Во врска со изјавата на пратеникот Халил Снопче, Движењето ЗНАМ - За наша Македонија демантира дека има свои претставници во работната група за изработка на законско решение за правична застапеност на етничките заедници, ниту пак има било каква информација дека таква работна група е формирана.

Во исто време би сакале да го прашаме господинот Снопче дали е точно дека тој е дел од работната група во Собранието, која го подготвува новиот закон за правата на бранителите од конфликтот во 2001 година.

Движењето ЗНАМ – За наша Македонија, како одговорен политички субјект, смета дека изречениот збор, особено од носители на функции и претставници на народот, имаат посебна тежина и секогаш треба да се одраз на реалноста и вистината.

Ставот на Движењето ЗНАМ - За наша Македонија е дека правичната застапеност на етничките заедници е уставна категорија и затоа треба да се најде соодветно законско решение кое ќе биде предмет на широка јавна расправа во која ќе учествуваат експертската и научна јавност и
заинтересираните страни, а кое на крајот ќе биде пратено до Венецијанската комисија.

Движењето ЗНАМ - За наша Македонија работи јавно и транспарентно, како што досега го покажа праксата и секогаш во интерес на граѓаните, а штитејќи ги државните интереси, се вели во соопштението.

The post Движењето ЗНАМ демантира дека има свои претставници во работната група за изработка на законско решение за правична застапеност appeared first on Република.

Потпретседателката на Собранието од движењето ЗНАМ, Весна Бендевска во „Дејли Клик“ на ТВ21 зборуваше за членството на Македонија во ЕУ.

Бендевска и посака се најдобро на Албанија, и истакна разочараност што Македонија повторно извиси на патот кон ЕУ.

На пријателска република Албанија ѝ посакувам се најдобро. Јас сум разочарана по којзнае кој пат остануваме надвор од колосокот кон ЕУ. Реалноста мора да се согледа. Ние премногу правиме остапки. За нас важат поинакви правила, и де факто сме во билатерален спор. Сите членки досега влегле откако ги исполниле копенхашките критериуми. Јас се чувствувам како да сме дел од некој експеримент, рече Бендевска.

The post Бендевска: На Албанија ѝ посакувам среќа, а ние сме оставени на немилост на соседна земја која негира се што е македонско appeared first on Република.

Претседателот на СДСМ, Венко Филипче вели дека партијата активно се консолидира по последните избори, со значителен прилив на нови членови и враќање на поранешни поддржувачи на ЗНАМ.

Филипче изјави дека членството покажува зголемен интерес за активно учество во процесите на избор на претставници на локално ниво и во креирањето на политиките.

Членовите сакаат повеќе да се вклучат во изборот на свои претставници во раководството на општинските организации и на национално ниво, како и во процесите на политичко креирање, изјави Филипче.

Претседателот на партијата, Филипче истакна дека новите претседатели на општинските организации, каде што се именувани, добиле одличен прием меѓу членовите и поддржувачите.

На состаноците сега учествуваат повеќе од двојно повеќе членови отколку претходно, а пристапуваат и членови на ЗНАМ, додаде Филипче.

Тој кажа дека СДСМ продолжува да вклучува нови лица, а многу од постоечките партиски членови ја покажуваат својата стручност и посветеност во различни области.

Широк круг на луѓе со коишто комуницираме во нивните средини имаат капацитет да преземат водечки улоги во организациите на СДСМ, рече претседателот на СДСМ.

Филипче истакна дека многу поранешни членови на ЗНАМ, кои претходно ја напуштиле партијата, сега се враќаат со желба повторно да придонесат кон работата и развојот на СДСМ.

The post Филипче: Поранешни поддржувачи на ЗНАМ се враќаат во СДСМ appeared first on Република.

Претседателот на СДСМ, Венко Филипче вели дека партијата активно се консолидира по последните избори, со значителен прилив на нови членови и враќање на поранешни поддржувачи на ЗНАМ.

Филипче изјави дека членството покажува зголемен интерес за активно учество во процесите на избор на претставници на локално ниво и во креирањето на политиките.

„Членовите сакаат повеќе да се вклучат во изборот на свои претставници во раководството на општинските организации и на национално ниво, како и во процесите на политичко креирање“, изјави Филипче.

Претседателот на партијата, Филипче истакна дека новите претседатели на општинските организации, каде што се именувани, добиле одличен прием меѓу членовите и поддржувачите.

„На состаноците сега учествуваат повеќе од двојно повеќе членови отколку претходно, а пристапуваат и членови на ЗНАМ,“ додаде Филипче.

Тој кажа дека СДСМ продолжува да вклучува нови лица, а многу од постоечките партиски членови ја покажуваат својата стручност и посветеност во различни области.

„Широк круг на луѓе со коишто комуницираме во нивните средини имаат капацитет да преземат водечки улоги во организациите на СДСМ“-рече претседателот на СДСМ.

Филипче истакна дека многу поранешни членови на ЗНАМ, кои претходно ја напуштиле партијата, сега се враќаат со желба повторно да придонесат кон работата и развојот на СДСМ.

The post Филипче тврди дека поранешни поддржувачи на ЗНАМ се враќаат во СДСМ appeared first on Република.

Движењето ЗНАМ нема да ја поддржи интерпелацијата за работата на претседателот на Собранието Африм Гаши поднесена од Левица. Мнозинството во Парламентот останува обединето, соопшти од собраниската говорница пратеникот од ЗНАМ Павле Арсовски.

Арсовски се осврна на дел од наводите во интерпелацијата, за кои сметаат дека се вредни за дискусија како давањето заклетва при преземањето на функцијата прво на албански па на официјалниот македонски јазик

При давањето свечена изјава во Собрание Движењето ЗНАМ смета дека дефинитивно е прекршен Уставот и како партија ја изрази својата загриженост преку ставот на претседателот Димитриевски и изјави на наши функционери, и во тој случај бевме доследни на тоа за што се залагавме, но за тој настан и ние пратенциите и јавноста не доби јасен одговор дали тоа се случило заради пропуст на протоколот раководен од поранешниот секретар на Собранието или тоа било намера на Гаши, па немаат ниту основ да му го припишат тоа на спикерот, рече Арсовски .

