Пратеник, Зијадин Села и коалициски партнер на ДУИ во Европскиот фронт ги негира информациите дека ја напушта коалицијата. Вели дека неговата партија е сериозен политички субјект, обвинувајќи дека ваквите „спинови“ доаѓаат од кујните на Вреди.

Села смета дека во Македонија ќе има предвремени избори и дека тие сега се насочени кон политичко дејствување и кон разговори со Албанците и другите заедници за последните случувања во државата.

Гласините за напуштањето на Алијансата на Села на Европски фронт доаѓаат по одлуката на пратеникот и лидер на ДПА, Мендух Тачи да излезе од коалицијата. Тачи не даде конкретно објаснување зошто го презема овој чекор но оцени дека ДУИ ја поразила коалицијата ВЛЕН во секоја смисла и оти нема сомнеж дека ДУИ е политичка сила во земјата.

Од друга страна пак за актуелната Влада посочи добила силен удар кога ЕУ ја одвои Македонија од Албанија на патот кон интеграција на земјата во ЕУ.

The post Села не го напушта Европскиот фронт, тврди дека ќе има предвремени избори appeared first on Република.

Лидерот на Алијанса за Албанците, Зијадин Села на својот Фејсбук профил објави честитка до Албанија за отворањето на преговорите во Европската Унија.

„Денеска е голем ден за Албанија, граѓаните на Албанија и сите Албанци насекаде се среќни. Срдечни честитки до граѓаните, политичката елита, премиерот Еди Рама и сите кои придонесоа да се дојде до овој ден, отворање на преговорите со Европската Унија.Лидерот на Алијанса за Албанците, Зијадин Села на својот Фејсбук профил објави честитка до Албанија за отворањето на преговорите во Европската Унија.

Овој ден е важен за иднината на регионот и на Балканот воопшто. Европската перспектива е единствениот пат од кој не се осмелуваме да се движиме и покрај авантурите на некои политичари и национализми кои продолжуваат да ги држат во заложништво соништата на граѓаните за европска иднина.

Бескрајно благодарни за солидарноста на Албанија со Македонија, која со години остана со нас, жртвувајќи и губејќи години чекајќи да го направиме ова патување заедно. Благодарност до премиерот Еди Рама кој и денеска ја потврди оваа солидарност со тоа што нивната прослава ја претвори во кампања за сензибилизација на Cеверна Македонија.

Неговата визија треба да послужи како пример што треба да го следат и политичарите во нашата земја, кои за жал се чини дека останаа заложници на минатото и конфликтите со соседите“, пишува Села.

The post Села: Честитки до Албанија – денеска е голем ден appeared first on Република.

Ќе искористам една реченица која ја прочитав неодамна – Македонија е остров на рационалност, ама и океан на лудило и забеганост. Вака поранешниот премиер и лидер на СДСМ Зоран Заев во изјава за „Фокус“ одговара на обвинувањата на Зијадин Села од Европскиот фронт, кој во интервју за „Фокус“ рече дека Заев му дозволил на Никола Груевски да ја напушти државата поради високиот рејгинг, а на последните избори дејствувал во корист на Христијан Мицкоски да постигне апсолутна победа.

Колку треба човек да е желен за власт за да може да каже вакви забегани и налудничави работи. Зарем има нормален човек кој може да поверува дека Зоран Заев може да биде против СДСМ? Повеќе од 9 години сум бил претседател на СДСМ и повеќе од 7 години потпретседател на СДСМ. Со мене на чело два пати ја донесовме СДСМ на власт. Нема потреба да потсетувам што се сум поминал јас и моето семејство, како и многу други истомисленици од „раката“ на ВМРО-ДПМНЕ последните 25 години. Доволно е 27-ми април 2017-та само да го споменам. Човек што може да истреска такви забегани и налудничави работи во само едно интервју не е достоен ниту да биде тужен од мене. Тој човек другите го знаат веќе каков е, ама добро и сам себе да се погледне и да заклучи дали треба или не треба да се занимава се уште со политика. Ако замина и повторно се врати во политика за да зборува вакви небулози, подобро за него ќе беше да не се враќа никогаш повеќе во политика.Кога го читав тоа што го изјавил за мене, си помислив дај Боже да не е човекот ваков од пресилните удари од вмровците инструирани и организирани од Груевски на 27-ми април 2017-та година. И после 3 години како сум заминат од политика, моето име и името на моето семејство вмровците го напаѓаат повеќе отколку на двајцата претседатели на СДСМ што се после мене, реагира Заев.

