Солт Лејк Сити ќе биде домаќин на Зимските олимписки игри во 2034 година официјално објави денес Интернационаен олимписки комитет (ИОК) во Париз.

Зимските игри во пак 2026 година ќе се одржуваат во Италија, во близина на Милано, од 6 до 22 февруари 2026 година во три различни региони и многу локации, со италијанските градови Милано и Кортина д’Ампецо како главни центри на игрите. Ова ќе бидат четврти Олимписки игри чии домаќини се Италија, која претходно беше домаќин на Зимските олимписки игри 2006 година во Торино, Зимските олимписки игри во 1956 година во Кортина д’Ампецо и Летните олимписки игри во 1960 година во Рим. Олимписките игри во Милано и Кортина д’Ампецо ќе бидат први Олимписки игри во кои официјално ќе учествуваат повеќе градови домаќини и ќе бидат први Зимски олимписки игри од Сараево 1984 година каде церемониите на отворање и затворање ќе се одржат на различни места. Настани ќе се одржат и во седум други северно-североисточни италијански градови. Игрите ќе ја одбележат 20-годишнината од Зимските олимписки игри во Торино, 70-годишнината од Зимските олимписки игри во Кортина д’Ампецо.

Лос Анџелес ќе биде домаќин на Летните игри во 2028 година од 14 до 30 јули. Лос Анџелес претходно беше домаќин на Олимписките игри во 1932 и 1984 година, придружувајќи им се на Париз и Лондон како единствени градови кои беа домаќини на три олимпијади.

The post Солт Лејк Сити домаќин на Зимските олимписки игри во 2034 appeared first on Република.

Претседателот на Шведскиот олимписки комитет, Ханс фон Утман, најави можна кандидатура за домаќин на Зимските игри во 2030 година.

Според него, четири месеци се изготвувала физибилити студија која покажала можност за организирање натпревари во Стокхолм.

Главниот град на Шведска беше домаќин на Олимпијадата во 1912 година.

Нашето прелиминарно истражување сугерира дека Шведска има способност, технологија и желба да биде домаќин на Зимските олимписки игри во 2030 година, изјави Фон Утман.

Местото за игрите во 2030 година треба да биде избрано во 2024 година.

The post Шведска сака да ја организира Зимската олимпијада во 2030 година appeared first on Република.

Додека се во тек Зимските олимписки игри на кои и Македонија е учесник со тројца претставници кај нас се појавија еден бизарен проблем.

На социјалните мрежи со соопштение се огласи тренерот во нашата олимписка експедиција, Антонио Ристевски кој е еден од најдобрите скијачи кои Македонија ги имала, а сега водач на најдобриот наш скијач во моментов Дардан Дехари.

Скијачката федерација на Македонија му испратила допис на Ристевски дека може да биде отпуштен затоа што не се појавувал на работа.

СООПШТЕНИЕТО НА РИСТЕВСКИ:

Повод за ова мое емотивно обраќање од ЗОИ во Пекинг е големото лично разочарување што македонскиот спорт повторно губи од кусогледи епизодисти залутани во спортските федерации. Затоа, однапред се извинувам на јавноста што сум принуден ова да го сторам среде ЗОИ. Наместо “спортот на спортистите” испадна “спортистите аут од спортот”. Јас како најдобриот македонски алпски скијач и олимпиец на сите времиња, со кариера повеќе од 20 години доживеав да се правдам заради тоа што сум тренер на најдобрите македонски алпски скијачи, кои оваа сезона покажаа одлични резултати заради кои заедно допатувавме во Пекинг. Замислете, целата јавност знае дека сме на ЗОИ само г-дин Огњан Циговски не знае! Го пишувам ова јавно бидејќи сум огорчен. 11 месеци трпам тортура, а надлежните државни институции се неми за нечие самовластие. Цел овој период и живеев со целиот тој стрес секој ден во ИНТЕРЕС НА МАКЕДОНСКИТЕ СКИЈАЧИ И МАКЕДОНСКИОТ СПОРТ, пред се поради олимписките квалификации и Олимписките игри во Пекинг 2022. Целата оваа фарса против мене, мојот клуб и мојата должност како главен тренер на алпските репрезентации во Скијачката Федерација и најдобрите македонски алпски скијачи е јасна, сакаат да ме отстранат од спортот. Едноставно мојот спортски габарит е преголем за нечија неспособност и малодушност. Ама и тоа не е проблем, јас на оваа позиција дојдов со искуство , резултат, способност и знаење, а не како некои кои сега се замислуваат дека се спортска власт и одлучуваат за спортските судбини. Јас имам каде да одам и што да правам во овој спорт, ама г-дине Циговски вие ќе останете сам во таа федерација. Можеби тоа и е вашата цел. Како што сте тргнале ќе бидете запомнети како гробари на македонското спортско скијање. ПА ДА ВИ КАЖАМ , ЈАС бев и сум на ЗОИ во Пекинг заедно со Дардан, каде гордо и достоинствено ја претставуваме нашата Држава. Ние ќе бидеме светлата страна на историјата. Тоа не може да го избришете со мејлови, закани, препорачани писма, забрани за тренинг на “вашето Маврово”….можеби можете да ме избркате од работа, но спортската душа никогаш нема да ми ја одземете!!!

The post Скијачката федерација го прашува зошто не се појавувал на работно место, а тој е на Олимпијада appeared first on Република.