За настанот за одбележување на годишнината од Сребреница, меѓу другото Арсовски посочи, дека претседателот на Собранието дал објаснување дека е сплет на надворешни околности, а за инцидентот со претседателката на Косово на меѓународниот аеродромот во Скопје, рече дека Гаши можел да постапи помудро да не се инволвира, но и дека не лоцираат во него лична одговорност. Движење ЗНАМ смета дека Гаши сепак требало да најде начин да не се инволвира и како што подвлече Арсовски, овој настан беше предмет на брза интерна истрага на МВР, која имаше експресна завршница со суспензија од работа и кривична пријава против припадникот на МВР.

Грешки во работата се можни и ние како партија ЗНАМ сме ги апострофирале. Кога влеговме во оваа коалиција ветивме ќе работиме и ќе критикуваме - тоа е и основата на демократијата. Но, сметаме дека оваа и за работата на претседателот на Собранието покрај тоа што е демократска процедура, не ја гледаме никако отколку како обид на поднесителот на интерпелацијата Левица поддржана во неформална коалиција од партијата СДСМ за собирање дневнополитички поени. Ние од ЗНАМ сме партија која е свесна за моментот во кој се наоѓа Македонија, момент во кој после повеќедецениско раскрчмување на државата и разнишани институции ни треба стабилност. Стабилност која е предуслов за работа на секое општество. Да се фокусираме на економско зајакнување и градење на стабилен општествен поредок, а не уште на почетокот да се занимаваме со театри и испраќање на политички стрели, рече Арсовски.

Заедно и власта и опозицијата, додаде тој, треба да се фокусираат на основните круцијални проблеми кои го засегаат секој граѓанин и да почнеме одново да градиме една економски стабилна и просперитетна држава, која нема да ги брка своите луѓе надвор од границите, туку ќе биде матица на среќни и задовони граѓани.

Затоа почитувани пратеници, Движењето ЗНАМ му дава поддршка на Претседателот за Собранието за понатамошно извршување на функцијата и ќе гласа против интерпелацијата. Големото мнозинството во овој состав на Собранието во кој Движење ЗНАМ има активно учество останува обединето. Обидот истото да се дестаблизира очигледно е дека е неуспешен, заклучи Арсовски.

Пратеникот Амар Мециновиќ од Левица во својата реплика забележа зошто толку доцни Движењето ЗНАМ со својот став за интерпелацијата која веќе месец дена е предмет на интерес на јавноста, а изречениот став оцени дека е резултат на опортунизам и лукративни причини.

Вие велите погазен е Уставот, но сепак ја има нашата поддршка. Ова е фолирање просто. Ако сметате дека е прекршен Уставот по однос работите кои ги изнесовте, тогаш треба да ја поддржите иницијативата. Но вашето ретерирање, иако сметате дека е така, е резултат на долгогодишната соработка која ја имате со Вреди која започнува со меморандум за соработка во Општина Куманово и за делење на политичкиот плен на вработувањата во општината за вашиот градоначалник да ги подели вработувањата со Вреди. Таа политичка соработка е опортуна и едноставно сакате таа да продолжи, кажа Мециновиќ.

Арсовски одговри дека одложувањето на одлуката за тоа како ќе се позиционира партијата се должи на, вели, добро изградените внатрешни партиски процедури.

Додека Извршиот и Централниот одбор не го одлучи тоа не е официјално и тука нема никаква задна намера, рече Арсовски.

Тој додаде дека во искажаниот став дека Гаши можел повешто да се снајде во одредени ситуации не е критика само кон него туку е и самоктрика кон целата коалиција. Во однос на забелешките за Општина Куманово, Арсовски рече дека по локалните избори од страна на градоначалникот соработка им била понудена на сите партии.

The post Арсовски: Движењето ЗНАМ нема да ја поддржи интерпелацијата за Гаши appeared first on Република.

Епохално неспособната СДСМ во чиј мандат му го дозволи дивеењето на ДУИ во сите институции на државата нема право да го коментира делувањето на Движењето ЗНАМ-ЗА наша Македонија и нашите јавни реакции кон владиниот коалиционен партнер Вреди.

Ниту новото раководство на СДСМ не е политички созреано да го разбере принципиелниот пристап на Движењето ЗНАМ во смисла на почитување на имплементацијата на заедничката владина програма, како и Уставот и законите на Македонија, реагираат од Движењето ЗНАМ.

СДСМ се навикнати, по принципот на давање помал отпор, секој да им прави што сака во нивниот двор, само за да можат да си ги остваруваат сопствените бизнис интереси на нивната врхушка предводена од центарот во Муртино.

Е, тоа кај Движењето ЗНАМ-За наша Македонија не поминува.

При преговорите со ВМРО ДПМНЕ за наше учество во владата ги дефиниравме принципите за функционирање на владата и ние конзистентно се држиме до тоа.

Движењето ЗНАМ-За наша Македонија секогаш јавно ќе реагира доколку има нарушување на овие принципи.

На нелегитимно поставениот Претседател на СДСМ и директор на фондацијата Заев му препорачуваме повеќе време да инвестира во обновата на неговата партија со нарачка на соодветна инфузија, затоа што партијата се наоѓа во прединфарктна состојба, отколку да се грижи и да ги коментира политиките на Движењето ЗНАМ-ЗА наша Македонија.

The post ЗНАМ: СДСМ се навикнати секој да им прави што сака, само да си ги остваруваат бизнис интересите appeared first on Република.