The post Заев за Села: Дај боже да не е човеков ваков од пресилните удари од 27 април appeared first on Република.

Продавање магла е предлогот на Зијадин Села Уставниот суд да одобрува одлуки со Бадентерово мнозинство или двојно гласање за да се избегне прегласување по етничка основа, смета Арбен Таравари.

„Јас, господине Села и господине Ахмети, не разбирам зошто сега ви текна дека треба да има бадентер во Уставниот суд. Господинот Села, како близок пријател на господинот Ахмети, имаа апсолутна, локална и централна власт веќе 22 години. Зошто не донесоа закон уредно за албанскиот јазик? Зошто не го донесоа да се гласа во Уставен суд? Сега ви текна? Да ви дадеме уште 22 години да направите такво нешто? Зошто не го направија тоа до сега? Значи, продавањето магла и филозофија е многу лесно. Имаа моќ и не направија ништо“, вели Таравари за „Алсат М“.

Одлуката на Уставниот суд за „Балансерот“ ДУИ ја оцени како директно прекршување на клучните одредби од Уставот“ и смета дека со неа „се загрозуваат темелите на нашето мултиетничко општество“.

„Со оваа одлука се нарушува правичната застапеност на Албанците во државните институции, односно нема повеќе работа за Албанците. Поради тоа, ДУИ апелира за итно преиспитување на оваа одлука, со цел да се заштити интегритетот на уставниот поредок и да се обезбеди принципот на правична и соодветна застапеност да остане ефективен и применлив во практика“, велат од ДУИ.

The post Села продава магла со предлогот за Бадинтер во Уставниот суд, смета Таравари appeared first on Република.

Скандалозна е вчерашната одлука на Уставниот суд во врска со „балансерот“. Ова е обид да се суспендираат сите одбранбени механизми кои се градени низ овие години, а имаат за цел да ги заштитат правата на граѓаните. Со „удирањето“ по балансерот се нарушуваат основните човекови права на граѓаните на оваа држава, изјави претседателот на Алијанса за Албанците Зијадин Села.

Тој денеска на прес-конференција во Собранието посочи дека треба да се стави крај на етничкото гласање кое вчера се случило во Уставниот суд .

-Одлука што се донесе вчера во Уставниот суд е резултат на најавата пред две години од страна на сегашниот премиер, а тогашниот лидер на македонската опозиција Христијан Мицкоски, кој уште тогаш изјави дека разговараат за укинување на „балансерот“. Нормално дека ние како Алијанса за Албанците нема да седиме без да преземеме мерки. Итно треба да се стави крај еднаш засекогаш на етничкото гласање што се случи вчера во Уставниот суд, бидејќи не може да се укинат закони донесени со Бадентер од страна на некој судија кој е воден од фактот дека припаѓа на одредени етничка заедница. За донесување на овој Закон биле потребни компромиси, дебати и веќе е прифатен од граѓаните, рече Села.

Тој смета дека минимум што во ваква ситуација треба да се случи е да се донесе закон според кој за сите закони донесени со Бадентер, Уставниот суд треба исто така да одлучува со Бадентер.

-Ние протестираме, а исто така и граѓаните треба да протестираат заедно со нас и да го решиме овој проблем еднаш засекогаш. Ова беше очекувано, бидејќи најавата за овој исход што се случи во Уставниот суд доаѓа од челниците на Влен. Целта е да ја легитимираат секоја политичка постапка која ВМРО-ДПМНЕ ќе ја прави и со нивното присуство во таа власт да ги легитимираат ваквите односи. Јас имам порака до нив - штета која ја прават за ова општество е многу голема. Им препорачувам да направат чекор назад и да почнат да размислуваат не само за нивните интереси, туку и за доброто на сите граѓани, додаде Села.

Тој додаде дека биле потребни години за да се изгради внатрешна кохезија, а потребна е само една одлука таа внатрешна кохезија постепено да почне да се руши.

-Мојот апел до нив е придонесат кон градење на Македонија за сите граѓани, а да ги прифаќаат националистичките повици на Христијан Мицкоски и ВМРО-ДПМНЕ „Македонија повторно само за Македонците“. Ваквите чекори и ваквите одлуки се само обиди за градење на моноетничка држава во една мултиетничка реалност. Тоа не е добро на кој било граѓанин, без разлика на етничката припадност, рече Села.

