година, потврден случај на присуство на виосокопатоген сој на вирусот на Птичји грип H5N1. Во текот на денешниот ден, од страна на надлежен официјален ветеринар спроведен е надзор во Зоолошката градина и наредени се мерки за надзор на болеста, а извршено е хумано убивање и нештетно отстранување на следните видови птици: 24 патки, 6 гуски, 5 кокошки и една чавка, која била присутна на локацијата.Наредени се мерки согласно Законот за ветеринарно здравство и Правилникот за мерки за сузбивање и искоренување на болеста Авијарна инфлуенца, се вели во соопштението на Агенцијата за храна и ветеринарство.

https://republika.mk/vesti/skopje/zooloshkata-gradina-vo-skopje-zatvorena-poradi-ptichji-grip/

Забранет е влез и излез на животни од зоолошката градина, ограничено е движењето на луѓе (посетители) во зоолошката градина, наредени се мерки за дезинфекција, испитување на другите птици присутни во зоолошката градина за присуство на вирусот на птичји грип, зголемување на биосигурносните мерки и други мерки, со цел сузбивање на болеста и спречување на нејзино ширења надвор од зоолошката градина кај животните и кај луѓето.

Мерките ќе бидат на сила 21 ден почнувајќи од денес за кој временски период и зоолошката градина ќе биде затворена за посетители. Последните случаеви на појава на високопатогена авијарна инфлуенца беа во 2022 година, во населените места Градец, Лески и Виница, место Селце во општина Штип и во близина на Злокуќани, општина Карпош, велат од АХВ.

Авијарната инфлуенца или птички грип е болест предизвикана од вирусот на грип/инфлуенца тип „A“ од фамилијата Orthomyxiviridae, која може да предизвика големи загуби во живинарската индустрија и ограничувања во увозот и извозот на живи птици и производи од живина. Дивите птици се познати како резервоари за вируси на птичји грип, главно од ниско патогени соеви затоа на глобално ниво се спроведуваат мерки за надзор, следење, појава и карактеристика на вируси на птичји грип кај дивите птици иако поголемото мнозинство на овие вируси не предизвикува болест.

Високопатогените соеви вирусот се патогени за живината, но како зооноза болеста може да се пренесе и на луѓето. Досега не е докажан случај на пренос на овој високопатоген сој од живина на луѓе иако е повеќе години во циркулација во земјите од ЕУ.

The post АХВ: Потврден птичји грип кај угината гуска во скопската Зоолошка, убиени се 24 патки, 6 гуски, 5 кокошки и една чавка кои биле во градината appeared first on Република.

Поранешниот директор на Зоолошката градина во Скопје, Ѓорѓи Галетановски, кој си замина од функцијата во периодот кога на чело на градот дојде Данела Арсовска, денес поднесе документи на огласот на Град Скопје за избор на директор на оваа институција. Споделувајќи ја кандидатурата на „Фејсбук“, тој рече дека на овој чекор се одлучил бидејќи смета дека сега зоолошката се наоѓа во лоша состојба за разлика од периодот кога тој беше директор.

Се одважив и поднесувам во името на многу засегнати граѓани на Скопје и Македонија кои ми пишаа деновиве, но најповеќе поради животните и моите колеги кои заслужуваат мир, благосостојба и услови достојни за нив. Барам од градоначалничката Данела Арсовска и Советот на Град Скопје мандат од една година во кој тврдам и ветувам дека со моите колеги и многу општествено одговорни компании и јавни личности од државава ќе ги подобрам условите и ќе ја вратам нивната и гордоста на ЗОО Скопје, вели Галетановски.

The post Поранешниот директор на ЗОО Скопје Галетановски бара Арсовска да го врати на функцијатата appeared first on Република.

Данела Арсовска е најголемото зло што му се случило на Скопје во поново време. Данела Арсовска, време ти е за оставка. Изразуваме најдлабок револт и загриженост поради катастрофалните услови во кои се држат животните во скопската Зоолошка градина. Сите ние сме сведоци на неодамнешните трагични настани, кои ги вклучуваат смртта на слоницата, жирафите, пингвините и најновиот – прикривање на смртта на бизонот, кој исто така е починат пред еден месец под неразјаснети околности, рече денеска пред медиумите Стефан Кирков од ВМРО-ДПМНЕ.

Тој ги повика надлежните институции веднаш да го испитаат работењето на директорот на скопската Зоолошка градина и на градоначалничката на Скопје.

Вели дека мора да се утврди како биле третирани животните и дали биле почитувани сите закони за благосостојба на животните.

