Поранешниот директор на скопската зоолошка градина Ѓорѓи Галетановски, кој апелира посетителите и вработените кои деновиве ја посетиле ЗОО Скопје да се тестираат за птичји грип, ја известува јавноста дека два месеца по завршувањето на огласот за директор на ЗОО Скопје, огласот сè уште е отворен, а одамна се поминати сите законски рокови за жалби.

Во присуство на адвокат денеска бев во ЗОО Скопје да ги подигнам моите документи и од таму одбија да ми ги вратат со банални објаснувања – документите не се разгледани (пликот не е отворен) ниту, пак, се пратени до градоначалничката на град Скопје, поради што ќе следува тужба од моја страна, вели поранешниот директор на ЗОО Скопје, Ѓорѓи Галетановски.

„Без разлика на сите отежнителни околности со кои се соочувам во моментот, јас не се откажувам од она за што се залагам. Сакам да ги известам посетителите и моите колеги од Зоолошката градина дека мојот следен чекор е формирање фондација со име ‘За европска зоолошка’, чија примарна цел ќе биде обезбедување финансиска поддршка за Зоолошката градина во Скопје и нејзините вработени.

Фондацијата ќе биде посветена на развојот и одржувањето на Зоолошката градина според европски стандарди овозможувајќи соодветни услови за живеење на животните, унапредување на инфраструктурата, како и обезбедување средства за професионален развој и соодветни услови за работа на вработените – какви што впрочем заслужуваат, а во моментот ги немаат“, вели Галетановски и додава:

„Со формирањето на фондацијата ќе се стремам за зголемување на свесноста за важноста на заштитата на животинскиот свет и едукацијата на јавноста за овие прашања во соработка со релевантни европски институции и организации. Воедно, ќе бидат активирани многу домашни и странски фирми и донатори, кои ќе помагаат со финансии за потребите на ЗОО Скопје. Од редот на вработените во ЗОО Скопје ќе назначам и ополномоштам вработен, кој ќе има увид во финансиите, со право да управува со нив.

Сакам да им се заблагодарам за поддршката и да ги охрабрам моите колеги од институцијата, кои работат посветено и професионално, а кои се соочуваат со притисоци – да се борат за своите права и заслуги исто како што се боревме заедно! Никој не смее да се изживува со нив и да врши мобинг. Ги повикувам, доколку имаат потреба од правен совет, мојот адвокат секогаш ќе биде на располагање за какво било прекршување на Законот за работните односи со цел да бидат заштитени.

Департизацијата на Зоолошката градина Скопје останува моја прва и единствена цел и останувам да се борам за тоа!“, вели Галетановски.

The post Галетановски ќе формира фондација за спас на ЗОО Скопје, ќе го тужи Град Скопје за конкурсот appeared first on Република.

Грануломатозна пневмонија причинета од габична-аспергилус инфекција (Pneumonia granulomatosa gravis-aspergilosa) и ненавремено превенирање се причина за угинувањето на две младенчиња пингвини во мај и јули годинава, покажаа наодите по обдукцијата на Факултетот за ветеринарна медицина на барање на Зоолошката градина – Скопје, објави Телма.

За актуелното раководство на скопската Зоолошка градина до ова немало да дојде доколку грижата била на повисок степен.

Заради ненавремено реагирање и несоодветен третман од страна на ветеринарка во ЗОО, ветеринарката Весна Левајковиќ Трајков, вработена во ЗОО во време на раководство на ВМРО-ДПМНЕ, за која и покрај тоа што во 2012 година е добиено решение за неуспешност во работењето, истата продолжува со несоодветно постапување и негрижа, за што е поднесена соодветна кривична пријава и врачено решение за отказ од установата, потврдено од страна на Управниот одбор на ЗОО Скопје“, соопштија од Зоолошка градина – Скопје.

За опозициската ВМРО-ДПМНЕ, пак, последното случување со угинувањето на трите коњи во скопската Зоолошка е алармантно.