На новинарско прашање за коментар околу случаите на често злоупотребување на „балансерот“, тој одговори дека тој се злоупотребувал, но тоа не значи дека треба да се укине туку треба да се преземат мерки за да не се злоупотребува, потенцирајќи дека од претходниот министер од Алијанса за Албанците имало обиди да се стави крај на злоупотреба на балансерот.

Тој потенцираше дека треба да се воведе Закон за правична застапеност, со кој ќе се почитуваат сите етнички заедници и да се предвиди полова еднаквост и уште едн категорија на граѓани - социјални случаи и лица со посебни потреби, а прашан дали овој Закон ќе го поддржи доколку е предложен од Влен, одговори дека ќе дадат поддршка на секој закон за кој сметаат дека е добар.

Уставниот суд вчера на седница расправаше дали со наведувањето на припадноста на заедницата којашто е потребна за пополнување на секое работно место, на кандидатите за административни службеници им се ограничува достапноста на секое работно  место, односно дали со „обврска на кандидатите за админстративни службеници во пријавата за вработување меѓу останатите лични податоци да наведат и припадност на заедница“ се  нарушува начелото на стручност и компетентност и се повредува и уставно загарантираното право на работа и слободен избор на вработување.

The post Села: Со укинување на „балансерот“ се нарушуваат основните човекови права appeared first on Република.

Уште пред да поминат 100 дена, моноетничката и нелегитимна Влада го доби најтешкиот удар што го има Европската Унија, и тоа по вина на албанските партии кои во исто време ги демантират своите проевропски заложби, велат од Алијансата за Албанците по назначувањето на Афрона Вервизоли како ревизорка на ИПА фондовите без да поседува лиценца.

„Назначувањето на непрофесионален, несоодветен кадар, без потребните подготовки и без потребните сертификати, задолжена за ревизија за ИПА фондовите, ризикува земјата да загуби еден од најважните инструменти за спроведување и развој на реформите и европските стандарди“, се вели во соопштението на Алијансата.

Опозициската партија е децидна дека аматеризмот на партиите кои ги загубија изборите, немањето основни познавања во владеењето и особено во евроинтеграцискиот процес, ги прави овие партии најголем ризик за европската иднина на земјата.

Според партијата не е довлно само разрешувањето на, како што велат, глабната ревизорка, туку за ова некој треба да сноси и одговорност, односно министрите Орхан Муртезани и Арбен Фетаи, едниот одговорен за евроинтеграции, а другиот за добро владеење.

„Ваквите авантури, нивната желба за партизација и заробување на значајни институции од страна на партиски милитанти, непочитување на стандардите и законите, сериозно го нарушуваат имиџот на државата и евроинтегративниот процес, кој и така е нарушен и загрозен со други постапки на Владата кои се случија од првиот ден од нивното доаѓање. Повеќе од месец и половина од изборот на Владата, оваа коалиција и нанесе голема штета на државата за што ќе треба време да се санират. Ги повикуваме партиите што ги загубија изборите да си заминат пред да се направи повеќе штета и пред да биде доцна за се“, се вели во соопштението.

Десет дена откако ја назначи Вервизоли за главен ревизор за ИПА фондовите, Владата најави дека утре ќе ја разреши од оваа функција. Таа нема ревизорско искуство, ниту соодветен ревизорски сертификат. Коалицијата „Вреди“ чијшто кадар е Вервизоли соопшти дека привремено ќе понуди нејзина замена, додека таа го добие соодветниот сертификат.

Според праавилата на ЕУ, покрај законскиот услов да поседува уверение за стекнато звање од областа на ревизијата, ревизорот треба да поседува соодветна стручност, знаење и искуство во областа на ревизијата за да ги извршува бараните задачи. Од она што досега е познато Вервизоли нема искуство во ревизија и работела во банка.

The post Не е довлно разрешувањето на ревизорката, министрите да сносат одговорност, порача Алијанса за Албанците appeared first on Република.

Алијансата на Албанците предводена од Зиадин Села денеска ќе го одржи четвртото Собрание.

Пред почетокот и по завршувањето на Собранието, најавена е изјава претседателот на партијата Села.

Алијансата на Албанците пред изборите се подели. Дел од членството предводено од Села на изборите учествуваше со коалицијата предводена од ДУИ, додека другиот дел предводен од сегашниот министер за здравство Арбен Таравари беше дел од коалицијата Вреди, и стана дел од владејачкото мнозинство.

The post Алијанса на Села ќе го одржи четвртото Собрание appeared first on Република.

