Градоначалникот на Куманово и лидер на ЗНАМ, Максим Димитриевски, плати казна од 1.000 денари за зонско паркирање и истовремено го пофали градското претпријатие „Куманово паркинг“ за неселективност.

„Нулта толеранција! Респект Куманово паркинг!“, напиша Димитриевски на Фејсбук, истовремено објавувајќи фотографии од неговото возило со поставена „канџа“ и платената сметка.

The post Димитриевски плати казна за зонско паркирање appeared first on Република.

Јавното претпријатие Градски паркинг Скопје ги известува граѓаните дека од 01.06.2024 (сабота) започнува летното сметање на работното време на јавните површини наменети за паркирање – зонско, со кои стопанисува претпријатието.

Работното време во зоните А, Б, Ц и Д ќе биде од понеделник до сабота од 07:00- 23:00 часот.

Оттаму апелираат до сите корисници на нивните услуги да бидат внимателни и навремено да извршат наплата при паркирање согласно наведеното работно време.

The post Од утре летна шема: Зонското паркирање во Скопје ќе работи од 7 до 23 часот appeared first on Република.

Зонското паркирање кое следниот месец ќе стартува во Карпош 1 и 2 се чини дека нема да го реши проблемот со недостаток на паркинг места со кои се соочуваат станарите од овие населби.

И по воведувањето на зонското паркирање станарите повторно ќе немаат доволно место за паркирање на своите поради хаварисаните возила кои со години „скапуваат“ на паркинзите пред зградите.

Се чини дека во Скопје никој не е надлежен за нивно отстранување, ниту Град Скопје, ниту Општина Карпош, ниту МВР а ни „Градски Паркинг“ кој ќе стопанисува со новата зона „Д42“.

Жители на оваа зона кои беа да се регистрираат за бесплатно паркирање прашале во претпријатието дали ќе ги дислоцираат старите возила и оттаму добиле негативен одговор.Оттаму објасниле дека тоа тоа треба да го направи општината. „Градски паркинг“ ќе ги отстранеле само оние возила кои биле без регистарски ознаки, додека оние што имале регистрарски таблички немале да ги креваат.

На прашањето каква гаранција е регистарската табличка кое тоа возило е можно со години да не е регистрирано и во возна состојба, од „Градски паркинг“ на жителите им одговориле дека тоа треба да го проверат во Полицијата.

The post Никој не е надлежен за хаварисаните возила во Скопје: „Градски паркинг“ нема да ги собира „кршовите“ од зонското паркирање во Карпош 1 и 2? appeared first on Република.

„Градски паркинг“ почна со обележување на паркинг местата за зонското паркирње кое наскоро ќе стартува во Карпош 1 и 2.

Право на паркирање на зона Д42 ќе имаат граѓаните кои гравитираат на една од наведените адреси, по цена од 0 ден. за две станарски возила, а поднесувањето на Барања за нивно евидентирање во системот ќе се одвива етапно, согласно динамиката на означување на улиците, за што ќе бидат дополнително известени.

The post Почна обележувањето на паринг местата за зонското паркирање во Карпош 1 и 2 appeared first on Република.

Новата јавна површина за паркирање- зона Д42, е лоцирана кај МИДА (ул. Орце Николов). Зоната вклучува 79 паркинг места, од кои 2 се наменети за лица со попреченост. Станарите кои со своите адреси гравитираат на зоната, ќе ја користат услугата паркирање по цена од 0 ден, за две возила, а час паркирање чини 25 ден, информираат од претпријатието.

Работното време на паркинг зоната е: од понеделник- сабота од 07:00-23:00ч., а недела и државни празници се неработни т.е. нема се врши на наплата за услугата паркирање.

Корисниците на зона Д42 ќе може да ги достават своите барања во нашата нова канцеларија, започнувајќи од вторник, 07.11.2023.

Работното време на Канцеларија Карпош, која се наоѓа на ул. „Дрезденска“, бр.15/3, е секој работен ден од 08:00- 22:00 часот и сабота од 09:00- 17:00 часот. Недела и државни празници се неработни.

Од претпријатието апелираат корисниците навремено и уредно да извршат наплата за услугата паркирање.

The post „Градски паркинг“ воведува зонско паркирање во Карпош appeared first on Република.