Секој политички субјект има демократско право да си гради идентитет врз основа на сопствените уверувања. Не мора да се согласуваме за сите прашања, но мора да се почитуваме со оглед на фактот што сме дел од заедничка Влада, бидејќи тоа е во интерес на сите граѓани без разлика на етничка, верска или политичка припадност, порачува Вреди.

https://republika.mk/vesti/makedonija/znam-do-ahmeti-da-ne-se-sekira-za-opstanokot-na-makedonskiot-narod/

Како Влада имаме утврдени и усогласени програмски приоритети и наша должност е посветено да работиме на нивно исполнување. Во тој контекст апелираме ЗНАМ несвесно да не му тера ќеифови на ДУИ. Нивното криминално раководство посакува тензии на сите полиња. За да се спасат од кривична одговорност за сторената политичка корупција и да го зачуваат нелегално стекнатиот имот сонуваат и за потреси во владејачката коалиција.

 ВЛЕН доби 107 илјади албански гласови и не може етнички да се обезличува само за движењето ЗНАМ удобно да се чувствува во Владата. Особено што Димитриевски е избран за Градоначалник на Куманово и со Албански гласови и многу добро ја знае важноста од меѓусебното разбирање и почитување. Не сакаме да веруваме дека ЗНАМ сакаат да влезат во кампања за локалните избори со повторувањето на погубното кредо на Тито Петковски од претседателските избори во 1999 - не ни требаат гласовите на Албанците. 

Парламентарното мнозинство се состои од две коалиции и едно движење како што е ЗНАМ. Тезата дека тие се партнери само на ВМРО-ДПМНЕ е наивен популизам со краток sдив. Во секоја медиумски настап логично е ЗНАМ јасно да се декларира како владин партнер, без да дозволи комплексот од ДУИ во времето на владеењето со СДСМ да му ја замаглува политичката диоптрија и да ги усложнува односите во Владата за ситни политички поени. ВЛЕН е создаден како рефлексија на потребата на мнозинството Албанци кои бараа опција сосема спротивна од ДУИ. ВЛЕН ќе продолжи да гради автентична политичка доктрина, која ја спроведува преку нова и модерна коалициска структура, чија обврска е да ги решава проблемите на граѓаните и да обезбеди сигурна иднина за Албанците. Коалицијата ВЛЕН е искрено и чесно посветена на децентрализацијата, динамизирањето на ЕУ перспективите и продолжување на својата работа за справување со криминалот и корупцијата

The post Владините Вреди и ЗНАМ преку соопштенија си праќаат пораки appeared first on Република.

Али Ахмети, лидерот на ДУИ е  една од главните фигури одговорни за состојбите во Македонија, посочуваат од Движењето ЗНАМ.

Еден од најголемите соработници на КОС во бивша Југославија, Али Ахмети, да не се секира за опстанокот на македонскиот народ, најголем гарант за тоа се Македонците каде и да се’. Наместо да отвара навредувачки и националистички теми денеска кога државата се стреми кон ЕУ, нека се потруди да си го исчисти дворот во партијата од корупција и криминалот на својата фамилија, велат од ЗНАМ.

Движењето ЗНАМ исто така ги критикува изјавите на потпретседателот на владата, Изет Меџити, кој го обвини движењето за национализам и антиалбанска доктрина.

ЗНАМ упати жестоки критики кон „Вреди“ и ДУИ и велат дека Македонците повеќе нема да бидат граѓани од втор ред.

Движењето ЗНАМ-За наша Македонија го изразува своето незадоволство од однесувањето на коалицијата ВРЕДИ (ВЛЕН) и функционерите на ДУИ, критикувајќи го нивното непочитување на законите и Уставот на Македонија.

Во целост го разбираме однесувањето на колегите од „Вреди“ кога е во прашање спроведувањето на законите во Македонија. Понесени од досегашното самовластие на функционерите на ДУИ во институциите на македонската држава, овозможени од вазалската и неспособна власт на СДСМ, тие продолжуваат по истиот терк, демонстрирајќи моќ од позиција на власт преку прекршување на законите и Уставот на Македонија, стои во реакцијата на движењето.

ЗНАМ истакнува дека нивниот прв принцип е функционирање врз основа на почитување на Уставот и законите и дека секогаш ќе реагираат кога ќе има прекршување на истите. Дополнително, во врска со прашањата со етничките заедници во Македонија, од движењето нагласуваат дека „тие се апсолвирани преку целосната имплементација на Охридскиот Рамковен договор.“

Движењето исто така ја отфрла идејата за Македонија како бинационална држава.

Треба да престане наративот од коалицијата „Вреди“ дека Македонија е бинационална држава во која живеат две мнозинства и повеќе малцинства, како и тенденцијата на креирање на паралелни квази институции, се наведува во соопштението.

The post ЗНАМ до Ахмети: Да не се секира за опстанокот на македонскиот народ appeared first on Република.

СДСМ преку соопштение реагираше на вчерашната прес-конференција на портпаролот на Движењето ЗНАМ Никола Мемов, кој коментирајќи го изборот на нов лидер на СДСМ, рече дека е отворена поканата во ЗНАМ за прием на сите чесни членови на СДСМ.

Вистинските социјалдемократи кои се борат со срце и со душа за остварување на социјалдемократските вредности нема никогаш да ги прифатат повиците на лажните патриоти од ЗНАМ. Максим Димитривски за неколку фотељи и градоначалничка функција стана слуга и продолжена рака на ВМРО ДПМНЕ и Мицкоски. Срамно и жално е да се гледаат поранешни генерални секретари на СДСМ како министри и послушници во Влада која ја водат луѓе што сакаа да ги убијат нивните довчерашни сопартијци. Срамно е за поранешни пратеници на СДСМ да бидат функционери во власта на Мицкоски. Од тоа вистинските членови на СДСМ се срамат и го осудуваат, се вели во реакцијата.

