Полицијата успешно заврши 16-дневна акција во рамките на азискиот регион Златен триаголник, запленувајќи дрога во вредност од над 1,04 милијарди долари.

Новинската агенција Јонхап известува дека акцијата е спроведена со учество на Интерпол, Јужна Кореја и полицијата на уште шест земји.

Операцијата се одвивала во Тајланд, Мјанмар и Лаос, регион познат како Златен триаголник, кој е еден од главните центри за производство и трговија со дрога во светот.

Во акцијата се уапсени 29 осомничени лица.

Полицијата соопшти дека операцијата, позната како „Lionfish-Mayag II“, се спроведувала од 22 јули до 7 август, со поддршка од САД, Камбоџа и Австралија.

Меѓу запленетата дрога имало околу 1,5 тони кетамин.

The post Полицијата заплени дрога во вредност од над милијарда долари во Златниот триаголник appeared first on Република.