Со проекција на „Дали си маж“ од македонскиот режисер Ѓорче Ставревски, во 19,30 часот на „Плочник“ и изложба на аналогни фотографии „Мозаик во зрно“ од Љубомир Трајковски вечерва во „Котур“ во Скопје почнува шестото издание на „Ѕирни“, Фестивал на филм и музика кој ќе трае до 10 октомври. Организаторот најавува филмови, концерти, тетарски претстави, интервіуа, изложби, вкусна храна и внимателно селектирана музичка програма.

Оваа година официјалната селекција на кратки филмови, кои се натпреваруваат за наградата „Данчо Чеврески”, станува интернационална. Се воведува и уште еден натпреварувачки дел во програмата - интернационални кратки студентски филмови.

Во ова издание на фестивалот по вторпат ќе се одржи и 48часовниот филмски предизвик. Ќе уживаме и во маестралните улоги на Мето Јовановски во филмските проекции на „Тетовирање“ и „Среќна Нова 49-та“. На наше големо задоволство, покрај кино салата на , оваа година фестивалот ќе се одржи и на нови локации. Филмови од официјалната селекција и концерти на „Аудио Цигла“ и „Фанк Шуи“ ќе гледаме на Плочник (во блокот на градски ѕид веднаш до соборниот храм), а театарската претстава „Кенди“ во „Лабораториум“.

The post Со проекција на „Дали си маж“ на Ѓорче Ставревски почнува шестото издание на „Ѕирни” – фестивал на филм и музика appeared first on Република.

Тимот на Кафе и филм КОТУР, го преставува шесто издание на Ѕирни – Фестивал на филм и музика кое ќе се одржи од 30.09. до 10.10.

Концептот и годинава е коктел од филмови, концерти, тетарски претстави, интервіуа, изложби, вкусна храна и внимателно селектирана музичка програма.

Оваа година официјалната селекција на кратки филмови, кои се натпреваруваат за наградата „Данчо Чеврески”, станува интернационална, а се воведува и уште еден натпреварувачки дел во програмата – интернационални кратки студентски филмови.

Во ова издание на фестивалот по вторпат ќе се одржи и 48 часовниот филмски предизвик. Ќе уживаме и во маестралните улоги во филмски проекции посветени на Мето Јовановски. На наше големо задоволство, покрај кино салата на @koturkafeifilm, оваа година фестивалот ќе се одржи и на нови локации. Филмови и концерти ќе гледаме на Плочник, а тетарска претстава во Лабораториум” велат организаторите.

The post „Ѕирни“ – Фестивал на филм и музика во „Котур“ по шести пат appeared first on Република.

„Ѕирни“ е филмски и музички фестивал што се случува еднаш годишно во период од десет дена. Фестивалот се одржува веќе пет години, а неговото шесто издание ќе се одржи во периодот од 1-ви до 10-ти октомври 2024 година. Овој фестивал се одржува во мултимедијалниот простор на кафе и кино Котур, сместени во поранешните канцеларии и внатрешното кино на Македонија филм. Бидејќи е длабоко поврзан со домашната кинематографија, таа претставува културно значајно место за филмската историја на Македонија. Фестивалот игра важна улога и во заживување на неколку јавни простори како Форум Парк, Плоштад Плочник итн.

Со оглед на тоа што една од примарните цели на фестивалот е да ги искористи јавните простори за филмски проекции или концерти, фокусирајќи се на запуштените, но некогаш значајни области, обидувајќи се да ги ревитализира и подмлади, оваа година би сакале да го прошириме фестивалот за да вклучи неколку такви простори во централното градско подрачје.

Во однос на програмските активности, фестивалот има официјална селекција за краток филм во конкуренција за наградата за најдобар краток филм Данчо Чеврески. Фестивалот вклучува и документарна програма „Кафе и кромид“ во соработка со фестивалот „МакеДокс“, каде ќе биде прикажан документарен филм избран од двата фестивала. Друг дел од неа е програмата „Извор“ која ги истакнува македонските филмови од значајна културна вредност за развојот на македонската кинематографија. Дополнително, постои програма за студентски краток филм и програма за театар со оригинална претстава.