Од СДСМ велат дека се единствената вистинска опозиција која ќе се бори за да се спречуват, како што посочуваат, штетните политики на владата на Мицковски и неговиот сателит ЗНАМ.

Портпаролот на ЗНАМ вчера на прес-конференција му го честита изборот на Венко Филипче за нов лидер на партијата, а исходот на внатрепартиските избори во СДСМ го оцени како недемократски и нелегитимен. Мемов рече дека во СДСМ членуваат многу чесни и способни луѓе и дека е отворена поканата за прием на сите тие членови.

The post СДСМ: Вистинските социјалдемократи никогаш нема да ги прифатат повиците на лажните патриоти од ЗНАМ appeared first on Република.

Партијата ЗНАМ смета дека СДСМ избрал старо-нов претседател за лидер. Според портпаролот Никола Мемов Венко Филипче е продолжена рака на кланот на Заеви, а претседател на партијата е повторно екс-лидерот Зоран Заев.

Мемов пред медиумите истакна дека СДСМ е во очајна состојба, раздор, подметнување и безидејност.

ЗНАМ му го честита изборот на Филипче, иако исходот на изборите го оценуваме како недемократски и нелигитимен, кажа Мемов, цитирајќи ги зборовите на Славјанка Петровска и Јован Деспотовски за ситуацијата во партијата пред и по изборите.

Според портпаролот, во СДСМ членуваат чесни и способни луѓе кои ја сакаат Македонија, но, како што вели, партијата повеќе не припаѓа на членството и максимата „Или си СДСМ или не си“ – нема никакво значење.

Вратите на ЗНАМ се отворени за сите чесни луѓе кои ја сакаат Македонија. Отворена е поканата и за прием на сите членови на СДСМ. Движењето со своето учество во Владата ќе биде гарантот дека никогаш повеќе работите во Македонија нема да бидат исти, кажа меѓу другото Мемов.

Тој истакна и дека голем број членови и функционери на СДСМ имаат интерес за преминување во ЗНАМ.

The post Вратите на ЗНАМ се отворени за сите членови на СДСМ appeared first on Република.

Претседателот на Движење ЗНАМ – За наша Македонија и градоначалник на Куманово, Максим Димитриевски, во гостувањето во емисијата „Топ тема„ на Телма телевизија, изјави дека политичката сцена во Македонија повеќе не е обоена во две бои. Промените се случуваат и никогаш повеќе нема да биде исто.

Прашан зошто се вклучиле во владата и што е она што ЗНАМ како партија на центарот лево го има заеднички со ВМРО-ДПМНЕ какон партија позиционирана десно, Димитриевски одговори:

Најмалиот заеднички содржател, т.е. најголемиот заеднички содржател е Македонија. Да биде стабилна, политички стабилна, да се обезбеди една влада којашто ќе спроведува една реална програма, која ќе донесе стратегија за борба против корупција, суштински ќе се бори против корупцијата, ќе излезе со нови кадри, коишто не се корумприани во јавноста, коишто немаат хипотеки зад себе и реално и суштински не само што ќе спроведе реформи, туку првенствено ќе го врати владеењето на право, правна држава, ќе обезбеди самооддржливост на државата во делот на енергетиката, зголемување на земјоделското произвдоство, подобрување на условите за работа во Македонија и дополнително значи ќе ги насочи средствата кон граѓаните за да се подигне секое семејство поединечно, како што делумно тоа ние го нарпавивме во Куманово, особено голем број на мерки, вклучувајќи ја и бесплатниот автобуски и јавен превоз на
граѓаните. Бидејќи на секое семејство му останува од 50 до сто евра само по таа ставка во буџетот“.

Димитриевски нагласи дека тоа може да се оствари, ако се направи организирано и системски.

Што е потребно? Потребно е луѓето коишто денеска седеа на седница на влада да сакаат да работат, да создадат професионални тимови, да департизираат максимално во министерствата, да го искористат тоа професионално знаење, да ја насочат енергијата, да добијат соодветна финансиска поддршка и да реализираат проекти сите во делот на своите ресори и надлежности“, изјави Димитриевски.

Во однос на департизацијата на администрацијата Димитриевски истакна дека треба да се работи долгорочно, а тоа подразбира првенствено демократизација на политичките субјекти од внатре.

Не постои држава во светот кадешто вие имате во една партија која добива 200 илајди гласа на избори, сто и повеќе илјади членови. Видете го скандинавскиот модел, партиите добиваат по милион гласови, а имаат по 30-40 илјади членови“, изјави Димитриевски.

Тој додаде дека во изминатите 30 години се случи процес во кој луѓето стануваа членови на партии за да можат да се вработат.

Но, мора да ставиме крај на тоа во државата. Првенствено на тие што не доаѓаат на работа, а земаат плата, а тоа во најголем дел не се само рамковисти, покрај нив и многу партијаши. И кога тоа ќе го искорениме ние ќе го намалиме буџетот за плати во државата кој оди кон јавна и државна администрација. Мора тој мерит систем којшто се најавува еднаш засекогаш да се воведе во сила и да функционира. Затоа и го баравме тоа министерство за јавна и државна администрација коешто ќе ја има главната улога во спроведување на реформата и ние тука сме апсолутно растеретени, затоа што ние не должиме на никому. Должиме едноставно на граѓаните кои ни ја дадоа поддршката“, рече Димитриевски.

Тој нагласи дека политичката волја е многу битна кога станува збор за спроведување на една реформа во администрација.

Квалитетот треба да го сузбие квантитетот и не треба да ни се случуваат исти работи како во минатото. Етничката припадност не е важна, битно е дали знаете да работите или не“, истакна Димитриевски.

Во однос на соработката со ВМРО-ДПМНЕ тој нагласи дека довербата кај граѓаните е нарушена, а очекувањата се огромни.