Репрезентацијата на Албанија има поддршка и од политичарите од албанско етничко потекло од Македонија. Па така, во Германија на Европското првенство отпатуваа некогашниот прв вицепремиер Артан Груби и лидерот на Алијанса за Албанците Зијадин Села.

[caption id="attachment_788313" align="alignnone" width="380"] фото Скопје 1[/caption]

Тие во албански дрес навивата за својата, албанска репрезентација.Стајлинот на Села беше збогатен и со кече.

Поддршка за репрезентација како „наш национален тим“ дадоа и Билал Касами и Арбен Таравари.

The post Груби и Села во Германија навиваат за својата, албанска репрезентација appeared first on Република.

Алијанса за Албанците предводена од Зијадин Села, како дел од Европскиот фронт, преку кусо соопштение ја иронизира изјавата на градоначалникот на Гостивар, Арбен Таравари дека ќе стане министер ако деновиве се донесат законски измени со кои до редовниот термин за локалните избори в година, не би се одржaле избори за градоначалник во Гостивар и другите општини каде ќе се испразни првата општинска функција. На Таравари му порачуваат користејќи ја често неговата изрека: „Не бе друже, не е вистина/научна фантастика е“.

Вистината за лажните моралисти е дека тие ќе се повлечат од функцијата градоначалник бидејќи ВМРО-ДПМНЕ им вети законски измени. Со тоа, за неколку дена, законот ќе се промени и наместо предвремени избори на локално ниво, ќе имаме вршители на должност до редовните локални избори. Другите изјави се само за пропаганда и измама на соработниците. Ќе видиме уште еднаш дека од професори како Намик Дурмиши, заменик-градоначалник, на кои им припаѓа да ја водат Општина Гостивар, ќе биде побарано да се повлечат бидејќи не се соодветни за ВМРО. *Не бе друже, не е вистина/фантастика е“, се вели во реакцијата од таборот на Села.

Инаку, Таравари, чие име фигурира како иден министер за здравство, вчера во изјава за медиумите рече дека уште размислува дали да ја прифати таа функција или да остане градоначалник на Гостивар. Смета деке не е фер граѓаните сега повторно да излегуваат на избори и в година повторно на редовни избори.

Дилемата е дали вреди да се оди за една година двапати на избори? 35.000 луѓе во Гостивар да излезат да гласаат во ноември оваа година и во октомври следната година, мислам дека е нечесно. Така што, ако остане актуелниот Закон за локална самоуправа, јас ќе останам тука. Единствената причина што ме колеба е таа дека не би сакал граѓаните да ги малтретираме за неполна година двапати да излезат да гласаат, изјави Таравари по средбата со австрискиот амбасадор Мартин Памер.

Одлуката тој ја најави за во понеделник. Доколку стане министер, вели дека би требало да го замени еден од советниците во општината, но смета дека претседавачот на Советот, Ваљбон Лимани е добро решение.

The post Не бе друже Таравари, научна фантастика е ем да си министер, ем да раководиш со Гостивар, порача АА на Села appeared first on Република.

За коалицирањето со ДУИ Зијадин Села вели дека по случувањата во партијата на располагање имале две можности – или да не одат на избори или да коалицираат. Можноста да не настапат на изборите, според Села, не доаѓала предвид затоа што, вели, тоа би им одело во прилог на сите политички поединци и партии кои сакаат да ја снема Алијанса за Албанците од политичката сцена, а тој тоа нема да го дозволи. Одлуката да коалицираат со Европскиот фронт, како што посочува, била донесена на Централното собрание.

- Во политиката секогаш велам дека носиш одлуки со политичките алатки што ги имаш во моментот. Јас не можам да донесам одлука со политичките алатки кои ги имав пред една година, бидејќи веќе ги немам. Во моментот кога требаше да одлучиме како АА, имавме само две можности – да не учествуваме на изборите бидејќи немавме можност, немавме печат или да се приклучиме кон една коалиција. И тоа беше одлуката донесена од страна на Централното собрание на партијата да се приклучиме на коалицијата „Европски фронт“, посочува Села за МИА.

The post Села вели дека едноставно морал да комуницира со ДУИ appeared first on Република.

Крилото на Алијанса за Албанците предводено од Арбен Таравари денеска на прес-конференција истакна дека групата на Зиадин Села ги искористила сите правни механизми за да промени тројца судии од Основниот суд во Тетово додека не успеале да најдат судија кој ќе пресудил во нивна корист во спорот за сопственоста на печатите на партијата.

