Икањето понекогаш може да биде многу неугодно и напорно, но најчесто трае по неколку минути. Но се случува некој да ика и неколку часа.

Постои причина за појава на икање. Како што пренесува „Њујорк пост“ икањето е брза контракција на мускулите на дијафрагмата и мускулите меѓу ребрата кои се шират кога дишеме, по што следи затворање на глотисот, односно органот за создавање на глас кој се наоѓа во гркланот.

Тоа е мусклул кој го затвора дишниот пат по голтањето. Затворањето на глотисот е тоа што го предизвикува тој звук, објаснува доктор Марк Лоафман за „Фокс њуз диџитал“.

Според Лоафман долготрјаното икање може да биде поврзано со здравствени проблеми.

Долгите епизоди се поврзани со различни состојби, од бенигни до сериозни, иако понекогаш не може да се најде причината за упорните напади на икање, вели Лоафман.

The post Икањето може да биде знак за сериозни здравствени проблеми appeared first on Република.

Рускиот астролог Јулија Николаева го издвоила најнесреќниот и најпредизвикувачкиот месец за секој знак од Зодијакот во годината што претстои, односно 2024 година.

Доколку верувате во ѕвездите, тогаш прочитајте за кој период од годината вам ви го подготвиле најтешкиот период и навреме подгответе се за ударите на судбината. Се чини дека февруари и март ќе бидат особено неповолни!

Овен
Во јули би требало да бидете внимателни, особено кога станува збор за комуникацијата во личните односи. Секое несогласување може да доведе до сериозни проблеми. Обидете се да избегнете конфликти во овој период.

Бик
Низа неуспеси ќе паднат на грбот на Бикот дури на крајот на наредната година, односно во декември 2024 година. Мора да посветите повеќе време на себеси како би имале емоционална и ментална сила да ги надминете тешкотиите. Доколку не го направите тоа, негативната енергија ќе ви го обои целиот декември во 2024 година.

Близнаци
Неуспехот доаѓа на почетокот на летото, односно во јуни. За жал, проблемите ќе ви станат постојан придружник во речиси сите области, на работа и во комуникацијата со партнерот и пријателите. Ќе мора повеќе да размислувате за своите постапки и зборови, бидејќи невниманието може да доведе до огромни последици.

Рак
Најтешкиот период за овој знак следи во март, ќе се соочите со суровата реалност која не е секогаш пријатна. Важно е внимателно да размислите за сè што преземате.

Лав
Април ќе биде најнесреќниот месец, но можете да се изборите со неволјите доколку им посветите доволно време. Посебно внимание обрнете на финансиските вложувања, тука може да наидете на проблеми.

Бидете претпазливи и внимателни кон вашата друга половина.

Девица
Овој знак нема да има проблеми со кариерата или финансиите, но август ќе биде многу тежок за нив кога е во прашање романтичната сфера. Вреди да размислите повеќе како за своето, така и за партнеровото однесување.

Вага
Тешкотиите ќе почнат да ве опкружуваат веќе во февруари 2024 година. Тие нема да се појавуваат поради надворешните околности, туку ќе бидат концентрирани во вас самите. Важно е да ја слушате својата интуиција и да не создавате проблеми таму каде што ги нема.

Скорпија
Јули ќе биде особено тежок за Скорпиите. Неуспесите можеби ќе изгледаат толку големи што ќе сакате да се откажете и да дозволите работите да тргнат по својот тек. Меѓутоа, не очајувајте, и слободно обратете се кај блиските роднини или пријатели за помош.

Стрелец
Септември е многу лош месец за Стрелците. Можеби ќе одлучите да се откажете од целта на која сте работеле долго време, мислејќи дека е бесмислена. Меѓутоа, не е! Продолжете да се обидувате и не се откажувајте, на крајот ќе успеете.

Јарец
Февруари ќе биде несреќен месец не само за Вагите, туку и за Јарците. Потребно е да се посвети поголемо внимание при возење или одење на пат, како би се избегнале потенцијални несреќи.