Времето ќе покаже.Тоа ќе го видиме уште во првите сто дена од владата. Јас во оваа влада гледам енергија и гледам желба дека сака да се работи. Во претходната влада беше изгубена и енергијата, а да не зборувам за сите афери. Но, нема да зборувам за нив. Излеговме на избори, изгубија катастрофално. Сега доаѓа моментот на ВМРО-ДПМНЕ и коалицијата со Вреди и на ЗНАМ. ВМРО-ДПМНЕ претходно направи договор со Вреди, дополнително, значи не потпишавме договор, усогласивме владина програма за поддршка и со нас“, порача Димитриевски“.

Тој нагласи дека ЗНАМ ќе биде гаранатот дека никогаш повеќе нема да може некој да го уценува со непристојни предлози партнерот во владата, а коишто ќе одат на штета на македонските националнин и државни интереси.

ЗНАМ ќе гарантира дека ова мнозинство нема да опстои доколку се случи повторно феноменот на мултикорупција, мултикриминал, неказнивост и селективна правда. ЗНАМ ќе гарантира дека нема да добијат можност да се реализираат најцрните сценарија, туку се што ќе се случува, ќе се случува објективно, транспарентно, отчетно и одговорно пред самата јавност, македонска и никогаш повеќе нема да има договори во четири очи каде што со закон ќе се даде можност на одредени компании да бидат избрани на тендер и да станат кабадахии во нашата држава. Како што е коридорот 8“, рече Димитриевски.

The post Димитриевски за учеството во владата на ВМРО-ДПМНЕ: Најголемиот заеднички содржател е Македонија appeared first on Република.

Игор Филков, роден во 1979 година, е кандидат на Движењето ЗНАМ - За наша Македонија за министер за правда, а Горан Минчев (1972) е кандидат за министер за јавна администрација.

Имињата за членови на новата влада од партијата на Максим Димитриевски беа утврдени на седница на партискиот Централен одбор вечерва, а потоа на прес-конференција ги соопшти Никола Мемов, портпарол на ЗНАМ.

Тој кажа дека преговорите со коалициските партнери во идната влада продолжуваат и за две заменик министерски места, но дека тие се уште не се дефинирани. Исто така, ЗНАМ ќе преговара и за позиции во третиот ешалон односно за директорски функции.

Движење ЗНАМ – За наша Македонија на Парламентарните избори освои шест пратенички места во Собранието, а поптпретседателката на партијата, Весна Бендевска, е една од тројцата потпретседатели на Парламентот.

The post Игор Филков и Горан Минчев се кандидати за министри на ЗНАМ appeared first on Република.

Движењето ЗНАМ – За наша Македонија информира дека во завршна фаза се преговорите за соработка со ВМРО-ДПМНЕ и учество во идната влада.

Движењето ЗНАМ – За наша Македонија во досегашната работа е отворено и транспарентно во однос на информирањето на јавноста за чекорите што ги презема во остварувањето на зацртаните политики и стратегии. Движењето ЗНАМ – За наша Македонија во тој дух ја информираше јавноста дека ги отпочна преговорите за соработка со ВМРО-ДПМНЕ и учество во идната влада, како и дека во кусиот период на разговори, може да се каже дека истите се во завршна фаза, се наведува во соопштението од партијата.

Од Движењето ЗНАМ – За наша Македонија информираат дека со претставници на ВМРО-ДПМНЕ разговарале и за одредени ресори, но тие во овој момент не се докрај дефинирани, ниту потврдени. Посочуваат дека разговорите ќе продолжат во наредните денови.

Конкретните кадровски решенија и одлуките за тоа ќе ги донесат органите на Движењето ЗНАМ, низ доодветна интерна партиска процедура и истите ќе бидат соопштени во јавноста. Секоја шпекулација за одредени имиња и ресори Движењето ЗНАМ – За наша Македонија ги оценува како неточни и невистинити, потенцираат од ЗНАМ.

Од Движењето ЗНАМ - За наша Македонија посочуваат дека разговараат и преговараат со ВМРО-ДПМНЕ врз основа на платформа, со која, како што велат, настапи и на параламентарните избори, наречена „Проглас за достоинствена Македонија“.

За Движењето ЗНАМ е важно Република Македонија да е демократска, современа, модерна, европска држава, втемелена врз Крушевскиот манифест и асномските принципи. Република Македонија да е самоодржлива држава, која произведува сопствена храна и енергија, што индиректно придонесува во јакнењето на независноста и суверенитетот на државата. Република Македонија како држава во која правдата е еднаква за сите и нема неказнивост и неказниви и селективност. Држава која промовира нулта толеранција кон корупција и ефикасно се справува со организираниот криминал, велат од Движењето ЗНАМ.

The post ЗНАМ: Во завршна фаза преговорите со ВМРО-ДПМНЕ за учество во идната влада appeared first on Република.

Преговорите меѓу коалициските партнери за идната Влада се во напредна фаза, но се уште нема конечен договор и се до официјално моментот кога ќе може да се соопшти нема да соопштуваме никакви детали, велат од ВМРО-ДПМНЕ, нагласувајќи дека се разговара и за ресори.

Додека преговорите за идната Влада со „Вреди“ се во напредна фаза, доцна синоќа од Движењето ЗНАМ информираа дека била одржана средба за соработка на ниво на потпретседатели на партии.

Портпаролот на ВМРО-ДПМНЕ, Наум Стоилковски вчера изјави дека се внимава и на персоналните решенија кои што се нудат во коалициските преговори, при што, како што рече, истите не треба да бидат ниту компромитирани на било кој начин и да се посветени кон работата и реформите кои што ќе следат.

Тој, исто така, напомена дека преговарачкиот процес се базира на принципи – на евроинтегративниот процес, борбата против криминалот и корупцијата, како и потребата од одредени реформи за забрзан економски развој.

