Членови на Европскиот парламент повикаа да се укине промената на сметање на времето во писмо до претседателката на Европската комисија, Урсула фон дер Лајен, во кое ДПА имала увид.

Часовниците во Европа треба да се вратат за еден час назад во текот на ноќта од сабота кон недела.

https://republika.mk/zivot/zdravje/depresija-izmesten-bioritam-duri-i-poveke-soobrakajki-shto-ni-nosi-slednite-denovi-promenata-na-chasovnikot/

Во писмото се вели дека сегашниот систем е застарен и оти укинувањето на промената на времето, исто така, се усогласува со посветеноста на Европската унија за поедноставување, намалување на непотребните оптоварувања на граѓаните и олеснување на секојдневниот живот во 27-те земји-членки.

Повеќе од 60 пратеници од различни земји и фракции го потпишаа писмото. Тие бараат од комисијата навремено да го реши проблемот.

Во 2018 година, Европската комисија спроведе анкета меѓу граѓаните на Европа за ова прашање. Вкупно 84 отсто јасно мнозинство во нерепрезентативната студија се спротивстави на промената на времето.

Тогашниот претседател на Европската комисија Жан-Клод Јункер последователно најави укинување на промената на времето подоцна истата година. Сепак, пред тоа да биде официјално потврдено, земјите од ЕУ мора да се договорат дали сакаат трајно да го прифатат летното или зимското сметање на времето.

Со оглед на тоа што нема договор, прашањето е во мирување со години. Унгарија нема да го покрене ова прашање за време на нејзиното тековно претседавање со Европскиот совет, изјавија нејзини претставници за ДПА

The post Ќе почнат ли пак преговорите за укинување на промената на сметање на времето? appeared first on Република.

Либанскиот премиер во заминување Нагиб Микати и неговиот кабинет вчера ја укинаа одлуката за поместување на почетокот на летното сметање на времето, што предизвика вознемиреност и ја подели земјата со повеќе религии.

Либанската Влада минатата недела најави одложување на почетокот на летното сметање на времето, кое првично беше планирано за недела рано наутро, до полноќ на 20 април, кога се очекува да заврши лунарниот месец Рамазан.

Одлуката предизвика остри критики против кабинетот на Микати и бунт кој се граничи со секташтво.

Во телевизиско обраќање, Микати најави дека часовниците сега ќе се поместат нанапред во четврток вечер.

Моравме да земеме рок од 48 часа за да решиме некои технички прашања според претходниот меморандум, па си дадовме време да се прилагодиме, рече тој.

Да се ​​задржи зимското сметање на времето подолго значи да се прекине дневниот муслимански рамазански пост еден час порано.

Но, премиерот во оставка истакна дека е изненаден што некои партии во земјата сметаат дека одлуката има секташки и верски димензии.

Влијателната либанска Маронитска црква ја критикуваше првичната одлука, нарекувајќи ја „изненадувачка“ и „случајна“ и велејќи дека нема да се придржува до неа.

The post Христијаните и муслиманите се искараа околу менувањето на часовникот, премиерот конечно пресече appeared first on Република.

Владата, на денешната седница ја разгледа Информацијата од Министерството за економија, во врска со изготвената анализа за можноста за продолжување на примената на летното сметање на времето и согласно сите анализи е заклучено дека ќе се пристапи кон примена на зимското сметање на времето, како што се практикуваше и досега.

Министерство за економија информираше дека проценката е направена во соработка со Министерство за финансии, Министерство за внатрешни работи, Министерство за образование и наука, Министерство за труд и социјална политика, Агенција за електронски комуникации, Биро за метрологија, Стопанска комора, Управа за хидрометеоролошки работи, Стопанска комора на северозападна Македонија и Економскиот факултет – Скопје.

Од прикажаната пресметка за потребна топлина и анализата на промените на надворешните температури на часовно ниво, воочено е дека задржувањето на летното сметање на времето ќе предизвика зголемена потрошувачка на топлинска енергија од 1,5 – 3,5 проценти за грејната сезона. Согласно направената анализа на движењето на температурите во утринските часови и пресметките за потребна топлина за загревање, заклучено е дека со враќање во зимско сметање на времето ќе се заштеди на потрошувачка на електрична и топлинска енергија, соопштија од Влада.

The post Останувањето на летно сметање на времето ќе ја зголемеше потрошувачката на топлинска енергија, покажале анализите appeared first on Република.

Министерството за економија се уште ги прави анализите за можноста да остане летното сметање на времето, иако министерот за економија Крешник Бектеши во понеделникот изјави дека тие би требало да бидат готови до крајот на неделава.

Побарано е мислење од МАНУ и од Бирото за метрологија и штом се добие нивното мислење, како што вчера изјави министерот Бектеши, анализата ќе биде доставена до Владата, која треба да ја донесе конечната одлука.

Одлуката дали ќе остане летното сметање на времето или ќе се премине кон зимско сметање, треба да биде донесена до крајот на овој месец.

И премиерот Димитар Ковачевски во понеделникот изјави дека анализите ќе покажат каква одлука ќе биде донесена.

Ќе видиме дали ќе продолжиме со летното сметање на времето или како досега ќе ја направиме промената. Во моментот, не можам да ви кажам, би сакал да ги видам анализите. Во моментот повеќе има „про“ оставање на летното сметање на времето, но да ги видиме сите детални анализи и потоа ќе донесеме одлука, рече Ковачевски.

Зимското сметање на времето почнува од последниот викенд во октомври, кога стрелките на часовникот се поместуваат за еден час наназад.

The post Има само уште две недели, ама анализите дали да се остане на летно сметање на времето уште не се готови appeared first on Република.