Дополнително, во февруари ви се заканува опасност да бидете жестоко изманипулирани.

Водолија
Мај ќе биде најтешкиот месец за Водолиите. Може да се случи да се нарушат сите планови на кои сте работеле долго време.

Риба
Март ќе биде многу непријатен и тежок за Рибите. Во овој период доаѓа до финансиски загуби поради импулсивни одлуки. Можеби некои можности за вложување ви делуваат привлечно, но почекајте момент за поуспешен период.

The post Руски астролог го открива најлошиот месец во 2024 година за секој знак appeared first on Република.

Постојат различни амајлии за кои се верува дека носат пари во домот. Еден симбол со векови се смета за позитивен и моќен – тоа е знакот на бесконечноста.

Симболот за бесконечност е еден од најстарите симболи што се користат во многу култури. Се смета дека носи позитивен поттик на енергијата, а има посебно значење кога се носи како привезок на нараквица или црвен конец.

Овој симбол се користи за хармонија и рамнотежа, а се поврзува и со бројот осум кој симболизира богатство и просперитет. Во фенг шуи, симболот на бесконечноста се користи за усогласување на просторот и подобрување на виталната чи енергија во домот.

Според експертите за фенг шуи, тој е во состојба позитивно да влијае на секој простор во кој ќе се најде. Постои симболика дека овој знак треба да се нацрта на парче хартија и да се носи во паричник за да се привлече енергијата на изобилството и протокот на пари. Можете да го украсите, да го обоите со вашата омилена боја или да му дадете личен печат.

Ако често го цртате овој знак во вашиот планер или дневник, тоа може да доведе до успех, а ако го истакнете во спалната соба, ќе ја зајакне енергијата на љубовта меѓу партнерите.

Ако го закачите овој знак во која било просторија, тој ќе го усогласи просторот. Ако го носите симболот на себе, тој ќе даде енергија и сила, а и ќе ја трансформира негативната енергија во позитивна. Знакот на бесконечност е симбол на позитивна енергија и континуиран развој, па можете да го користите на различни начини за да повикате добри вибрации.

The post Парите сами ќе си дојдат: Само нацртајте го овој симбол на парче хартија и секогаш носете го во вашиот паричник! appeared first on Република.

Имаме голем општински проблем.
Градоначалникот постави знак, со срце со сѐ, во Кисела Вода.
Пред неколку дена, знакот ни го срушија. На пладне некаде.
Вечерта, знакот го вратија.
Денеска сабајле, знакот мистериозно го снема.
Сега, пак го има.
Тоа уствари Данела тврди дека знакот е дивоградба, а Орце вели "не е". Она го вади, он го враќа.
Возбудливо е да се живее во Кисела Вода!
#знакотнегодаваме

The post Место ѓубре, Данела собира срциња appeared first on Република.

Покажувањето сила кај мене не поминува, знакот „❤️ Кисела Вода“ ќе биде повторно вратен, порача попладнево градоначалникот на Општината Орце Ѓорѓиевски откако денеска работници го отстранија по налог на градоначалничката на Град Скопје, Данела Арсовска.

https://republika.mk/vesti/skopje/na-arsovska-i-prechi-i-tablata-ja-sakam-kisela-voda-gragjani-negoduvaat-deka-ova-e-sramota/

Никогаш не сум бил човек кој бара расправии и учествува во конфликти и подолго време бев воздржан околу случувањата кои денес ескалираа и ги вознемирија нашите жители. За жал, малодушноста и незрелоста на поединци резултираа со тоа да бидам принуден да влезам во одреден конфликт со луѓе кои во отсуство на проекти и визија, а полни со гнев и желба за ситен политички реваншизам, се трудат по секоја цена да ја изиграат волјата на моите сограѓани.
Сакам да упатам јасна порака дека јас сум човек кој својот легитимитет го црпи директно од граѓаните и кај кој не поминуваат притисоци и вакви малодушни потези, вели Ѓорѓиевски.