Фото или уметнички изложби, инсталации и слични настани се исто така дел од фестивалот. За време на секој фестивал се организираат два до три концерти на македонски алтернативни бендови. Се спроведуваат и бесплатни работилници во соработка со филмаџии, архитекти и уметници. За време на минатогодишното издание за првпат се организираше Скопскиот филмски предизвик 48 часа во соработка со Скопје филмски предизвик и македонскиот филмски режисер Игор Христов. Филмскиот предизвик 48 часа е платформа организирана во повеќе од 50 градови ширум светот, а минатата година беше дел од официјалната програма на ЅИРНИ05 која се одржа во Котур кафе и филм. Сите натпреварувачи кои го прифатија предизвикот ги собраа своите тимови и ги создадоа своите филмови во рок од 48 часа. Тричленото жири составено од филмски професионалци одлучуваше за трите најдобри филмови и додели три награди. Предизвикот резултираше со десет филмови кои беа прикажани на 9 октомври 2023 година во кино КОТУР и моментално се достапни на YouTube каналот на Скопје филм предизвик.

Програма:

• Филмска програма

1. Официјална селекција на краток филм, награда за најдобар краток филм Данчо Чеврески;
2.Документарна програма „Кафе и Кромид“ во соработка со фестивалот на креативен документарен филм „МакеДокс“;
3.Детска програма во соработка со Здружението на филмски дистрибутери на Македонија и приватната градинка Грин Хаус;
4.Студентска програма за кратки филмови;
5.Извор: Проекција на играни македонски филмови од големо културно-историско значење.

Локација за проекција на филмската програма: Форум Парк, кино Котур, Плочник и други јавни места во центарот на Скопје со цел да се ревитализираат запуштените јавни површини и да се покаже нивната вредност, како и да се демонстрира како тие можат да се користат од граѓаните, особено младите жители на нашиот град.

• Театарска програма

Место: кино Котур
Целта на поставување на театарска претстава на секое издание на фестивалот Ѕирни е да се поддржи независната театарска продукција и да се обезбеди простор на младите театарски уметници да се изразат надвор од конвенционалните театри и пред различен тип публика, во поинтимна атмосфера, притоа целосно слободни во својот уметнички израз.

• Музичка програма

Концерти
Дел од концертите ќе се одржат во кино во Котор, но главниот концерт, како и во претходните изданија на Ѕирни, ќе се одржи на плоштадот Плочник и ќе биде бесплатен и отворен за јавноста. Слично како и со филмската програма што се случува на јавни простори, нашата цел овде е да им овозможиме на младите луѓе бесплатно да уживаат во слушањето на нивните омилени бендови на јавен простор, оставајќи на тој начин траен белег за јавниот простор и нивното искуство во него.
Со ова сакаме да им овозможиме на младите луѓе да создадат емотивна врска со јавните простори во нивниот град, со крајна цел да придонесеме што е можно повеќе овие јавни простори да се чувствуваат како свои и да ги третираат како такви, што е навистина намената на јавен простор во градот.

Придружна музичка програма со избор на музика
Место: Кафе и филм Котур

• Интервјуа и панел дискусии

Модерирани интервјуа и разговори со публиката со сите автори на пријавените кратки филмови од официјалната селекција, како и гости од придружните филмски програми.
Видео снимки од интервјуа со филмските автори и музичари кои настапуваат на фестивалот.