Како што поочи портпаролот на крилото на Таравари, Блеронт Рамадани, донесената пресуда наместо прво да ја добие правниот застапник на партијата, била објавена во јавноста од медиуми блиски до ДУИ.

„Вчера бевме сведоци на вест дека печатите на Алијансата на Албанците ѝ припаднале на незадоволната група која реши да ја напушти Алијансата на Албанците и да се спои со ДУИ. Оваа вест излезе во јавноста пред за неа да биде известен правниот застапник, а како таква први ја објавија медиумите блиски до ДУИ. Незадоволната група која заврши во ДУИ ги искористи сите механизми на моќта и смени три судии сѐ додека не успеаја да го најдат својот омилен судија кој неправедно можел да ја заврши работата“, изјави портпаролот Рамадани.

Правниот застапник на крилото на Алијанса за Албанците предводено од Арбен Таравари, адвокатот Абидин Абдули, коментирајќи ја одлуката на тетовскиот суд, рече дека на неа ѝ претходело изземање на тројца судии кои требало да го водат предметот.

„На оваа одлука ѝ претходеше изземање на тројца судии. Првин предметот беше определен кај единствениот судија во Основниот суд во Тетово кој е надлежен да постапува по предметите на политичките партии, судијката Бојана Тоиќ, меѓутоа другата страна бараше нејзино изземање со образложение дека премногу бавно се работел предметот. Претседателот на судот, кој го уважи ова барање заборава дека предметите во Основниот суд Тетово се закажуваат и после шест месеци па и повеќе и не се процесираат со месеци и години. После тоа предметот беше доделен кај судијката Тодора, па и кај неа имаше барање за изземање со образложение дека претседателот Арбен Таравари бил близок пријател со братот на судијката, иако тој бил починат пред 4 години. После тоа предметот беше доделен кај судијката Јасмина, која под очигледен притисок, дента кога го прима предметот, отвара боледување и така предметот стигнува до судијата Илир Реџепи“, посочи адвокатот Абдули.

Тој кажа и дека судечкиот судија во предвид не зел ниту еден доказ доставен од правниот застапник на крилото на Таравари и обвини дека најверојатно одлуката е донесена надвор од судот. Тој исто така посочи дека одлуката на судот не е конечна и дека во зададениот рок, кој изнесува 15 дена, ќе се поднесе жалба на изречената пресуда.

„Оваа одлука ќе ја обжалиме во Апелациониот суд во Гостивар, а ќе ги разгледаме и сите можности за кривична и процедурална одговорност на претседателот на Судот и на судечкиот судија“, додаде тој.

The post Рамадани: Сменети се тројца судии за да се најде судија кој ќе пресуди во корист на Села appeared first on Република.

Зијадин Села од Алијанса за Албанците (АА) ќе биде носител на пратеничката листа во Изборната единица 5 како дел од коалицијата „Европски фронт“ предводена од ДУИ соопшти лидерот на ДУИ, Али Ахмети, по потпишувањето на коалицискиот договор со Движењето на Турците на Македонија за правда и демократија, пренесува МИА.

Ахмети ги објави имињата на носителите на листи за пратеници во две избори единици. Носител во Петтата изборна единица ќе биде Зијадин Села, додека пак во Третата, Сулејман Баки од Движењето на Турците на Македонија за правда и демократија.

Лидерот на ДУИ го промовираше Села како носител на пратеничка листа уште пред да биде официјализирана соработката со Алијанса на Албанците во рамките на коалицијата „Европски фронт“.  Ахмети најави дека утре (30 март) во 21 часот во Гостивар ќе ја официјализираат соработката со потпишување договор за коалицирање со Алијансата за Албанците крилото на Зијадин Села.

Досега на „Европскиот фронт“ предводен од ДУИ и се приклучија ДПА, Европската демократска партија, Народното движење, Алијансата за Албанците крилото на Зијадин Села, Унијата на Ромите, Демократската партија на Турците.

The post Села се најде на листата на ДУИ, ќе ја предводи листата во ИЕ5 appeared first on Република.

Европскиот фронт предводен од ДУИ се проширува. По Демократската партија на Турција во него денеска се приклучија таборот на Зијадин Села и Унијата на Ромите. За Арбен Таравари сите партии кои потпишале договор со Ахмети ќе се претопат во ДУИ, објави Глас.мк.