Не може да се премине преку фактот дека слоницата, најголемата атракција на Зоолошката градина, тајно е носена, замислете, од скопската Золошка градина до скопската депонија со намера да се скрие нејзината смрт. Каков ум е тоа што мисли дека ќе скрие смрт на слон? Ова е чин на непочитување и отворено криминално однесување. Ја повикуваме градоначалничката на Скопје и од неа поставениот директор Зоран Попов да пристапат одговорно кон ова злосторство врз Скопје и скопјани. Нивното срамно и неспособно раководење доведе до оваа трагична ситуација и тие мора да одговараат пред јавноста и пред законот. Нашите граѓани заслужуваат да знаат што се случува со нивните пари и со институциите, додаде Стефан Кирков.

https://youtu.be/2wEWMcc-1D4?si=gc-t9l41Sx_qZNVh

The post Кирков: Надлежните веднаш да го испитаат работењето на директорот на ЗОО и на самата Арсовска appeared first on Република.

Ново бебе алпака може да се погледне во скопската Зоолошка градина, информираат денеска оттаму, преку социјалната мрежа „Фејсбук“.

Нашата алпака Фелиција стана мама по вторпат. Дина, која се роди во 2021 година, деновиве доби сестричка. За малото бебе се грижи целата фамилија на алпаки, пишува во објавата на социјалната мрежа.

Во Зоолошката градина во Скопје, овој месец се роди и двогрба камила од фамилијата Бактријан.

https://republika.mk/vesti/skopje/se-rodi-dvogrba-kamila-vo-skopskata-zooloshka/

The post По камилата, пролетва се роди и алпака во Скопје ЗОО appeared first on Република.

Скопската Зоолошка градина денеска организира „Doctor Sauer ZOO Fest“, по повод 97 години од своето постоење, како најстара зоолошка градина на Балканот. Настанот ќе се одржи на Халки бината во Скопје ЗОО, со почеток во 12 часот.

На „Doctor Sauer ZOO Fest“ ќе настапат жонглери и акробати, а ќе се одржи и едукативна работилница. За најмладите посетители подготевни се слатки задоволства.

The post Скопската Зоолошка прославува 97 години постоење, најстара на Балканот appeared first on Република.

Гледаме целосен распад во последните две години од работењето на Зоолошката градина во Скопје, алармира активистот Стефан Кирков. Во неговото гостување на „Алфа“, тој зборуваше за последните случаи со починати животни, а откри и дека во мај починале и два пингвина, но тоа било сокриено од јавноста.

Ако има некаков проблем, мора да се сподели со јавноста, и веднаш да се работи на него. Доста е од евтин ПР, се работи за живи суштества и мора да се превземе одговорност за она што се случува со ЗОО, порача тој.

https://youtu.be/IbYP6SeBUIM?si=kcw5DGF_KVSdwvF5

The post Никој не призна дека починаа и два пингвина, она што се случува во Зоолошка е многу алармантно appeared first on Република.

Згрозени, но не и изненадени од трагичната смрт на трите копитари во Зоолошка градинка Скопје и овој пат не би изостанале од осуда кон оваа институција која што низ годините единствено што докажа е некомпетентност да одржува во живот животни чије место не е позади решетки, реагираат од Здружението „Анима мунди“.

Додаваат дека неприфатливо е да исклучително ретки животни на раб на истребување, безумно завршат во субстандардна зоолошка во Македонија - која патем го загуби и кандидатскиот статус за членка на Европската асоцијација на зоолошки градини и аквариуми (ЕАЗА) – и умрат едно по едно во ист ден.

Потсетуваат дека досега официјалното раководство до моментов се нема произнесено за ништо, што е „рамно на скандал“.

Не реагиравме вчера со цел да добиеме појасна слика за она што се случило. Добивме индиции за тоа дека во Зоо Скопје работи таков кадар, што е можно и самиот да ги убил, отрул животните. Повторуваме, се укажува на можноста вработени поединци сами намерно да одлучиле да ги убијат:
1. Бараме итно да се вештачат снимките од сите камери во ЗОО Скопје, доколку изостанува видео надзор во институцијата, најстроги казни за раководството
2. Бараме информација дали и колку од ветеринарните лица во ЗОО Скопје се доктори специјалисти за лекување на диви животни, доколку такви воопшто има
3. Бараме итна надворешна и независна истрага, аутопсија која не би можела да биде лажирана, го повикуваме донаторот на трите коњи овој пат да ја обезбеди финансиски, за да се превенира во најмала рака и други животни да завршат „донирани“’ на овој начин, во оваа недојдија!
4. Бараме мораториум на внес на нови животни
5. Дивите животни не се украс, атракција и експонати туку живи суштества и со третманот кој што го добиваат во зоолошката градина се единствено изложени на стрес, страв и страдање, неприродни за природниот хабитат од кој примарно потекнуваат. Склони се на самоповредување, бавно умирање, тешка депресија. Не поддржувајте и не посетувајте животни зад решетки и Зоолошки за животни. 

