Јапонката Михо Такаги го освои златото во брзо лизгање на 1.000 метри на Олимписките игри во Пекинг.

Такаги постави нов олимписки рекорд – 1 минута и 13,19 секунди. Сребрениот медал го освои Холанѓанката Јута Лердам која беше 64 стотинки побавна зад победничката.

Третото место и бронзата ја освои Американката Британи Боу.

За Јапонија ова е трето злато на Игрите во Пекинг.

The post Злато со олимписки рекорд за јапонската лизгачка Такаги appeared first on Република.

Антонио Ристевски, тренерот на македонскиот скијач и олимпиец Дардан Дехари му одговори на претседаттелот на  Скијачката федерација на Македонија Огњан Циговски кој го прозва зошто не се појавува на работа. Минатата недела поранешниот македонски скијач се пожали дека од федерацијата му бараат да поднесе оправдание зошто не е на работа, додека тој како тренер на Дардан Дехари се наоѓа на ЗОИ во Пекинг.

Следуваше одговор од претседателот на федерацијата Циговски, по што Ристевски се пронајде како повикан да му возврати, велејќи дека не може да поверува на синдромот да го мразиш успехот на репрезентативците.

Во продолжение ви го пренесуваме целото соопштение на Ристевски.

Почитувана јавност, принуден сум на ваков начин да се бранам од клеветите на самопрогласеното водство на СФМ. Многу е тешко да се брани спортот од приучени личности кои немаат допирна точка со тренажен процес и исполнување спортски норми за учество на светски ски натпревари. Недозволиво е Циговски да ги девалвира спортските успеси на македонските репрезентативци. Ај што речиси 1 година не ни прашал каде се и што им треба, па уште и ги навредува и ги нарекува неспособни. Македонија е мала земја која се бори за свое место под олимпискиот оган. Делењето на “мои” и “туѓи” скијачи е уништување на спортот со умисла. Еве ги фактите! Најдобрите наши скијачи во моментов, A-репрезентацијата ,заедно со мене како тренер, во последнава сезона до сега имаме реализирано повеќе од 160 активни денови на физички потготовки, 90 дена на снег со повеќе од 120 дена поминати надвор од Државата. Учествувавме на 22 FIS меѓународни натпревари, од кои 8 во Италија, 2 во Франција, 4 во БИХ и 8 во Црна Гора. Постигнавме одлични резултати и повторно ја исполнивме нормата за алпската А репрезентација на СФМ и олимписката норма за учество на ЗОИ во Пекинг. Сето ова го сторивме со НУЛА денари помош од СФМ! На официјалната интернет страна на FIS лесно се проверуваат резултатите. Јас сум подготвен да преземам одговорност за овој учинок, но клучната дилема е дали Циговски е подготвен да преземе одговорност за своето поведение. Македонскиот спорт видел се’ и сешто изминативе 30 години. За да си на чело на било која спортска федерација треба да го сакаш спортот, да обединуваш и да си спремен да даваш, а не да мислиш само на земање. Каков е тој синдром, да го мразиш успехот на репрезентативците само заради тоа што знаат колку си неспособен? Ние спортистите сме издржале многу, ќе ги издржиме и овие сегашниве залутани епизодисти во спортското скијање. Порано или подоцна вистината секогаш победува, стои во соопштението на Ристевски.

The post Антонио Ристевски му врати на Циговски: Каков е тој синдром, да го мразиш успехот на репрезентативците appeared first on Република.

Знаменосецот на свеченото отворање на Зимските олимписки игри во Пекинг, Дардан Дехари, е револтиран на односот на Скијачката федерација на Македонија (СФМ) кон него и неговиот тренер Антонио Ристевски.

Ристевски со објава на својот профил на Фејсбук објави дека додека е со Дехари во Пекинг, СФМ бара од него да каже каде е.

Денеска се огласи и Дехари кој е разочаран од односот на СФМ, која ги игнорирала неговите обиди за контакт за да се разговара за неговите репрезентативни активности. Најдобриот македонски скијач исто така е револтиран и од податокот дека Федерацијата не го пријавила за спортскиот ваучер кој би му овозможил да има финансиски средства за подготовки и настапи годинава.

Длабоко жалам што доживеав повреда која ме спречи да се борам на ски патеките на ЗОИ во Пекинг. Иако мојот тренер за да ме заштити, ми забрани да го пишувам ова, јас чувствувам морална и човечка обврска да напишам неколку збора во интерес на вистината. Морам да кажам дека и една од причините за целиот тој напад и омаловажување према тренерот Антонио сум и јас. Антонио беше тој кој цврсто застана зад спортските резултати и го носеше целиот товар изминатава сезона и покрај сите сопки од врвот на Скијачката Федерација.

Замислете, јас како најдобар македонски скијач во моментов, по резултати од мината сезона , не бев ниту повикан, ниту било како исконтактиран од страна на СФМ до денешен ден за било какви активности во врска со репрезентацијата, иако ги имам исполнето сите критериуми да ги бранам боите на Македонија.