„Градски паркинг“ извести дека на Денот на македонската револуционерна борба, 23 Октомври, в понеделник, на јавните површини наменети за паркирање (зонско) со кои стопанисува ЈП „Градски паркинг“ – Скопје, т.е. на зоните А, Б, Ц и Д, нема да се врши наплата.

Редовна наплата ќе се врши на:
– Зона А0- Водно,
– Катни гаражи: „Беко“ и „26ти Јули“ и
– Јавните паркиралишта: Кочо Рацин, Треска, Градска Болница, Нова Македонија, АМСМ, Народен фронт и клинички центар Мајка Тереза.

The post Бесплатно зонско паркирање в понеделник appeared first on Република.

Наскоро треба да се реши проблемот со паркирање на одредени локации во општина Карпош, особено во населбата Карпош 1, каде жителите не можат да најдат слободно паркинг место поради возилата кои ги паркираат граѓаните кои работат или одат на гости во соседната општина Центар. Ќе се воведува зонско паркирање.

Јавното претпријатие „Градски паркинг” ќе биде одговорно за јавните паркиралишта и јавните површини кои ќе бидат наменети за зонско паркирање во општината, односно ќе функционира како организатор на сообраќајот во мирување. Ова е одлучено на денешната седница на Советот на Карпош, со мнозинство гласови на советниците.

„Градски паркинг“ треба да преземе активности за организација на сообраќајот во мирување, вклучувајќи ги тука обележувањето, одржувањето и користењето, како и техничките и организациските работи, наплатата и надзорот над паркирањето на возилата и останатите работи на јавните паркиралишта и површини за зонско паркирање.

Во овој случај, за користење на јавните паркиралишта и јавните површини наменети за зонско паркирање, ЈП „Градски паркинг” – Скопје има обврска да плаќа комунална такса, согласно Законот на комуналните такси и Законот за Град Скопје. Оттаму, јавното претпријатие е должно да поднесува до Советот на Општина Карпош/градоначалникот на локалната самоуправа, полугодишни извештаи за преземените мерки и активности во насока на одржување и информација за тековната состојбата на јавните паркиралишта и јавни површини наменети за зонско паркирање – велат од Општина Карпош.

The post Зонско и во Карпош, паркирањето ќе го регулира ЈП „Градски паркинг” appeared first on Република.

Стар Аеродром добива зонско паркирање, информираат од општина Аеродром.
🅿️ Населбата Стар Аеродром наскоро ќе добие зонско паркирање по барање на граѓаните, кои со години се соочуваат со недостиг на слободни паркинг места, како и узурпација на зелени површини, пешачки патеки и тротоари од возилата. Општина Аеродром изминатиот период спроведе анкета меѓу тамошните жители, при што над 90% од анкетираните кои можеа да се изјаснат „За“ или „Против“ се изјаснија позитивно и дадоа зелено светло за оваа иницијатива. Анкетата опфати 18 згради кои се наоѓаат на булеварот „Јане Сандански“ и улиците „23 Октомври“, „Ангел Димовски“ и „Коста Новаковиќ“.
🗣 „Станува збор за густо населен и многу фреквентен дел каде што жителите долги години имаат проблем со недостиг на слободни места за своите возила. По нивно барање ќе воведеме зонско паркирање, како едно од најсоодветните решенија за овој дел од Аеродром. Зонското паркирање кое е воспоставено и во други делови од општината се покажа како успешен начин за решавање на еден од најголемите проблеми со кои граѓаните се соочуваат“, рече градоначалникот Тимчо Муцунски кој денеска заедно со директорот на ЈП „Градски паркинг“ Бојан Христовски изврши увид на локациите кадешто ќе се воведе зонско паркирање.
🗳️ Со оваа одлука на граѓаните, Општината во соработка со ЈП „Градски паркинг“ ќе ги преземат сите соодветни чекори за регулирање на паркирањето во овој дел, а со што ќе се зголеми безбедноста на возачите и пешаците.
📊 Истовремено, Општината спроведува анкети меѓу граѓаните и за воведување зонско паркирање и во Ново Лисиче, а наскоро ќе започне анкетирање на жителите во Реонски центар. Интензивно и многу посветено работиме на што побрзо изнаоѓање квалитетни и трајни решенија околу проблемот со паркирањето на ниво на целата територија на Општина Аеродром.

