За основците и средношколците завршува зимскиот распуст и од утре се враќаат на настава во второто полугодие од учебната 2022/2023 година.

Распустот беше продолжен со одлука на Владата заради функционалност на училиштата и второто полугодие наместо на 18 јануари почнува утре.

Најверојатно и учебната година ќе заврши на 14 јуни наместо на 9 јуни (петок) затоа што, како што изјави министерот за образование и наука Јетон Шаќири, учениците треба да ги одработат сите 180 работни наставни денови утврдени со Календарот за воспитно-образовниот процес во училиштата.

За подобро функционирање на процесот, поради тоа што 18 јануари е среда, 19-ти е празник за поголем дел од граѓаните и 20-ти е петок, одлучивме второто полугодие да почне во понеделник. Исто така, да се изработат сите 180 работни денови до крајот на ова второ полугодие. Има три работни наставни денови и не гледам причина да има некаков проблем, рече Шаќири.

The post Завршува зимскиот распуст, учениците од утре на настава appeared first on Република.

Министерот за образование, Јетон Шаќири, објаснува дека почетокот на второто полугодие од учебната година е одложен за 23. наместо за 18 јануари, заради подобро функционирање на училиштата.

Шаќири додава дека, доколку има потреба, наставата од двата работни дена што ќе се загубат поради продолжениот зимски распуст ќе бидат надоместени во јуни.

Нема целосна работна недела, се работи за два односно три работни дена за одредени ученици. Требаше да се почне во среда, четврток е празник, да се продолжи во петок. Заради подобро функционирање на училиштата, одлучивме да се почне од понеделник, истакна Шаќири.

Во однос на загубените наставни часови во првото полугодие во училиштата каде што беа пратени пораки за наводно поставени бомби, Шаќири вели дека онлајн настава не е решение на проблемот бидејќи учениците повторно ќе треба да се вратат во училиштата и очекува сторителите да бидат откриени.

Затоа инсистирам докрај за физичко присуство на настава и побрзо да се најдат виновниците на лажните дојави за бомби, изјави Шаќири по потпишувањето на Правилникот за функционална проценка на деца и млади со попреченост.

The post Шаќири: Зимскиот распуст e продолжен заради подобро функционирање на училиштата appeared first on Република.

Поради енергетската криза, градоначалниците од Полошкиот регион бараат зимскиот распуст да трае два месеци или евентуално да има онлајн настава.

Целта, според изјавата на градоначалникот на Гостивар, е да се заштеди во време на криза кога сметките за струја се неколкупати повисоки.

Идејата е со оглед на тоа што сметките за енергија годинава се три до четири пати повисоки од лани, месеците кога е најстудено, јануари и декември, годишниот распуст да трае два месеци или да се разгледа опцијата за дигитални алатки, со цел да заштедиме енергија. Или распустот да биде во јануари-февруари или декември – јануари, а учебната година да продолжи до 30 јуни и да почне на 15 август“, изјави Таравари, пренесе Алсат ТВ.

Ова барање од Советот на Полошкиот регион, во кој спаѓаат девет општини, го упатуваат во Министерството за образование и наука (МОН) и Заедницата на единиците на локалната самоуправа (ЗЕЛС).

The post Таравари: Распустот да биде во јануари-февруари или декември-јануари, а учебната година да продолжи до 30 јуни и да почне на 15 август appeared first on Република.

Владата попладнево на трета седница донесе одлука за утврдување на бројот на наставните денови во учебната 2021/2022 година во основните училишта во услови на вонредни околности.

Како што информира владината прес-служба, со одлуката бројот на наставните денови во учебната 2021/2022 година во основните училишта во услови на вонредни околности се утврдува на 172 наставни денови, што значи дека зимскиот распуст на учениците ќе трае до 1 февруари 2022 година, а учебната година ќе заврши на 10 јуни 2022 година.

Одлука со истата содржина е донесена и за средните училишта, што значи дека и во овие образовни институции бројот на наставните денови во учебната 2021/2022 година во средните училишта во услови на вонредни околности се утврдува на 172 наставни денови односно 158 наставни денови за завршната година на средното образование, зимскиот распуст на учениците ќе трае до 1 февруари 2022 година, а учебната година ќе заврши на 10 јуни, наведува прес-службата во соопштение.

Одлуката за одложен почеток на второто полугодие во основните и средните училишта за 1 февруари годинава беше донесена вчера на седница на Владата, по препораката на Главниот координативен кризен штаб согласно епидемиолошките информации дека земјата се наоѓа во пик на заразата.

Со денешната одлука се овозможува соодветна адаптација на наставните програми со цел запазување на датумот 10 јуни како краен рок за завршување на учебната година, информира прес-службата.

The post 158 за матурантите, 172 наставни дена за останатите ученици – Владата со одлука за учебната година appeared first on Република.

Почетокот на второто полугодие во основните и средните училишта се одложува за 1 февруари годинава. Ваквата одлука Владата ја донесе по препорака на Главниот координативен кризен штаб и согласно епидемиолошките информации дека земјата се наоѓа во пик на заразата.

Како што соопштија од Министерството за образование и наука (МОН), согласно одлуката, наставата со физичко присуство во училиштата продолжува на првиот ден од месец февруари.

Оваа одлука нема да влијае на крајот на учебната година и таа ќе заврши на 10 јуни како што е предвидено во календарот за наставната програма за основно и средно образование, со соодветна адаптација на наставните планови - посочуваат од МОН.

Оттаму апелираат до родителите, наставниците и учениците и за време на продолжениот распуст максимално да се придржуваат до мерките и препораките за заштита од Ковид-19, во домашни услови и на отворено.

The post Почетокот на второто полугодие одложен за 1 февруари, но нема да се продолжи учебната година appeared first on Република.

Зимскиот распуст на учениците треба да се продолжи за две недели, а потоа децата да тргнат на училиште без маски, изјави проф. д-р Никола Пановски за Канал 5.

Треба да се скрати периодот на изолација. Според него треба да бидеме и првите што ќе ги укинат сертификатите бидејќи и вакцинираните го шират вирусот, рече Пановски.

The post Пановски: Зимскиот распуст да се продолжи за две недели appeared first on Република.