На неколку наврати се обидов да стапам во контакт со некој од СФМ, а најмногу со претседателот Циговски за да дознаам што е работата, за што ѝ им испратив уредно допис за моите резултати и програма. Ги потсетив кои обврски како СФМ се должни да ги направат за тековната олимписка сезона (бидејки очигледно не ги знаат моите резултати), но од нив немаше ниту трага ниту глас.

Па така на сопствен трошок и со помош од МОК, заедно со тренерот Антонио им покажавме и докажавме како се работи и дека со пари резултати не се купуваат! Наместо ние да се бориме со нашите противници на терен за што е можно подобар резултат, ние очигледно мораме да се бориме со „нашите” домашни противници .

Замислете , јас сум на ЗОИ да преставувам држава и федерација, а не сум ниту спомнат во листата за ваучери испратена од страна на СФМ до Агенција за млади и спорт. Благодарност до сите кои ми помогнаа сите овие години, а особено последнава сезона , кои несебично и искрено застанаа зад мене за да го остварам мојот животен спортски сон, кој за жал како што сите знаете поради повредата која ја заработив на тренинг тука во Пекинг, нема да можам го остварам во сонот во целост. Но што е тука е , јас одам со главата горе затоа што знам кој сум и што се сум направил во мојата кариера за мојата држава , федерација и националното спортско скијање.

Мојата порака е: Не удирајте по спортистите и тренерите, немојте да ни ја убивате надежта дека спортските успеси се остваруваат на терен, а не на зелена маса и со административни одлуки, пишува Дехари.

Дехари заради тешка повреда на коленото во Пекинг не настапи на планираните трки. Тој се повреди на тренинг. Деталните лекарски прегледи покажаа дека станува збор за кинење на лигаментот поради што врз Дехари во Пекинг е извршен оперативен зафат.

The post Дехари до Скијачката федерација на Македонија: Не удирајте по спортистите и тренерите appeared first on Република.

Ана Цветановска го имаше својот прв настап на Зимските Олимписки игри. Македонската олимпијка настапи во дисциплината крос кантри на 10 километри во Пекинг.

Во конкуренција на 98 натпреварувачки, Цветановска оствари вкупно време од 39:57.7 и заврши на 95. место.

Со денешната трка го завршува настапот на Зимските олимписки игри. Претходно поради ситуацијата со КОВИД-19 и големиот број на пријавени натпреварувачи, Ана не настапи на трката (жени) на 7,5+7,5 км во скијатлон.

Првото место на денешната трка во крос кантри и припадна на Норвежанката Тереза ​​Јохауг која оствари време од 28:06.3. Второто место и припадна на Керту Нисканен од Финска. И бронзениот медал отиде во Финска, до него стигна Криста Пармакоски.

The post Ана Цветановска 95-та од 98 натпреварувачки во крос-кантри на 10 километри на ЗОИ во Пекинг appeared first on Република.

Македонската претставничка на Зимските олимписки игри (ЗОИ), Ана Цветановска нема да настапи во дисциплината скијатлон во нордиско трчање, која беше закжаан за утре поради моменталната ситуација со ковид-19 и големиот број на пријавени натпреварувачи на трката 7,5+7,5км.

Македонскиот олимписки комитет (МОК) објави соопштение во кое потврди дека Цветановска ќе остане без настап на утрешната трка, но се очекува да настапи на следната трка, која е закажана за 10 февруари.

Заради моменталната ситуација со КОВИД-19 и големиот број на пријавени натпреварувачи на утрешната трка (жени) на 7,5+7,5 км - Скијатлон, ФИС-Меѓународната скијачка федерација, која е единствена одговорна за спортскиот дел од програмата на Олимписките игри, донесе конечна одлука дека само лимитиран број на спортисти во женска конкуренција ќе може да настапат на утрешната трка во оваа дисциплина. За жал, заради исполнетоста на квотите од страна на подобро пласираните во оваа дисциплина, Ана Цветановска нема да може да настапи на оваа трка. Таа со нетрпение ја очекува својата трка на 10 км-класично, која на програмата е на 10 Февруари, со почеток во 08:00 часот по македонско време, соопштија МОК.

The post Цветановска нема на настапи на утрешната трка на ЗОИ во Пекинг appeared first on Република.

Македонија претставена од тројца скијачи ќе партиципира на ЗОИ во Пекинг. На свеченото отворање проделифилира дел од нашата експецидија.

Знаменосец беше Дардан Дехари, додека Савре Јада и Ана Цветановска поради изолација од Ковид-19 не беа на свеченото отворање. Нивниот тренер Борче Јовановски е позитивен па од истата причина отсуствуваше од дефилето.

Распоред на натпревари на нашите олимпипјци во Пекинг:

Ана Цветановска (крос-кантри) – ќе настапи на 7,5 км слободно + 7,5 км скијатлон (5 февруари) и 10 км класично (10 февруари).

Ставре Јада (крос-кантри) – ќе настапи во спринт слободно 1,5 км (8 февруари) и 50 км слободно (19 февруари).

Дардан Дехари (алпско скијање) – ќе настапи слалом/велеслалом (13 и 16 февруари).

The post Развиорено знамето на Македонија на Олимпискиот стадион во Пекинг appeared first on Република.