Претседателот на Украина, Володимир Зеленски во своето синоќешно видеообраќање изјави дека подигнувањето на украинското знаме на Змиски Остров е знак дека неговата земја не е скршена.

Секој руски капетан, на брод или авион, нека го види украинското знаме на Змиски Остров и нека знае дека нашата земја нема да биде скршена, истакна Зеленски.

Тој додаде дека двомесечната операција за ослободување на Змиски Остров е предупредување до руските сили во Украина.

Од почетокот на руската инвазија врз Украина, Змискиот Остров повеќе пати е заземен од руската и од украинската армија.

Украинската армија вчера објави фотографија како војници поставуваат знаме на Змискиот Остров во Црно Море. По објавувањето на фотографијата со украинското знаме, руското Министерство за одбрана соопшти дека го ракетирале Змиски Остров и ги елиминирале украинските војници.

Тврдењата на Москва за напад врз Змискиот Остров не се независно потврдени, но локалните власти во Одеса претходно објавија дека руските сили го ракетирале Змиски Остров.

Змискиот Остров е стратешки важен и за Украина и за Русија. Во Црното Море има само неколку острови, а Змискиот Остров е лоциран на околу 200 километри јужно од Одеса, и од него може да се контролира целиот поморски сообраќај во близина на најголемиот пристаништен град во Украина. Со долгорочна окупација на островот, Русија ќе може да го блокира речиси целиот извоз на стоки преку пристаништето Одеса.

The post Зеленски: Знамето на Змиски Остров е знак дека Украина не е скршена appeared first on Република.

Украина прогласи завршување на  воената операција за освојување на Змискиот Остров во Црното Море.

Од украинската војска соопштија дека украинското знаме се вее на островот.

Воената операција е завршена и во моментов територијата е вратена во јурисдикција на Украина - изјави шефот на прес-центарот на одбранбените сили на Јужна Украина, Наталија Хуменјук.

The post Заврши воената операција на Змискиот Остров appeared first on Република.

Руските сили се повлекоа од Змискиот остров во близина на украинскиот брег во Црното Море како „знак на добра волја“, соопшти денеска Министерството за одбрана.

Министерството соопшти дека овој потег покажува дека Русија не ги попречува напорите на Обединетите нации за организирање хуманитарен коридор за извоз на земјоделски производи од Украина.

Змискиот остров, што Русија го окупираше на првиот ден од инвазијата, стекна светска слава кога беше објавено дека украинските граничари кои беа таму го одбиле барањето на руски воен брод за предавање и загинале до последен во одбраната на островот, иако подоцна беа објавени фотографии од граничарите коишто, всушност им се предале на руските сили.

The post Руско МО: Го напуштивме Змискиот остров во знак да добра волја appeared first on Република.

Руската армија поставила ракетни системи на Змискиот остров.

Тоа би можело да значи дека сака да ги заштити своите бродови од украинските сили и планира да употреби оружје на брегот на регионот Одеса - соопшти украинската команда „Југ“.

Како што наведуваат украинските сили, на островот се распоредени има ракетно-топовски системи, повеќецевни ракетни фрлачи и радари.

Сепак, според нив, нема индиции дека руската армија подготвува десант од Змискиот Остров.

The post Руските сили распоредиле ракетни системи на Змискиот Остров appeared first on Република.

Началникот на разузнавачката служба на украинската армија Кирило Буданов изјави дека Украина ќе се бори „колку што ќе биде потребно“ за Змискиот Остров во Црно Море.

Тој што го контролира Островот може во кој било момент да го блокира движењето на цивилните бродови во сите правци кон југот на Украина, посочи Буданов.

Според официјални лица, изминатите денови обновените борби за Змискиот Остров би можеле да се претворат во битка за контрола над западниот брег на Црно Море.

The post Буданов: Украина ќе се бори за Змискиот Остров appeared first on Република.

Тактичко борбено беспилотно летало „ТБ-2 Бајрактар“ на украинската армија уништило десантен брод од класата „Серна“ на руската морнарица, кој бил укотвен на Змискиот остров, кој веќе неколку дена е под жесток украински напад.

Имено, украинската армија веќе неколку дена со дронови ги ракетира воени инсталации на руската војска стационирана на островот, како и ПВО системите со кои се брани овој остров. Досега се уништени по еден систем „Оса“ и „Тор М2“, како и два брзи патролни чамци од класата „Раптор“.

На социјалните мрежи се појавија и снимки од нападите врз руската морнарица, односно десантниот брод од класата „Серна“. На видеото се гледа работата на екипажот на чамецот и истоварот, најверојатно на муниција или ракети, проследено со директен удар во реонот за истовар и голема експлозија, веднаш потоа.

https://www.youtube.com/watch?v=Dv_gQA6o22U&feature=emb_title

На снимката во близина се гледа и брз патролен чамец од класата „Раптор“, кој останал неоштетен, додека десантниот чамец целосно изгорел по експлозијата.

Десантните чамви од класата „Серна“ се пловни објекти кои главно се дел од Касписката флотила, а повремено пловат во Азовското и Црното Море.

Податоци за чамец за слетување

Брзите десантни чамци од класата „Серна“ се означени од страна на Русите како Проект 11770. Овие пловила се долги 25,6 метри и широки 5,8 метри, достигнувајќи максимална брзина од 30 јазли. Максималниот радиус е 600 Нм. Овие пловни објекти можат да превезуваат 92 војници со целосна борбена опрема или 45 тони товар на мирно море.

The post Украински дрон „Бајрактар“ на Змискиот остров разнел руски десантен чамец полн со муниција appeared first on Република.

Украинската армија соопшти дека повторно ги ракетирала руските позиции на Змискиот Остров.

Според украинската армија во нападот убиени се 42 руски војници.

Исто така се наведува дека се погодени системите за противвоздушна одбрана и комуникациски центар

The post 42 руски војници убиени на Змискиот остров appeared first on Република.