Ѓорѓиевски објасни дека целата иницијатива за поставување на светлосната табла „❤️ Кисела Вода“, по урнекот на неколку европски градови и општини, потекна од жителите на општината. Почитувајќи ја нивната волја, Ѓорѓиевски пред пет месеци испратил барање до Градот Скопје, за кое добиле усмено одобрување, но на писмено, до денешен ден, немаат никаков одговор. Ова, вели Ѓорѓиевски, според закон значи премолчено одобрување.

Токму затоа, вели градоначалникот, дозволивме нашата општина да биде разубавена со оваа табла која е целосно финансирана од граѓаните.

Ова утро, едно од човечињата во Градот (генералниот секретар на Град Скопје, Зоран Глигоров), наместо да се јави и да се заинтересира до каде е остварувањето на ветената меѓуопштинска соработка и договор за асфалтирање на улиците во Усје, наместо да информира зошто нема ниту милиметар напредок во градбата на Усјанскиот канал, чија реализација беше аминувана на Советот на Град Скопје, но закочена од Арсовска, да пројави интерес да се запознае макар со еден стопанственик во индустриската зона Пинтија (преговори кои треба да ги реши Градот, а ги посредуваме ние, како општина Кисела Вода, бидејќи од страна на Град Скопје нема кој да се сретне со овие лица) бидејќи поради тоа нема ниту една експропријација неопходна за проширувањето на булеварот „Борис Трајковски“, наместо да даде одговор зошто во изминатите неколку недели прави опструкции за реализирање на проекти во општина Кисела Вода под ингеренции на Градот или јавните претпријатија во негова надлежност, тој, се занимава со рушење на светлечка реклама, платена од нашите жители, потенцираше Ѓорѓиевски.

[caption id="attachment_565548" align="aligncenter" width="1600"] Попладнево веќе нема ни траг од знакот платен од граѓаните на Кисела Вода[/caption]

Ѓорѓиески напоменува и дека решението за отстранување на објектот е правно неиздржано поради тоа што во него, случајно или намерно, се бара отстранување на објект во општината Аеродром, а не во Кисела Вода.

Да водиш институција е многу сериозна работа и тоа не подразбира реваншизам, политичко инаетење и незрелост или правење на циркус со рушење на рекламни табли. Тоа подразбира решавање на проблеми на граѓаните и искрено се надевам дека дотичните од Градот Скопје ќе излезат од балонот на гнев и реваншизам и конечно ќе ја сфатат улогата и функцијата за која се избрани.
Уште еднаш да напоменам дека покажувањето на сила кај мене не поминува, дека целосно застанувам зад моите сограѓани и дека знакот Ја сакам Кисела Вода ќе биде повторно вратен, порача градоначалникот.

The post Ѓорѓиевски: Покажувањето сила кај мене не поминува, знакот „❤️ Кисела Вода“ ќе биде вратен appeared first on Република.

Во Германија се почесто се отвораат истраги против лица кои го користат симболот „Z“ за да ја изразат својата поддршка за руската војна во Украина.

Според извештајот на медиумската група Redaktionsnetzwerk Deutschland, од 24 февруари се покренати повеќе од 140 истраги за поддршка на руската војна во Украина. Повеќето од овие истражувања вклучуваат употреба на симболот „Z“.

Со бела боја нацртаниот симбол „Z“ често пати може да се види на руските тенкови и униформи. Тој го означува слоганот „за победа“. Често може да се види на згради, автомобили и облека надвор од воената зона и се користи на социјалните мрежи.

Употребата на симболите може да се смета за „криминална поддршка“ доколку се докаже поврзаноста со војната во Украина, наведува Министерството за внатрешни работи на покраината Северна Рајна-Вестфалија.

Според член 140 од Кривичниот законик, лицата кои го користат симболот можат да бидат казнети со парична казна или до три години затвор.

The post Германските обвинители отвораат истраги против лица кои го користат симболот „Z“ appeared first on Република.