Претседателот на Владата, Димитар Ковачевски се огласи во врска со пожарот на социјалната мрежа фејзбук доцна вечерва. Екипите на МВР навремено пружија поддршка за локализирање на пожарот, информира Ковачевски.

Вечерва телефонски разговарав со градоначалникот на Битола, Тони Коњановски за да се информирам за состојбата со пожарот во фабриката „Жито Битола“. Министерот Спасовски и директорот на ЦУК, Стојанче Ангелов се во постојана комуникација со општината, а екипите на МВР навремено пружија поддршка за локализирање на пожарот. Благовремената и координирана реакција го спречи ширењето на пожарот и предизвикување на поголема штета, се вели во постот на Ковачевски.

The post Ковачевски: Екипите на МВР навремено пружија поддршка за локализирање на пожарот appeared first on Република.

Пожарот кој избувна попладнево во 17 часот и 20 минути во објектот „Жито Битола", вечерва во 20.00 часот е ставен под контрола, но догаснувањето во главната зграда ќе трае до утрото, соопшти Општината и сподели неколку фотографии.

Во гаснењето на пожарот во објектот „Жито Битола", беа вклучени 29 пожарникари со 9 противпожарни возила, а на барање на градоначалникот на општина Битола Тони Коњановски, беше помогнато и со две возила за дотур на вода од ЈП Водовод и РЕК Битола, велат од Општината.

„Според податоците од заменик командирот на ТППЕ Битола, Горан Димкоски, екипите на противпожарната единица во моментот вршат догаснување на делот од главната зграда, кое најверојатно ќе трае до утринските часови. Направена е замена на противпожарната екипа на терен која гаснеше четири часа, со нова екипа која ќе ја контролира ситуацијата во текот на ноќта“, се вели во сопштението.

The post Општина Битола: Во зградата на „Жито Битола“ ќе се догаснува огнот цела ноќ appeared first on Република.

Пожарот што попладнево избувна во кругот на фабриката Жито Битола е локализиран и ставен под контрола. Нема опасност за ширење, но тешко оди неговото гаснење, па пожарникарите ќе останат на терен цела ноќ.

Ангажирани се сите 27 пожарникари од битолската единица, а на помош пристигна и против-пожарно возило на РЕК-Битола.Пожарот е пријавен во 17 часот и 20 минути, а очевидци велат дека се запали зградата каде биле сместени административниот дел, а имало и склад со брашно. Пожарникарите ќе останат цела ноќ. Битолскиот градоначалник Тони Коњановски, кој беше на местото, вели дека во моментот кога избил пожарот во фабриката имало двајца вработени, кои навремено биле евакуирани.

Во пожарот нема жртви, но причинета е голема материјална штета врз главниот објект на мелничко-пекарскиот капацитет кој е во приватна сопственост. Во пожарот е зафатен стариот објект на „Жито Битола“ со кој стопанисува „Ангро механизација- Жито Битола“ во чиј состав има пекара, млин и силос.

The post Локализиран пожарот во Жито Битола, но тешко оди гаснењето appeared first on Република.

Каква финта си имаат политичарите за државните објекти, запалиго и купиго за без пари.

The post Гори Жито Битола, ај да видиме кој ке ја купи за малце пари appeared first on Република.

Битолчани се револтирани што уште еден државен објект за кратко ќе биде претворен во пепел. Се сеќаваат дека и таа, како и многу други индустриски гиганти во Македонија, изгоре уште во транзицијата.

Жито Битола не гори сега, таа изгоре многу одамна, сега само ѕидовите и покривот се во пламен. Изгоре кога нејзиниот директор беше кандидат за пратеник од СДСМ, па на Бранко Ц. ја исплати неколку милионската изборна кампања, Жито Битола изгоре тогаш кога стотици вработени после таа изборна кампања останаа без денар плата и на улица. Се нешто ,,чудно,, се случува кога „актери“ и „сценаристи“ се СДСМ.

The post Изгоре уште кога директорот беше кандидат за пратеник од СДСМ и на БЦ му ја исплати милионската кампања appeared first on Република.