Лидерот на ВМРО-ДПМНЕ Христијан Мицкоски вчера од Струга порача дека новата влада ќе промовира и застапува единство и обединување на креативниот и прогресивен потенцијал. Неговата цел, нагласи дека е надминување на сите поделби, победа на омразата и апсолутна и неселективна одговорност.

Во просториите на Движењето ЗНАМ – „За наша Македонија“ синоќа, како што информираа од партијата, се одржала средба за соработка на работните групи на Движењето ЗНАМ и на ВМРО –ДПМНЕ, на која се разговарало за стратешките определби, политичките начела и политичката платформа за соработка.

Од страна на Движењето ЗНАМ на средбата присуствувале генералниот секретар, Горан Минчев и потпретседателите Весна Бендевска и генерал Павле Арсоски, додека од страна на ВРМРО-ДПМНЕ, потпреседателите на партијата Владо Мисајловски и Тимчо Муцунски.

Движењето ЗНАМ – За наша Македонија, својата платформа ја темели на идеолошките столбови на Движењето ЗНАМ – За наша Македонија, а тоа се Македонија современа, демократска, европска држава, втемелена на илинденските и асномските вредности, интеграција на земјата во Европската унија на достоинствен начин; потоа Република Македонија држава во која има правда за сите и нулта толеранција за корупција; Македонија како самоодржлива држава која ќе произведува доволно храна и енергија за своите потреби, забрзани и ефикасни реформи во економијата и социјалните политики во насока на подобрување на животниот стандард на граѓаните, како и стабилни меѓуетнички односи, се вели во соопштението од ЗНАМ.

ВМРО-ДПМНЕ, претходно излезе со став дека имаат консолидирано 61 пратеник. Новата влада, како што претходно најавија од ВМРО-ДПМНЕ се очекува да биде формирана до 20-ти јуни.

За вторник, 28 мај, е закажана конститутивната седница на новиот парламентарен состав. Во новиот парламентарен состав најмногу пратеници има коалицијата „Твоја Македонија“ предводена од ВМРО-ДПМНЕ – 58, коалицијата За европска иднина предводена од СДСМ има 18 пратеници, коалицијата Европски фронт предводена од ДУИ има исто 18 пратеници, коалицијата ВЛЕН 14, Левица шест и ЗНАМ шест пратеници.

Во Собранието денеска ќе се одржат седници на комисиите за надворешна политика, за одбрана и безбедност, за финансирање и буџет, како и Законодавно-правната комисија.

Конститутивната седница, според новиот Деловник, трае најмногу три дена, а Собранието е конституирано со изборот на собранискиот претседател.

На состанокот присуствувале Никола Мицески од Коалицијата „Твоја Македонија“ – ВМРО-ДПМНЕ; Оливер Спасовски од Коалицијата за европска иднина – СДСМ; Арбер Адеми од Коалицијата „Европски фронт“; Халил Снопче од Коалицијата „Вреди“; Борислав Крмов од партијата Левица и Бобан Карапејовски од Движењето ЗНАМ – За наша Македонија. На состанокот присуствувале и Мерита Колчи Коџаџику, како највозрасна пратеничка, како и генералната секретарка на Собранието Цветанка Иванова.

The post Преговорите на коалициските партнери за идната Влада во напредна фаза, средби на ВМРО-ДПМНЕ со Вреди и ЗНАМ appeared first on Република.

Христијан Мицкоски и ВМРО-ДПМНЕ ќе имаат и повеќе од стабилна Влада, блиска и до двотретинско мнозинство. ДУИ речиси сигурно заминува во опозиција, а во владината коалиција ќе биде здружената албанска опозиција „Вреди“. Според познавачите се очекува дел од мнозинството да бидат и шесте пратеници на ЗНАМ на Максим Димитриевски.

-Онаа коалиција која што ја говоревме и пред изборите дека е најверојатна, тоа е ВМРО-ДПМНЕ со Вреди и најверојатно со ЗНАМ на Максим Димитриевски, со што би се обезбедило мнозинство не само што е стабилно, туку што е многу многу блиску до двотретинско во следниот Парламент, изјави Владимир Божиновски за Алфа ТВ.

На истиот став е и политичкиот аналитичар Александар Ристевски. Според него тоа веќе е очигледно и најавувано во сите можни комбинаторики.

-И од страна на најголемата победничка партија посакувани партнери се пред се албанската опозиција со ВЛЕН со 13 пратеници. Автоматски таа потенцијална Влада би имала 71 пратеник и би имала, и би имала и повеќе од стабилност. И тука мислам дека е како опција шесте пратеници на Максим Димитриевски, со тоа што со таа некаква комбинаторика би се приближиле и до моментот на 80 пратеници, цели Ристевски за Алфа ТВ.

Со цел засилување на мнозинството според Ристевски, можно е Мицкоски да тргне во преговори со пратеници и кои се дел од коалицијата на ДУИ, бидејќи според нив добар процент од нив воопшто и не се дел од интегративците, туку од други партии.

-Мицкоски и ВМРО-ДПМНЕ ќе се потрудат во таа кошница од гласови да земат уште некој претставник, јас мислам дека и од коалицијата на ДУИ. Затоа што ние цело време велиме ДУИ, ДУИ, ДУИ. ДУИ во тие 19 пратеника мислам дека можеби 35-40 проценти не се нивни пратеници, така да мислам дека дел од таа структура дека ќе се издвои и ќе се обиде да влезе во владината структура, изјави Ристевски.

И според Божиновски таа варијанта е и повеќе од можна, бидејќи станува збор за нова коалиција, а во неа и кадри кои претходно беа дел од Владите и на СДСМ, но и на ВМРО-ДПМНЕ.