The post „Анима мунди“: Имаме индиции дека во Зоо Скопје работи таков кадар, што е можно и самиот да ги убил животните appeared first on Република.

Од кога дојде Данела Арсовска, скопската зоолошка стана ќуката на стравот, се колат и умираат животни, реагира активистот Стефан Кирков, по веста за смртта на три коњи во само два дена.

Помор на животни во Скопската ЗООЛОШКА!!!
Жирафата погина поради непроцистување од паразити што треба да е рутинска нега,сега се отруени два коњи!
Од кога дојде Данела Арсовска нашата ЗОО стана ќуката на стравот, се колат и умираат животни!!!
Каде се сега друштвата за заштита со реакција и барање одговорност,во скутот на Данела и во управните одбори и директорски фотелји,тие се ФОТЕЛЈАШИ и ништо повеќе од тоа,перални за пари низ проекти и фондации!!!
Неспособноста на Данела не уназади на секое поле, и овде има од нејзините рачишта во медот со тендерите за набавка на храна!
Жал мие за животните но јас освен на ФБ сум немоќен за ништо повеќе!
Новинари,охрабрете се и побарајте одговорност и испитајте го случајот, ви стојам на располагање за сите изјави и емисии со свои сознанија!, пишува тој.

The post Кирков: Од кога дојде Данела, ЗОО стана ќуката на стравот, се колат и умираат животни appeared first on Република.

Кој повторно ги брчка рачињата во медот е темата , имено по целокупниот хаос кој владее од неспособното менаџирање на јавните претпријатија во Скопје под менторство и кадри на Градоначалничката Арсовска , за жал дојдоа на ред да страдаат и животните, напиша на својот фејсбук профил Стефан Кирков.

За жал , деновиве сме сведоци на голем преседан и под сомнение за организиран криминал и сето тоа од новите кадри поставени директно од Арсовска поточно директорот на ЗОО Скопје Г-динот Драган Илиевски.

На интернет платформата и социјалните мрежи може да видиме како животни од Скопската Зоолошка се продаваат по пет шопови , приватни зоолошки без дозволи , и на физички лица.

Лемурите од Скопската ЗОО верувале или не се на продажба , тоа е заштитен вид на животно кое е забрането да се чува како домашен миленик, за него треба да се поседува посебни услови и многу едукација и документација. Единствено ваков тип на животни имаме во Скопската ЗОО и се прашувам како по само неколку месеци од новиот директор поставен од Арсовска ваков тип на животни смее да искачаат од Скопската ЗОО и ке повторам ВЕРУВАЛЕ ИЛИ НЕ истите да се продаваат на црниот пазар на оглас!

Го проверивме и фактот дека во последниве неколку години барање за влез односно увоз на животно Лемури во Македоније не е побарано од никого, тогаш Јавно го прашувам директорот на ЗОО , како , зашто и по кој основ се излезени Лемурите од Скопската ЗОО и ги гледаме по огласите на интернет и истите се за продажба, дали со негово одобрение и одобрение на Арсовска истиве се продадени и дали постои евиденција на тоа колку Лемури неодстасуваат во Скопската ЗОО !

Моите сомнежи се поткрепени со извадени скринови од огласи каде Лемурите се на продажба па од тука директно се сомневам дека овде се работи за организиран криминал и барам веднаш Министерството за внатрешни работи да покрене постапка и истрага , Агенцијата за храна и ветерина да искочи на терен и да ги заплени овие животни кој се чуваат во приватни кафези по ресторани и фарми како што можете да видите од фотографиите .

Ако се јавите на бројот , ви кажуваат дека лемури се на продажба и истите можат да се видат кај нив и во Скопската ЗОО каде им ги чуваат замислете.... еден пар чинел 5000 евра и немале никаква документација , ги продавале како домашни миленичиња за со деца.......за ова посесувам и докази кој на барање на МВР и органите можам да им ги дадам .

Данела Арсовска , дали вие знаете дека животни Ви се продаваат од институцијата која е под вас и во која назначивте машински инжињер за директор ? Чиви рачиња се во мед , неговите, вашите ?