Ако на секои три месеци се распишува тендер за набавка на свежа храна во износ од десетици илјади евра, како истото е можно и зошто животните се хранат со донирана непроверена храна за која не постои технолог вработен во оваа установа за проценка на квалитетот на храната и дали треба да се хранат животните со истата, каде завршува храната која редовно се дистрибуира од постапките коишто се со завршен тендер и потпис. Дали поморот на животни се должи на нездравата исхрана со која се прехрануваат животните? Дали патолошкиот наод од смртта на жирафата покажа бактерија салмонела која исто е создадена од неправилна расипана исхрана?“, праша Стефан Кирков, член на Градскиот комитет на ВМРО-ДПМНЕ.

Зоолошката градина во целост ги отфрли ваквите тврдења.

Во меѓувреме реагираше и „Анима мунди“ во врска со угинувањето на коњите. Бараат итно вештачење на снимките од сите камери во Зоолошката градина.

Доколку изостанува видеонадзор во институцијата, најстроги казни за раководството, дали и колку од ветеринарните лица во ЗОО Скопје се доктори специјалисти за лекување на диви животни, доколку такви воопшто има“, стои во реакцијата на „Анима мунди“.

Според „Анима мунди“, неприфатливо е ретки животни, на раб на истребување, безумно да завршат во субстандардна зоолошка во Македонија која, патем, го загуби и кандидатскиот статус за членка на Европската асоцијација на зоолошки градини и аквариуми (ЕАЗА).

Во саботата во скопската Зоолошка градина угинаа два коња, а веќе следниот ден угина уште еден. Првичните сомнежи се дека животните биле отруени, а случајот е пријавен во полиција. Надлежните кажаа дека е направена обдукција и дека се чекаат резултатите.

The post Изминативедва месеца во ЗОО Скопје угинале два пингвини appeared first on Република.

Угина жирафата Каспер, информираат од Зоолошката градина Скопје.

Во тек е обдукција на жирафата од страна на Ветеринарниот институт и веднаш по добивањето на резултатите, од ЗОО Скопје ќе информираат за причините за смртта на ова сакано животно, миленик на вработените и на бројните посетители.

Каспер беше донесен во Зоолошката градина Скопје, од ЗОО Штутгарт, каде што се роди на 21 јули 2011 година. Жирафата имаше 12 години.

The post Миленикот на најмалите: Угина жирафата Каспер од ЗОО Скопје appeared first on Република.

По повод Светскиот ден на шегата денеска од 12:30 во Зоолошка градина Скопје ќе се одржи Првоаприлски маскенбал.

На бината за настани во Скопје ЗОО, ќе настапат талентирани млади музичари, а посетителите ќе имаат можност да се дружат и со слончето Халки.
За сите оние кои ќе дојдат маскирани, планирано е дефиле на маски со многу музика, забава и дружба.
Се гледаме во Скопје ЗОО!, порачаа од Зоолошка.

The post Денеска маскирани дојдете во Зоолошка appeared first on Република.

Јас Драган Илиевски: Не сум член на ниту една партија, професионално ќе ја вршам својата работа, вели новиот директор на Зоолошката градина во Скопје.

Во екстремно партизирано општество како нашето, свесен сум дека ретко се дава шанса на човек кој е професионалец да води институција, а особено на одговорна позиција како оваа.

Јасно и недвосмислено ги демантирам пласираните дезинформации дека некогаш сум бил член на било која партија, вклучително и на ГРОМ.

Имам повеќе од 20 години работно искуство на раководни позиции во приватниот сектор и магистер сум по економија. Верувам во програмата на град Скопје и во заложбите за професионализација и департизација, како што и верувам дека избор на човек како мене кој е непартиски и професионален кадар може да придонесе за позитивни промени, порача тој.

The post Драган Илиевски: Верувам во програмата на град Скопје и дека избор на човек како мене може да придонесе за позитивни промени appeared first on Република.

Драган Илиевски е новиот вршител на должност директор на Зоолошката градина во Скопје. Илиевски на оваа позиција доаѓа од партијата ГРОМ на Стевчо Јакимовски.

Илиевски има повеќе од 20 години работно искуство на раководни позиции во приватниот сектор. Дипломиран машински инженер е на Машинскиот факултет, а има завршено магистерски студии по економија, посочија од Град Скопје.

Илиевски доаѓа на позицијата по разрешувањето на претходниот В.Д Директор Кристијан Стаменов.