На местото каде што е денешна Жито Битола од памти век имало млин. На тоа место се наоѓал еден од првите млинови во Битола и му припаѓал на богатиот Исмаил паша, еден поприлично богат човек, кој ја изградил првата парна мелница во градот и таа подоцна опстојувала и во Кралска и Социјалнистичка Југославија, а опстојува и до денес. Спроти се наоѓало и училиште за занаети, направено за да може да опсужува 30 000 војска стацонирани во битолските касарни.

Автоматската мелница „Драгор” Исмаил паша ја изградил во 1902 година, а била лоцирана во непосредна близина на железничката станица. Располагала со 6 цилиндри, а нејзиниот капацитет изнесувал 15 тони за 24 часа, односно 2 вагони. Работела до 1908 година.

Нејзиното постоење севрзува со зачетокот на индустрализацијата во овој дел од Македонија.

Повеќе за историјата на Бабам Битола

The post Млинот „Драгор” на Исмаил паша ја хранел Битола уште пред Илинденското востание appeared first on Република.

Битолчани изгорени од пожарот кој вечерва избувна во Жито Битола.

Изгоре и “Жито Битола”, една прекрасна зграда која беше запуштена, но убава дури и кога се распаѓаше. И скоро реновирана. Комбинатот уште одамна го изгореа заедно со работниците во транзицијата, комбинат кој ја хранеше цела Битола.

The post Изгоре една прекрасна зграда, убава и кога се распаѓаше… appeared first on Република.

Во моментот кога избил пожарот во фабриката „Жито Битола“ имало двајца вработени, кои биле навремено евакуирани и тие се на безбедно, информира градоначалникот на Битола Тони Коњановски, кој е на лице место, за новинарите.

Нема човечки жртви, ниту повредени.

Пожарот се уште не е локализиран, се претпоставува дека тешко ќе оди и гаснењето со оглед на тоа што објектот е стара конструкција со греди стари 100 години, што било причина и кровот да изгори за неполни 15-тина минути, споделува телевизијата.

Причината за пожарот се уште не се знае, на терен се локалните власти, и обвинител.

The post Двајца вработени биле во фабриката кога избувнал пожарот, покривот бил пеплосан за 15 минути appeared first on Република.

Големиот пожар кој изби попладнево во фабриката за брашно „Жито Битола“ сè уште е активен, а пожарникарските екипи се на терен и се обидуваат да го локализираат.

https://republika.mk/vesti/makedonija/gori-zito-bitola/

Според СВР Битола, засега нема пријава за повредени лица.

На 23.01.2022 во 17.20 часот во СВР Битола било пријавено дека има пожар во фабрика за леб лоцирана во индустрискиот дел на Битола. Веднаш се упатени екипи на територијалната противпожарна единица Битола и полициски службеници и се преземаат мерки за гасење на пожарот. До сега нема пријава за повредени лица, велат од МВР.

Битолчани споделуваат фотографии и видеа, на кои може да се види дека пожарот од кровот се прошири низ поголемиот дел од фабриката.

The post МВР со детали за пожарот во Битола, засега нема пријава за повредени лица appeared first on Република.

Голем пожар попладнево избувна во фабриката „Жито Битола“ која се наоѓа во индустрискиот дел на Битола.

Како што пренесува репортерот на ТВ21,местото е опколено од полиција, а на теренот пристигнаа и 10 пожарникарски возила. Се прават напори да се локализира пожарот кој избувна попладнево.

На местото на настанот пристигна и градоначалникот Тони Коњановски.

Командирот на Противпожарната служба во Битола вели дека се уште нема точни информации за тоа како избувнал пожарот.

Првичните информации oд екипата на Телма, пак, се дека пожарот е многу силен, а веќе е зафатена и кровната конструкција.

https://youtu.be/ImMqayfm5ik

Фабриката е во приватна сопственост и работи како млин и произведува бели печива.

The post Гори „Жито Битола“ appeared first on Република.