Барам подршка и итна мобилизација од сите друшства за заштита на животни веднаш да ја превземат оваа информација и иницијатива и лемурите да се вратат онаму како што им е местото а тоа е во Скопската ЗОО и да се најдат виновниците и соодветно ригорозно казнат за ваквиот криминал а директорот на ЗОО Скопје веднаш да одговори на овие сомневања и да си поднесе оставка !

Исто така , после целиот овој преседан , имаме право да се сомневаме дека од Скопската ЗОО освен Лемури се продаваат и други егозитчни животни кој се и треба да бидат единствено само во Зоолошка Градина, барам веднаш да се направи координативно независно тело кое ќе направи целосна ревизија на сите животни кој се и треба да бидат дел од Скопската Зоолошка.

Непрофесионалниот кадар поставен од Арсовска за жал доведува да страдаат и животните во градот , од една ЗООлошка која беше најпосетувана институција во последните години , за само неколку месеци од новиот кадар на Арсовска истата стана ќука на стравот каде страдаат животните и вработените во неа , стана место од каде на пазар се продаваат животни низ организиран криминал.

Ова не беше во програмата за модерно Скопје за кое Арсовска ја доби подршката , ова е за секоја осуда и за оставка од Арсовска и нејзините неспособни кадри и на крај , секако одговорност мора да има и ќе има !!!

The post Кирков: Данела Арсовска дали знаете дека се продаваат животни од институцијата која е под вас и во која назначивте машински инженер за директор? appeared first on Република.

Граѓанската опција за Македонија-ГРОМ во целост ги демантира наводните објави во дел од медиумите дека лицето Драган Илиевски назначен за в.д. директор на Зоолошката градина во Скопје, е член или некогаш бил член на нашата партија.

https://republika.mk/vesti/skopje/dragan-ilievski-veruvam-vo-programata-na-grad-skopje-i-deka-izbor-na-chovek-kako-mene-moze-da-pridonese-za-pozitivni-promeni/

The post Гром демантира дека новиот директор на Зоолошка градина е нивен член appeared first on Република.

По хаосот кој се случи во Зоолошката градина во Скопје, од медиумите дознавме дека е назначен нов директор на ова јавно претпријатие—човек, кој според информациите достапни во јавноста, нема претходно искуство на работа со животни ниту пак е соодветно образован за дадената позиција, реагираат од Зелен хуман град.

https://republika.mk/vesti/skopje/dragan-ilievski-od-grom-nov-direktor-vo-zoo-skopje/

Можеби е добар раководител, но тоа е тешко да се оцени без информации за неговото претходно работно искуство (CV) да бидат доставени до советниците.
Покрај тоа, раководител на институција во која се чуваат живи суштества и чии животи зависат од правилно раководење на истата МОРА да има соодветна едукација и искуство во конкретната област.
За жал, назначувањето на директори на јавни институции се врши од градоначалничката функција, а не преку советот, па советот нема право на глас за истото. Сепак, кога се консултираат советниците полесно се стигнува до вистинските луѓе за ваквите позиции, потенцираат оттаму.

Според Зелен хуман град, одличен пример за тоа е новиот директор на ЈП ЛАЈКА, Војислав Димитровски, кој по професија е ветеринар, магистер во областа на ветеринарното јавно здравство, национален консултант на ФАО за благосостојба на животните и проект лидер на УНДП за решавање на проблемот со бездомните кучиња на територијата на Југозападниот реон на Македонија.

Димитровски, кој беше поставен на позицијата со поддршка од сите скопски здруженија за заштита на животните по препорака на ЗХГ заедно со новите членови на управниот и надзорниот одбор, успеаја да ја трансформираат институцијата во функционално прифатилиште кое хумано ги третира животните и вистински им служи на скопјани - бројките на заловени, лекувани, кастрирани и вдомени животни говорат за тоа.
Друг пример е Ана Петровска која како директорка на Државниот инспекторат за животна средина успеа да ја врати во живот институцијата, да почне со вистински казни за сите оние кои ја загадуваат нашата средина и следствено да ја зголеми довербата на граѓаните во ова тело. Нажалост, токму поради тоа беше отстранета од нејзината функција, велат од Зелен хуман град.

Од здружението потенцираат дека нашите институции со години наназад тонат поради лошо раководство и работење.

Мора да го смениме начинот на одбирање на раководители на институциите и мора да бидат поставени луѓе со соодветно искуство, желба и мотивација да ја направат потребната трансформација на институција! Во спротивно, само ќе продолжиме да зборуваме за некакви промени, без да можеме уште долго време да ги видиме во пракса, велат од Зелен хуман град.

The post ЗХГ: Мора да го смениме начинот на одбирање на раководители appeared first on Република.