Таборот на Зијадин Села донесе одлука да се приклучи на Европскиот фронт предводен од ДУИ. Со овој фронт Алијансата за Албанците по изборите ќе има парламентарна група и ќе биде клучен фактор за промените во државата, рече Села

Арбен Таравари пак кој денеска го презентираше како што рече вториот дел од претседателскиот кабинет, кажа дека и претходно со негови истомисленици, имале сомнеж дека одредени функционери од неговата партија се приближувале до ДУИ. Тој на Зијадин Села и неговите приврзаници му го понуди печатот и логото на партијата, но под услов да не завршат во коалиција со ДУИ.

The post Села оди во коалиција со Ахмети appeared first on Република.

Некогашните блиски соработници Зијадин Села и Арбен Таравари, кои преку ноќ станаа лути противници, што предизвика раскол во Алијанса за Албанците, имале тет-а-тет средба после внатрепартиските превирања, на која разговарале за поделба на дел од партискиот имот, објави „Фокус“

Повикувајќи се на високи партиски извори, порталот пишува дека двајцата се договориле Села да ги задржи партиските возила и средствата на сметка, додека дошло до поделба на штабовите, така што партискиот штаб во Скопје му припаднал на Села, а штабот во Тетово на Таравари.

Она за што немало договор е кому да ми припадне партискиот печат и бренд, што ќе зависи од правната разврска која веќе е покрената во тетовскиот суд, откако двете страни одржаа паралелни седници на Централното собрание и на Конгресот, тврдејќи дека го имаат легитимитетот и легалитетот.

Како што е познато, партијата се подели откако лидерот Таравари одлучи преку фејсбук да соопшти дека по низата средби што ги имал со претставници на политичките партии и дипломатската заедница, одлучил да и се придружи на албанската опозиција, бидејќи, порача тој, граѓаните сакале промена.

Во однос на тоа, реагираше неговиот претходник Села, кој истакна дека партијата имала формална одлука за самостоен изборен настап, но Таравари не ја испочитувал оваа одлука и без никаква консултација со партиските врв и органите решил на своја рака да соопшти лична одлука преку социјалните мрежи.

The post Кому ќе му припадне печатот во Алијанса – по превирањата, Села и Таравари имале средба за поделба на имот appeared first on Република.

Откако сегашниот и поранешниот лидер одржаа конгреси на крајот Управниот суд ќе одлучи кој е претседател на Алијанса за Албанците. Довчерашните пријатели, Зијадин Села и Арбен Таравари се сменија еден со друг и двајцата тврдат дека се легитимни претседататели на партијата. Вчера делегатите со 591 глас, го избраа Зијадин Села повторно да ја води партијата.

Во петокот пак, исто така на вонреден конгрес на кој присуствуваа 421 делегат, крилото на Арбен Таравари го разреши Зијадин села од функцијата претседател на Централното претседателство и го реизбраа за лидер на Алијанса за Албанците.

Како што тврдат двете крила двата партиски печати се кај  се кај двајцата претседатели.Се  очекува да се поведе судска постапка пред Управниот суд  за тоа кој ќе располага со нив односно и  кој ќе биде легитимен претседател на партијата.

Расколот во Алијанса почна поради тоа што Таравари донесе одлука на изборите да оди со албанската опозиција, додека Села смета дека партијата треба да има самостоен настап.

The post Откако Села и Таравари се разрешија еден со друг: Управен суд ќе одлучи чија е Алијанса за Албанците appeared first on Република.

Зијадин Села е избран за претседател на Алијансата на Албанците, а од функцијата е разрешен Арбен Таравари, велат од крилото на Села по денешниот вонреден на партијата. Според Села, денешниот конгрес бил свикан според одлуката на Централното собрание на партијата на кое беше донесена иницијатива за разрешување на Таравари, а во него учествувале 591 делегат од вкупно 837 колку што има партијата, со што можело легално да се носат одлуки со просто и двотретинско мнозинство.

Со предлог на ограноците на Алијансата за Албанците на денешниот конгрес статутарно е одлучено јас да бидам единствен кандидат за претседател на партијата што јас го прифатив. Ние сме во ситуација во која не воведе поранешниот претседател, но ги уверувам граѓаните и членовите на Алијаса за Албанците дека ќе станеме уште појаки и уште поконкурентни за да излеземе и да се соочиме и со граѓаните на претстојните избори и да победиме на тие избори, изјави Села по завршување на конгресот.

Прашан кој е сега легален претседател на партијата, Села одговори дека тоа е оној претседател кој се избира така како што пишува во Статутот на партијата и додаде дека правото за да биде избран или разрешен го има членството на партијата и органите на партијата, а не Таравари или Села. Го обвини Таравари за низа прекршоци почнувајќи од етичкиот кодекс на партијата, а завршувајќи со статутот кој, како што кажа, е прекршен во неколку членови.