The post Драган Илиевски од ГРОМ нов директор во ЗОО Скопје appeared first on Република.

Директорот на скопската зоолошка градина, Кристијан Стаменов се огласи денеска по случајот со убиените коњи чие месо се користело како храна во дивите животни во ЗОО Скопје.

Стаменов објаснува што се случило и најостро ги демантира наводите дека е „убиец“ на животни. Вели, тоа е постапка која отсекогаш се спроведувала во ЗОО Скопје, односно економско искористување на животи кои не можат да бидат рехабилитирани. Додава дека е лицемерно да биде осудуван од лица кои пред него биле на истата позиција и исто постапувале, а како пример го наведе случајот со угинатата жирафа Тобого.

Најпрво би сакал да изразам жалење за информациите кои се пласираа во јавноста овие два дена. Во Зоолошката градина работам повеќе од 12 години како самостоен зоо негувател, остро ги демантирам наводите во јавноста дека сум некаков „убиец“ на животни како и лажните информации за наводните мои изјави.

Со Одлука за отстапување на стока од 11.07.2022 година од Управата за извршување на санкциите КПУ – Идризово Скопје според Решение за отстапување на стока од Агенцијата за управување со одземен имот бр. 09-2328/1 од 08.06.2022 година и Решение за отстапување на стока бр. 09-2201/1 од 31.05.2022 се отстапија вкупно 12 коњи од КПУ Идризово во Зоолошката градина, поради немање на соодветни услови за чување на истите. Овие животни биле претходно запленети од дрвокрадци, шверцери на наркотични средства итн.

Според важечка одлука на Управниот одбор на Зоолошката градина Скопје од кои последните 20год или откако постои оваа установа се врши таканаречено „економски искористување“ на животни кои во консултација со стручните лица од Зоолошката градина се во состојба пред умирање, болни, со видливи неизлечиви рани, инфекции и крајно изнемоштени животни кои не можат да бидат рехабилитирани.

Наспроти сите јавни пишувања на поединци морам да истакнам дека ова не е прв случај, вакви случаи во минатото се бројни лично сум учествувал како зоо негувател во ваква постапка и во времето на претходниот директор на Зоолошката градина. Крајно лицемерна е осудата која доаѓа кон мене токму од истите лица кои ова економско искористување го имаат и самите правено и тоа не само на коњи, туку и на останати животни, пример за тоа е жирафата која е дадена како храна за лавовите.

За разлика од претходни години сега над животните кои не можат да се спасат или боледуваат се спроведува навистина хуман третман. Можеби во јавноста овие теми не се популарни, но предметите на јавни набавки за месо кои ги спроведуваат сите зоолошки градини во светот доаѓаат дури и од здрави животни. Во Хамбург, Љубљана, Загреб, Дрезден и многу други европски метрополи спроведуваат ваков вид на хуман третман на болни животни, кои се во опасност од умирање.

Сакам изрично да одговорам на сите напади – Никогаш ниту сум имал намера ниту сум помислил да мачам изнемоштувам или убивам животни. Како зоонегувател сум посветил над 12 години од мојот живот на само на заштита на животните. Во претходниот период имавме добар пример, коњот кој го спасивме од Дебар маало беше животно во тешка состојба, но успеавме да го рехабилитираме да биде само дополнителна вредност на зоолошката градина, така сум постапувал со сите животни.

Од самиот почеток на моето назначување за в.д директор на зоолошката градина бев мета на разни напади, физички пресметки, закани, притисоци и опструкции за кои дел од нив бевте сведоци самите.

Ова што се случи и фамата која се крена во јавноста ги оценувам како злоупотреба на постапката за хуман третман која ја спроведува со години истава институција, а вклучително и секој директор на истата. Ова е директен атак против мене и моето добро работење кое резултираше со досега невидени позитивни ефекти за оваа институција, ова е напад кој можеби е и дополнителен политички притисок за мое обезвреднување. Морам да истакна дека запазени се сите законски процедури во оваа постапка која не е нималку популарна, но која е одраз само на правилно спроведување на заштитата на животните. Јас мојата невиност ќе ја докажам пред институциите, и секогаш ќе имам неизмерна љубов кон сите животни, пишува Стаменов.