Директорот на скопската ЗОО, Кристијан Стаменов денеска обзнани за неколку немили настани кои во изминатиов период се случуваа во ЈУ „Зоолошка градина Скопје“.

Најпрво на 10.04.2022 поединци направиле неовластен влез на група од дванаесетина луѓе, петнаесет минути пред затворање на градината. Истото е уредно пријавено и се повикани претставници од Министерството за внатрешни работи за увид во неовластениот влез на групата луѓе.

На 28.04.2022 од службите во Зооолошката градина е направен увид во живеалишатта на животните и е констатирано дека се пресечени неколку катанци, по што биле пуштени неколку животни, во рамки на просторот во зоолошката градина. Истото е пријавено и констатирано рано утрото од страна на зоо негувателите кои дошле на работа дека се работи за видливо и намерно пуштање на неколку животни од нивните живеалишта.

По рекордната посетеност во Зоолошката градина со над 14.000 посетители, на 09.05.2022 во 00:30 часот имаше обид да се обие влезната врата од благајната. Сторителот е фатен од безбедносните камери на Зоолошката градина како во два наврати се обидува да го обие влезот на благајната, претпоставуваме со цел да направи финансиска штета. Но, снимениот поединец останал само на обидот, затоа што како што се гледа на снимката не можел да го обие влезот на билетарата и благајната по што настаната е незначителна материјална штета. Истиот настан веднаш по случувањето уште вечерта е пријавен во полициска станица Карпош.

Покрај тоа што сите овие настани се пријавени до надлежните органи за постапување, односно до Министерството за внатрешни работи, зголемена е будноста кај персоналот, а дополнително е зголемено и обезбедувањето во ноќната смена, изјави тој.

Цени дека сите овие обиди наликуваат на намерна саботажа на работата и функционирањето на самата Зоолошка градина.

Остро ги осудуваме сите овие обиди да се наштети на нашата работа, но и на безбедноста на животните, се надеваме дека службите од Министерството за внатрешни работи ќе работат интензивно на откривање на сторителите, со цел да се спречат и понатамошни вакви обиди. Сакам да потенцирам исто така дека и покрај овие обиди доколку вистина станува збор за саботажа на нашето работење и функционирање нема да не обесхрабрат туку напротив ни даваат мотив плус да работиме уште повеќе за поубава и попосетена Зоолошка градина Скопје, изјави Стаменов.

The post Искршиле катанци и ослободиле животни: Директорот на ЗОО откри неколку обиди за саботажа appeared first on Република.

Животоспасувачка драма имало во скопската Зоолошка градина, каде што минатата недела вработените буквално враќале во живот едно од бебињата мајмуни, белорак гибон.

Седуммесечено гибонче, отфрлено од мајката, се давело во езерото во зоолошката.

Вработените го реанимирале 40 минути за да го спасат. Сега неговата грижа е доверена на зоо-негувателката Зера Бекировска, која, кога не е на работа, мајмунчето го чува дома.

Оваа негувателка се грижеше, додека беа бебиња, и за павијанот Лука и неговото братче Дино, миленици на многу деца. Нив ги одгледаа вработените во зоолошката, откако мајката ги отфрли.

Целата сторија на „Нова Македонија“

The post Мајката го фрлила да се удави мајмунчето Делфина, сега живее со негувателката Зера appeared first on Република.

Уште една убава вест ни пристигнува од Зоолошката градина во Скопје. Се роди уште едно бебе лама.

Пролетно имаме и трето бебе кај ламите, со уникатни шари - велат од ЗОО

The post Се роди бебе Лама во скопската ЗОО appeared first on Република.

Скопската зоолошка градина информира дека потпишала договор со ЈСП турс за подостапни групни посети и превоз на посетители до градината.

Управителот на „ЈСП Турс", Филип Василевски и директорот на Скопје ЗОО, Кристијан Стаменов потпишаа договор за соработка во наредните четири години, со што на голем број посетители, а најмногу на ученици и деца од предучилишна возраст ќе им се овозможи подостапна посета на зоолошката градина со цел едукација и рекреација.

The post ЈСП турс ќе превезува ученици на рекреација и едукација во Зоолошка appeared first on Република.

Уште едно бебе подмладок во Скопје ЗОО, имаме радост и кај ламите, соопштија од скопската Зоолошка градина споделувајќи ја фотографијата од новиот член.

Неодамна, по 20 години, во зоолошката се родија три мали лавчиња.

https://republika.mk/vesti/skopje/po-povekje-od-20-godini-se-rodija-tri-lavchinja-vo-zoo-skopje-skopjani-kje-odluchat-za-iminjata/

The post Се роди бебе лама во скопската Зоолошка appeared first on Република.