-Зависи и самиот однос кој што го имаат внатре во таа коалиција. Таа коалиција е релативно нова, се формираше пред изборите, најголем дел од тие партии беа претходно во коалиција со СДСМ, ако не се лажам дел од нив беа и во претходната Влада и на ВМРО-ДПМНЕ. Така да не можам тоа да го исклучам, но се зависи на која основа се поставени самите односи помеѓу ДУИ и помалите коалициски партнери, вели Божиновски.

Инаку, од Европскиот фронт на ДУИ, кој доби 19 пратеници, дури 9 се од коалиционите партнери, а еден од оние кои влезе е и Муса Џафери, кој беше дел од партиската фракција, па подоцна повторно се врати во јатото на Али Ахмети.

The post Први на списокот „Вреди“ и ЗНАМ: Мицкоски ги започнува преговорите за нова силна и стабилна Влада appeared first on Република.

„Граѓаните покажаа дека се државотворни и со обезбедувањето на потребниот цензус за избор на претседател, не дозволија државата да се соочи со институционална криза“ рече вечерва на прес-конференција портпаролот на движењето ЗНАМ – Никола Мемов.

Тој го честиташе изборот на претседател на државата и упати благодарност до сите граѓани кои денеска излегле на изборите и својот глас го дале за ЗНАМ.

„Задоволни сме што во текот на кампањата за парламентарните избори успеавме на јавноста да ѝ ги презентираме сите мерки од изборната програма ‘Проглас за достоинствена Македонија’, ги промовиравме нашите кандидати за пратеници, но и нашиот тим експерти од сите области на општественото живеење“ – изјави Мемов.

На новинарско прашање дали имаат резултати колку пратенички места ќе добијат, Мемов одговори дека нивниот аналитички центар во моментов ги пребројува и ги анализира гласовите.

The post ЗНАМ: Граѓаните го обезбедија потребниот цензус, не дозволија државата да се соочи со институционална криза appeared first on Република.

Носителката на листата на пратеници во ИЕ 5, Весна Бендевска денеска одржа прес конференција на која се осврна на вредностите и принципите за кои ќе се залагаат како вистински претставници на граѓаните, а кои се преточени во програмата за претстојните парламентарни избори „Проглас за достоинствена Македонија“.

Бендевска рече дека Движењето ЗНАМ во оваа кампања веќе се етаблирало како нова политичка опција и сериозна алтернатива на СДСМ и ВМРО ДПМНЕ, по добиената сериозна поддршка од граѓаните во првиот круг од претседателските избори.

Оваа енергија, оваа сила и синергија значи нов ветер в грб, за два дена заедно да го завршиме започнатото: Македонија, втемелена на Крушевските и АСНОМСКИ постулати, да ја градиме како вистински демократско општество во кое се почитуваат човековите права ислободи без никаква дискриминација. Само такво општество може да се нарече праведно општество, рече таа и додаде дека клучните вредности кои се основа на идејата за почитување на човековите права се човечкото достоинство и еднаквоста.

Бендевска, исто така, рече дека во нивната Програма се залагаат за посебна заштита на правата на ранливите групи и заедници и лицата со посебни потреби, кои ќе мора да добиваат посебна заштита од државата за да можат целосно да се интегрираат во општеството, како рамноправни индивидуи. Таа потанцира дека секој човек е важен и ќе го добие своето место во системот, во согласност во своите капацитети и вештини.

Бендевска рече дека визијата на Движењето ЗНАМ – За наша Македонија за тоа како треба да изгледа државата се темели на неколку вредности и принципи, а тие се: правда за сите подеднакво, обврски кон државата за сите подеднакво; нулта толеранција за корупција и брза и ефикасна борба против организираниот криминал – веднаш; без амнестија за никого што се огрешил по Устав и закон; секој да одговара за кривичните дела што ги направил, а украденото и одземеното од устата на граѓаните мора да се врати назад; под итно да се вратат укинатите одредби од Кривичниот законик со кого и власта и опозицијата си се самоамнестираа од делото - злоупотреба на службена положба и овластување и зголемуљвење на казната за тоа дело на затвор од минимум 10 години; кривичните дела за криминал и корупција нема да застаруваат; да се укине доживотниот мандат на судиите и јавните обвинители, а судиите и јавните обвинители да одат на реизбор секои шест години, бидејќи само така ќе има можност за увид во квалитетот на нивната работа.

Правда мора да има; без правда нема ниту правна држава, ниту лично и човечко достоинство, а без тоа – нема ни достоинствена Македонија, рече таа.

Бендевска ја искористи приликата и им го честиташе големиот христијански празник Велигден на граѓаните кои слават и посака здравје, среќа, спокој и благосостојба во секое семејство.

The post Бендевска: ЗНАМ се етаблира како нова политичка опција appeared first on Република.

Квази социјалдемократот Венко Филипче е еден од најодговорните за актуелната состојба во која се наоѓа СДСМ. Би сакале да ја потсетиме јавноста, додека некогашната државотворна СДСМ се бореше против режимот на Груевски, наметнатиот носител на листа од СДСМ во ИЕ 4 беше прв советник на министерот за смрт Никола Тодоров и беше дел од најкриминалната Влада на Груевски, велат од Движењето ЗНАМ на Максим Димитриевски.

По доаѓањето на власт на СДСМ, беше исфорсиран од семејството Заеви да биде министер.

Сега е јасно зошто. Всушност тој е бизнис партнер на Зоран Заев.

Тешко на тоа раководство, кое Филипче го брани од партијата каде што се втемелени вистинските илинденски и АСНОМ-ски вредности и принципи, а тоа е Движењето ЗНАМ-За наша Македонија, велат од ЗНАМ.

The post ЗНАМ: Квазисоцијалистот Филипче е еден од најодговорните за актуелната состојба во која се наоѓа СДСМ appeared first on Република.

Претседателот на ЗНАМ, Димитриевски вчера го повика раководството на СДСМ во наредните 24 часа да поднесе неотповикливи остави од функциите во партијата, како и носителите и ко-носителите на кандидатските листи на нотар да изјават дека нема да прифатат пратенички мандати.