The post И жирафата беше дадена како храна, лицемерен е овој напад вели Стаменов appeared first on Република.

Трите женски лавчиња во Зоолошката градина во Скопје ќе ги добијат имињата Луна, Ана и Хана.

Овие имиња ги избраа граѓаните, кои имаа можност да ги дадат своите предлози во Зоолошката, но и на нејзината официјалната Фејсбук страница.

Изминатите денови добивме над 3.000 предлози за имиња на трите женски лавчиња во кутиите оставени пред влезот на зоолошката градина, но и на Фејсбук страниците на Скопје ЗОО и Град Скопје. 

 

Ви благодариме што бевте креативни и што придонесовте заеднички да ги одбереме имињата за овие три мали убавици. Внимателно ги прочитавме сите предлози и најголем број од нив беа за Луна, Ана и Хана.

 

Да ни се живи и здрави и да не радуваат уште многу години - објавија од Зоолошката градина.

The post Ана, Хана и Луна: Трите женски лавчиња во ЗОО Скопје добија имиња appeared first on Република.

Двете мечки од скопската зоолошка, отпатуваа во нов живот во резерватот во Швајцарија- Arosa Bearland sanctuary.

-Живеалиштето за мечки во нашата зоолошка е едно од постарите, а мечињата кои живеат тука уште од мали се донесени овде бидејќи останале без мајки поради човечки фактор и недозволен лов. Во недостиг на резерват за мечки во државата, секогаш тимот на ЗОО Скопје пробувале да помогнат на што повеќе мечки, но градината нема доволно простор за сите, велат од Зоо Скопје.

Во живеалиштето за мечките, до средата живееа четири мечки во три посебни делови. Бим и Бум во заеднички дел, а братот и сестрата кои имаат по 18 години во две посебни живеалишта.

-Не беше возможно да се направи реконструкција на живеалиштата, ниту пак редовно да се средуваат поради тоа што немаше начин ниту простор да се спојат сите четири мечиња. Во разговор со нашите соработници од FOUR PAWS, дојдовме до заедничко решение кое е хумано за сите четири мечки-братот и сестрата да заминат во преубавиот Ароса парк, а Бим и Бум да добијат три пати поголем простор и реновирано живеалиште по светски стандарди кое ќе го правиме со експертиза на FOUR PAWS и искуствата од нивните резервати за мечки кои ги имаат низ Европа. Благодарност до оваа најголема светска организација за заштита на животните за прекрасната соработка која ја имавме изминатиот период, бидејќи процесот за транспортот на двете мечки беше подолг, а нивниот и нашиот тим дадоа се од себе мечките безбедно и здрави да пристигнат во Швајцарија. Работевме заедно деноноќно, сите среќни дека четирите мечки ќе имаат подобра иднина и поголема благосостојба, велат од Зоо Скопје.

The post Резерват во Швајцарија нов дом за две мечки од ЗОО Скопје appeared first on Република.

Делегација од реномираната организација за заштита на животните Four Paws International ја посети скопската ЗОО. Претставници  на Four Paws Internationalостварија средба со градоначалничката на Град Скопје Данела Арсовска и директорот на Зоолошката градина, Кристијан Стаменов.

На средбата Four Paws International  ја преставуваа Јоана Данглер (Iona Dungler) - директорка на Одделот за диви животни во Four Paws International и Барбара ван Џин ( Barbara Van Geene)- интернационален директор на Сектор Wild animals rescue & Advocasy во Four Paws International.

Four Paws International  е најголема светска организација за заштита на животните и помага за благосостојбата на животните низ целиот свет, со седиште во Виена и со свои прифатилишта на повеќе локации во светот.

Со нивното знаење, експертски совети, ветеринарна грижа и логистика тие континуирано помагаат на Скопје ЗОО, но нивна главна цел е и заеднички  да ја унапредиме благосостојбата на животни.

Во овој период со нивна помош беа спасени илјадници загрозени животни.

Градот Скопје континуирано ќе работи на подобрување на условите во кои живеат животните, како и ќе ги почитува препораките на меѓународните стандарди за заштита на животните.