Денеска јас не разрешував никого туку бев само еден од тие што гласа. Легален претседател е оној претседател што се избира таму каде што се дава одговорност и од претседателот на партијата и од кој било друг избран од функционерите од Алијансата за Албанците. Минатата недела ние имавме Централно собрание каде претседателот на партијата одлучи да не дојде и да избега од одговорност. Централното собрание е органот кој одлучува и донесе иницијатива за одржување на овој вонреден четврти конгрес. Затоа сме денеска тука за да го испочитуваме тоа што е напишано во Статутот на партијата и денеска Конгресот одлучи со 591 глас да се разреши господинот Таравари од функцијата претседател на партијата, рече Села.

Го повика Таравари да ја почитува одлуката што ја донесе Конгресот и, како што рече, да се врати во она што значи органи на партијата и да почне да го почитува Статутот.

На прашањето дали Алијанса за Албанците самостојно ќе настапува на претстојните претседателски и парламентарни избори и дали ќе има свој кандидат за претседател на државата, Села рече дека одлука за тоа ќе носат Централното собрание и Централното претседателство, а медиумите навреме ќе бидат известени за тоа.

Денеска е денот кога Алијанса за Албанците се враќа во структурите и се враќа себе си. Последните месеци за жал Алијанса за Албанците беше пазар за поткусурување за други политички партии. Во тоа е и одговорот зошто не се свикаа органите на партијата – Централното претседателство каде треба да се соочиш. Од денеска се враќаме на органите на партијата, почнувајќи од Централното собрание, Централното претседателство каде ќе имаме одлуки за кои ќе бидете известени, потенцира Села.

Во петокот во Скопје конгрес одржа крилото на Алијансата за Албанците предводено од Арбен Таравари, а тој беше реизбран за претседател на партијата.

Расколот во партијата почна откако Таравари објави дека ќе ја поддржи албанската опозиција на изборите, а Села рече дека партијата не е консултирана и дека тие ќе одат на избори самостојно.

https://republika.mk/vesti/makedonija/kriloto-vo-aa-na-taravari-ja-poddrzha-negovata-kandidatura-za-pretsedatel-i-koalitsijata-so-esp-i-gi-ponishti-odlukite-na-sela/

The post Села вели неговиот конгрес е легитимниот, не кажа што понатаму околу престојните избори appeared first on Република.

Арбан Таравари, кој се уште е лидер на Алијанса за Албанците, за вечерва закажа конгрес на партијата.

Тој на конгресот сака да го разреши Зијадин Села, кој е поранешен претседател на партијата и актуелен прв човек на Централното собрание.

Во партијата, која е дел од владејачкото мнозинство, има раскол, откако Таравари се приклони кон партиите кои се дел од албанскиот опозициски блок. Тој вчера најави и дека ќе биде кандидат на албанската опозицијата за претседател на државата.

Зијадин Села се спротивстави на идеите на Таравари и минатиот викенд иницираше негова смена. Села за в недела (18 февруари) закажа конгрес на кој ќе се расправа за разрешување на Таравари.

По расколот во Алијанса беа сменети двајца министри, кои се од крилото на Таравари, министерот за здравство Фатмир Меџити и за администрација Азир Алиу.

Приврзаниците на Таравари, денеска на прес -конференција обвинија дека Села на собирот минатиот викенд го прекршил партискиот статус и дека затоа одлуките што ги донел се нелегитимни. Од крилото на Таравари велат дека печатот на партијата е кај нив, а Села немал мнозинство за разрешување на Таравари.

„Пред вас ги имам изјавите дадени во нотар од 70 членови кои изјавуваат дека не учествувале на Собранието одржано на 10 февруари годинава. Со ова можеме да заклучиме дека Собранието одржано на 10 февруари немаше доволно 2/3 да се свика Конгресот на 18 февруари, а собранието одржано на 10 февруари немаше ниту половина од членовите, така што Собранието е нелегитимно”, рече адвокатот на Алијанса за Албанците, Абидин Абдули.

Приврзаниците на Села, пак, преку соопштение велат дека сè што кажале нивните противници е невистина и е обид за манипулација.

The post Таравари свика конгрес за смена на Зијадин Села appeared first on Република.