Социјалдемократскиот сојуз на Македонија преку соопштение одговори на условите за евентуална соработка по изборите, што вчера ги постави претседателот на Движењето ЗНАМ, Максим Димитриевски. Од СДСМ велат дека не прифаќаат уцени и нема тргување со иднината на државата.

– Ароганција е кога човек-партија одработува против своите довчерашни сопартијци и во тоа нема ништо социјалдемократски ниту вредносно туку единствено и само личен интерес.
За тоа кој ги отвораше клубовите со имиња како Ванчо Михајлов адресата е Белиот дворец на ДПМНЕ. Многу позната адреса каде ЗНАМ ги договара идните чекори за соработка заедно со поддршката на Гордана Силјановска Давкова. Освен сликите на Ванчо Михајлов по штабовите на ДПМНЕ доволно говорат сликите на Мицкоски со основачите на тие клубови по манастирите низ државава за кои не слушнавме ниту збор од ЗНАМ – стои во соопштението на СДСМ.

Во однос на неговите поранешни сопартијци Димитриевски постави цврсти ултиматуми.

– Истите тие коишто дозволија да се отвараат бугарски клубови кои го содржат името Ванчо Михајлов во текот на нивниот мандат и ја згазија не само социјалдемократијата, туку и илинденските и асномските левичарски вредности и принципи, нѐ обвинија дека сме човек-партија. Нивната ароганција е ненадминлива. Ова раководство на СДСМ, со овој арогантен пристап ја доведе партијата до историски најслабиот резултат. Не само што ја навредија ЗНАМ, лично мене, навредија и уште 84 илјади граѓани кои го дадоа својот глас за движењето ЗНАМ-ЗА наша Македонија – порача денес Димитриевски од Пелинце.

Во пораката, пак, до раководството на ВМРО-ДПМНЕ освен за неприфаќањето на уставните измени и соработката со ДУИ, Димитриевски повторно ги таргетира и СДСМ. Тој бара потврда дека раководството на ВМРО-ДПМНЕ не заговара јавна или тајна соработка со поранешниот премиер Зоран Заев за обезбедување на двотретинско мнозинство во идниот собраниски состав.

– Еве да му одговорам на оној претседтаелски кандидат којшто постави прашање кукавички денеска дека ВМРО-ДПМНЕ кокетирало де со овој де со оној: ниту со Ковачевски ниту со Венко Филипче, ниту со Зоран Заев. Ние само комуницираме и сме во коалиција со народот на Македонија – рече Мицкоски за обвинувањата на Димитриевски.

The post СДСМ ја отфрли понудата на ЗНАМ appeared first on Република.

Максим Димитриевски и неговата партија ЗНАМ имаат респектабилен резултат и тоа се традиционални гласови на СДСМ, вели лидерот на СДСМ, Димитар Ковачевски, во интервју за „360 степени“ на МРТ 1.

На прашањето – дали СДСМ згреши во начинот на кој се постави кон Максим Димитриевски, Ковачевски топката ја префрла на претходното раководство.

Ковачевски: Тоа е прашање за некој друг, бидејќи неговиот конфликт доаѓа пред јас да станам претседател на СДСМ.

360°: Зошто кога дојдовте за лидер не се обидовте да го решавате?

Ковачевски: Максим Димитиревски имаше формирано свое движење. Ние сме од ист град, пријатели сме, се знаат нашите родители, па и дедовци. Членови на таа партија се наши поранешни членови, дури има и роднини од кои едниот е во СДСМ, а другиот во ЗНАМ. Меѓутоа, тоа се гласови на незадоволни од политиките на СДСМ, пред сè внатрешно, веројатно дел од кадровската политика, дел од однесувањето на некои наши другари визави тие кои го искажааа својот револт и гласаа за ЗНАМ. Практично, тие гласаа против своите“, вели Ковачевски.

Прашан зошто, според СДСМ, секој глас за Димитриевски и ЗНАМ е глас за ВМРО-ДПМНЕ, Ковачевски одговара:

„Секој глас што го намалува потенцијалот на СДСМ ја зголемува разликата со ВМРО-ДПМНЕ и кога ќе се погледнат гласовите на ВМРО-ДПМНЕ, имаат 360 илјади, а на левиот дел од спектарот се над 250 илјади гласови. И затоа, велам, секое раситнување на десница или левица, практично, работи за другата страна. Имавме таков случај во 2006 година кога се формираше НСДП, тие освоија 60-70 илјади гласови, тоа го намали потенцијалот на СДСМ, па со 300 и нешто илјади гласови во тоа време ВМРО-ДПМНЕ формираше влада и владееше 11 години, а НСДП денес е коалиционен партнер на СДСМ“.

Во однос на тоа дали стравува дека одлевањето гласови од СДСМ кон ЗНАМ може да продолжи на парламентарните избори на 8 мај, Ковачевски вели дека тоа ќе зависи од гласачите.

„Ние повикуваме на обединување на сите прогресивни сили околу програмата прелдожена од нас. Програма која ги има ‘акцептирано’ сите грешки направени во текот на изминатите седум години, со јасен план каде треба да се движи државата на сите полиња, од економски, борба против корупција, грижа за млади, грижа за сите, мислам на зголемување на пензии, на минимална плата, на просечната плата. Докажавме дека можеме да работиме на тоа, минималната се зголеми за три пати, просечната за скоро двојно“, додава Ковачевски.

Тој негира дека не се во добри односи со генералниот секретар на СДСМ, Миле Зечевиќ, а атмосферата во партијата ја оценува како работна, со активности околу претстојните избори.

The post Ковачевски: Гласовите на ЗНАМ се гласови на незадоволно членство на СДСМ, конфликот со Максим го почна тој пред мене appeared first on Република.