The post Делегацијата од „Four Paws International“ ја посети скопската ЗОО appeared first on Република.

Скопската Зоолошка градина се најде меѓу главните вести на престижниот „Гардијан“.

Голема е честа што Скопје ЗОО е меѓу трите главни вести на денот на престижниот „Гардијан“ - велат од скопската Зоолошка градина.

The post Скопската Зоолошка градина меѓу трите главни вести на денот на престижниот „Гардијан“ appeared first on Република.

Уште едно бебе подмладок во Скопје ЗОО, имаме радост и кај ламите, соопштија од скопската Зоолошка градина споделувајќи ја фотографијата од новиот член.

Неодамна, по 20 години, во зоолошката се родија три мали лавчиња.

https://republika.mk/vesti/skopje/po-povekje-od-20-godini-se-rodija-tri-lavchinja-vo-zoo-skopje-skopjani-kje-odluchat-za-iminjata/

The post Се роди бебе лама во скопската Зоолошка appeared first on Република.

Градоначалничката на Град Скопје Данела Арсовска заедно со директорот на ЗОО Скопје Кристијан Стаменов и дел од советниците од град Скопје ја започнаа на пролетната акција за раззеленување на ботаничката градина. Вработените на ЗОО Скопје во координација со ЈП Паркови и работат заедно во акција за чистење и ревитализација на ботаничката градина којашто во изминатите четири години не беше функционална, односно посетителите немаа можност да прошетаат во тој дел од зоолошката градина.

Ботаничката градина се протега на 20 000 м2, а следи обновување на системот за полевање и подготвени се нови 200 садници за засадување. Градината ќе добие и нова урбана опрема, а во план е и реконструкција на дрвените мостови, со што овој простор ќе биде повторно достапен за посетителите, истакна градоначалничката Арсовска.

Во наредниот период Градот Скопје заедно со ЗОО Скопје, ќе спроведе низа активности со кои ќе се подобрат условите на живеалиштата на животните, како и инфраструктурата којашто ќе овозможи подобри услови за посетителите на скопската зоолошка градина.

The post Се ревитализира ботаничката градина во ЗОО Скопје appeared first on Република.

Денеска на 20 март, Денот на среќата, по повеќе од 20 години во скопската Зоолошката градина се родија три лавчиња. Градоначалничката на Град Скопје Данела Арсовска денеска беше на увид во живеалиштето на лавчињата.

Ова е една од најубавите работи кои се случиле во Зоолошката градина во Скопје, лавчињата се одлично згрижени, а вработените во Зоолошката градина со професионалност и внимание се грижат за мајката и малите да се безбедни и да ги имаат сите услови во внатрешното живеалиште каде што се постојано набљудувани, истакна градоначалничката Арсовска.

Лавчињата се стари само неколку дена, а посетителите ќе имаат можност да ги видат кога ќе бидат доволно возрасни да можат самостојно да се движат низ надворешното живеалиште, истакна директорот на Зоолошката градина – Скопје, Кристијан Стаменов.

Градот Скопје ги известува сите љубители на животни и посетители на ЗОО – Скопје, дека во идниот период ќе имаат прилика да учествуваат во давањето имиња на трите лавчиња.

The post По повеќе од 20 години – се родија три лавчиња во ЗОО Скопје, скопјани ќе одлучат за имињата appeared first on Република.

Заедничката кампања „Нашите миленици се наше семејство, не ги напуштајте!“ на ЗОО Скопје и ЈП Лајка со поддршка од Град Скопје е со цел подигање на свеста против напуштање на милениците и одговорно сопствеништво.  Во оваа кампања, се вклучија и наши познати личности кои се љубители на животните.

Прва која сними видео со поддршка е македонската евровизиска претставничка Андреа Коевска, која заедно со својот долгогодишен миленик Лео низ прошетка во Градски парк порача да ги сакаме животните и никогаш да не ги напуштаме милениците бидејќи и тие се дел од семејството.

Линкови од видеото:

https://fb.watch/bstk6xCy25/

The post Евровизиската претставничка Андреа дел од кампањата „Нашите миленици се наше семејство, не ги напуштајте!“ appeared first on Република.