• Работилници

1.Скопски филмски предизвик 48 часа во соработка со Скопје филм предизвик и режисерот Игор Христов ќе биде организиран како работилница за снимање филм во рок од 48 часа. Потоа, филмовите ќе бидат прикажани пред публика и ќе бидат доделени наградите за најдобар филм, најдобра кинематографија и најдобра монтажа.
2. Детската креативна работилница ќе биде организирана во соработка со приватната градинка Грин Хаус која ќе се фокусира на дизајнирање постери за филмовите кои ќе бидат дел од детската програма.
3.Архитектонска работилница за деца од 7 до 11 години во соработка со инструкторките Милка Черепналковска и Маргарита Поповска

• Изложби/уметнички инсталации

Место: Кафе и филм Котур

• Ѕирни продавница

Промовирање на креативни занаетчиски брендови од страна на младите луѓе и нивна поддршка преку обезбедување простор каде што ќе можат да ги презентираат и продаваат своите производи пред голема публика.

• Награди

Награда Данчо Чеврески – за најдобар краток филм
Награда за најдобар студентски краток филм

• Правила и услови

1. Филмскиот и музички фестивал Ѕирни 2024 ќе се одржи од 01-10 октомври во Скопје, Македонија.
2. Филмскиот и музички фестивал Ѕирни прифаќа пријави за филмови во следните категории:
Кратки филмови под 30 минути, кои се натпреваруваа по 1 јануари 2022 година.
3. Учесникот/ите што го поднесуваат филмот мора да ги поседуваат сите законски права за поднесување, како и сите потребни дозволи за јавна изложба, и треба да обезбедат копија за преглед што може да се преземе.
4. Филмовите може да се достават преку онлајн платформата за поднесување FilmFreeway, или со специјална покана од програмскиот директор на фестивалот.
5. Рокот за поднесување до Ѕирни 2024 година е 31.08.2024 година.
6. Преводите мора да бидат на англиски јазик.
7. Во зависност од нашиот буџет и можностите за патување, можеме да поканиме филмски претставник и да ги покриеме трошоците за патување и сместување.
8. Ѕирни бара екранизација на филмот, краток синопсис, филмски фотографии, постер во дигитален формат.
9. Ѕирни го задржува правото да користи слики од филмови избрани на Фестивалот за маркетинг цели.

Пријавувањето можете да го направите на следниот линк: https://filmfreeway.com/DzirniFilmAndMusicFestival

The post 6. издание на „Ѕирни“, филмски и музички фестивал од 1-10 октомври appeared first on Република.

Краткиот независен филм „Мавера” кој премиерно се прикажа на ИФФК „Браќа Манаки" влезе во официјална селекција на петтото изданије на Скопскиот фестивал „Ѕирни".

„Мавера” својата скопска премиера ќе ја има денеска од 20:00 часот, на Платото „Котур" и се натпреварува за наградата „Данчо Чеврески”.

ИФФК „Браќа Манаки“ секоја година ги вреднува најдобрите кинематографери, тешко е да се раскаже прекрасното непознато во кратка филмска форма и затоа краткометражниот филм секогаш е голем предизвик за филмските автори.

Жирито во состав: Дарија Д ‘ Антонио, Питер Бижу, Теона Стругар Митевска, Ромен Лакурба и Доменико ла Порта доделија посебно признание за Стефан Ѓоргиевски за филмот „Мавера“.

На Ѓоргиевски признанието му го додели Питер Бижу, а младиот кинематографер рече дека е голема чест за него што бил дел од овој фестивал, бидејќи неговиот независно финансиран филм се нашол во друштвото на филмови кои биле на светските филмски фестивали.

Краткиот игран филм „Мавера“ е независно финансиран, без надворешна поддршка, а притоа е селектиран од голема конкуренција на Македонски и странски филмови со високи буџети, во режија и сценарио на Батухан Ибрахим, кој е и продуцент на филмот заедно со Стефан Ѓоргиевски, кој исто така е и кинематографер на проектот.

Монтажер е Драган Спасов а дизајнот на звук е на Ристо Алчинов. Улогите ги толкуваат Симона Спировска и Мирјана Трпковска.

The post Краткометражниот филм „Мавера” вечерва премиерно и на „Ѕирни” appeared first on Република.