Додека дишам нема да дозволам Алијанса за Албанците да дејствува под туѓи директиви. Арбен Таравари имаше тајни средби и со ДУИ и со албанската опозиција, но и со косовскиот премиер и е скандалозно на тие средби да не присуствува член на раководството на АА, изјави во гостување на ТВ Клан, претседателот на Централното собрание на Алијанса за Албанците, Зијадин Села. Тој повтори дека законска и статутарна е одлуката од октомври минатата година кога Централното претседателство гласаше за самостоен настап на изборите.

Таравари реши годинава да ги заобиколува партиските тела, не доаѓаше на состаноци, а одеше на тајни средби со други лидери без при тоа со него да отиде и друг член на раководството на партијата. Покажа детско однесување што не доликува на лидер. И, почна да прифаќа директиви од надвор. Скандалозно е на средба со косовскиот премиер Аљбин Курти што отиде сам, без ниту еден член на Претседателството на АА. Но додека дишам, нема да дозволам под директива Алијанса да дејствува. Ние сме сериозна партија. Самостоен настап на АА не значи дека им помагаме на ДУИ. Која е таа логика? Од друга страна, Таравари имал и преговори со ДУИ - рече Села.

Тој раскажа дека пред Нова година имал средба со претседателот на АА, Арбен Таравари во скопската клиника откако директори му јавиле дека тој е таму.

Седнавме јас и тој на една маса. Ми кажа дека имал средба со Али Ахмети, но и дека ќе разговарал со опозицијата. И, почна во разговорот да навива за понудата од ДУИ. Реков дека со Ахмети не сум разговарал за да му одговорам на тоа што ми кажа - рече Села.

Тој додаде дека коалиција со албанската опозиција не гарантира промени и останува на ставот дека е најдобро АА самостојно да се натпреварува на изборите.

Перење на мозокот е дека ако самостојно одиме на избори ѝ помагаме на ДУИ. Кој пак, верува дека претставува политичка промена изборен настап со Изет Меџити,кој беше така долго во самото раководството на ДУИ? - рече Села.

The post Села: Таравари и кај Курти отиде сам, но додека дишам нема да дозволам директиви однадвор appeared first on Република.

По околу три часа дебата на членовите на Централното собрание на Алијанса за Албанците (АА), претседателот на ова партиско тело Зијадин Села соопшти е изгласана иницијатива за разрешување на актуелниот партиски лидер Арбен Таравари. За да се одлучува за разрешувањето, пак, повика конгрес на 18 февруари.

„Како резултат и последица на оваа одлука (прифаќањето на иницијативата), другата точка беше да се оди на конгрес кој ќе се држи на 18 февруари и на кој ќе се одлучува за иницијативата што ја донесе Централното собрание на Алијанса за Албанците, а тоа е разрешување на претседателот на партијата, господинот Таравари, поради грубо кршење на статутот на партијата и тоа што треба да направи како претседател на партија“, рече Села по состанокот одржан денеска во Скопје.

Тој пред медиумите тврдеше дека мнозинството членови на Централното собрание присуствувале односно имало вкупно 108. Од нив, 106 гласале за иницијативата за разрешување, еден имало против, а еден воздржан. Таравари, како што беше и најавено, не се појави.

„Чекавме да дојде претседателот на партијата, господинот Таравари таму каде што припаѓа и каде му е местото, а тоа е на ова Централно собрание како највисок орган помеѓу два конгреси. Не дојде“, рече Села.

The post Села: Чекавме да дојде претседателот на партијата, господинот Таравари таму каде што припаѓа и каде му е местото… Не дојде! appeared first on Република.

Пратеникот на Алијансата за Албанците, Зијадин Села во изјава за медиумите истакна дека ќе гласа за разрешување на министрите за здравство и за информатичко општество и администрација, фатмир Меџити и Азир Алиу.

Да, дефинитивно го имаме мнозинството. Очекуваме да се спроведат одлуките на партиските органи.

Донесовме одлука во Управниот совет, кој истовремено е и Кадровска Комисија на партијата и денеска мора да се спроведе она што тие го видоа како одлука на Алијансата за Албанците - рече Села.

На новинарско прашање дали очекува претседателот на Алијансата за Албанците Арбен Таравари да присуствува на утрешното партиско Собрание, Села потенцира дека го поканил уредно како и сите други членови на Централното Собрание.

Го имам покането, како и секој друг член на Централното Собрание со јавна покана. Негова работа е дали ќе дојде или не. Местотo му  е да дојде таму - изјави Села.

The post Таравари повикан на утрешното партиско Собрание на АА appeared first on Република.