The post Стар Аеродром добива зонско паркирање appeared first on Република.

Советниците на денешната 5-та седница ја разгледаа информацијата за состојбите во ЈП Градски паркинг Скопје, и дадоа согласност на Одлуката за измени и дополнување на ценовникот на услугите што ги извршува ова претпријатие. На седница на Управниот одбор на претпријатието претходно беше донесена одлука за намалување на   цените во зоните на паркирање во градот, што денеска беше изгласана од советниците на Град Скопје.

Со оваа Одлука за измена на Ценовникот на услуги на јавното претпријатие Градски паркинг, намалувањето се однесува на паркирање за еден час во зоните и тоа зона А0 паркирањето од 100 денари, се намалува на 75 денари, во зона А од 50 денари, се намалува на 40 денари, во зона Б од 40 се намалува на 30 денари, во зона Ц и Д, се намалува на 25 денари.

Ваквата одлука за намалување на цената на паркирањето во Скопје ќе се применува од 01.03.2022 година.

The post Од први март поевтино зонското паркирање во Скопје appeared first on Република.

„Паркингот е сериозен проблем на територија на општина Аеродром исто така длабоко поврзана со овој процес на несоодветно урбанистичко планирање. И за жал јас би рекол изигрување на дел од законските норми од страна на одредени инвеститори“, нагласи Тимчо Муцунски, градоначалник на општина Аеродром во гостување во утринска емисија на Канал 5 телевизија.

Муцунски додаде дека прво кај новите градби мора да се планира дека за секој стан задолжително ќе има продадено и паркинг место. А, не само тоа да стои на хартија туку тоа и физички да го има.

Бидејќи има многу нови градби паралелно општината е градена при планирање каде што веројатно секое семејство имало едно возило, а сега има повеќе возила, а ние мораме да се соочуваме со овој огромен предизвик. На делови од општината нудиме алтернатива каде што сакаме граѓаните да се изјаснат таму каде што нема зонско паркирање да обезбедиме зонско паркирање, заедно со ЈП „Градски паркинг“.

-Бидејќи тоа зонско паркирање доколку граѓаните одлучат дека е прифатливо за нив, нема за жителите на општина Аеродром никаков дополнителен трошок. Напротив тоа е сериозен товар за градскиот буџет, но Градот Скопје е подготвен да излезе во пресрет, но сепак оставаме на граѓаните на еден демократски начин да одлучат дали го сакаат тоа решение, заклучи Муцунски.

Муцунски посочи дека хаварисаните возила ќе се дислоцираат.

The post Муцунски: Граѓаните на општина Аеродром на демократски начин ќе одлучат дали сакаат зонско паркирање кое за нив нема да биде дополнителен трошок appeared first on Република.

Општина Аеродром презема чекори за решавање на проблемот со паркинг просторот во Општината.

Со таа цел, градоначалникот Тимчо Муцунски, заедно со директорот на ЈП Градски Паркинг Бојан Христовски, направиле обиколка низ општина и разговарале за воведување на зонско паркирање на територијата на Општина Аеродром.

Ги поминавме сите критични точки за паркирање во нашата општина и се обврзавме дека ќе излеземе во пресрет на локалните жители. Токму затоа во наредниот период како Општина Аеродром планираме да преземеме конкретни чекори и спроведување анкета преку урбаните заедници односно куќните совети/управителите на станбените објекти кои не се опфатени со зонското паркирање. Доколку граѓаните се изјаснат дека сакаат зонско паркирање тогаш ќе воведеме на повеќе места како Стар Аеродром и Ново Лисиче.

 

Освен воведувањето зонско паркирање планираме да почнеме и со имплементација на она што го ветивме во предизборната кампања, воведување на косо паркирање што ќе обезбеди уште поголем број на места за паркирање.

 

Еден од најголемите проблеми на аеродромци е паркинг просторот и заедно со ЈП Градски Паркинг ќе изнајдеме решение кое ќе биде прифатливо за сите - информира Муцунски.

The post Жителите на Аеродром ќе се изјаснуваат дали да има проширување на зонското паркирање во општината appeared first on Република.