Ракометната федерација на Македонија денес ги исплати наградите на машката и женската сениорска репрезентација, како и за машкиот национален тим до 20 години.

Сениорите ќе поделат два милиони денари, добиени за пласманот на Светското првенство 2025 кое ќе се одржи во Хрватска, Норвешка и Данска.

Ракометарките добија исто така два милиони денари за пласманот на Европското првенство 2024 кое ќе се одржи во Унгарија, Швајцарија и Австрија.

Еден милион денари се префрлени на младинската  машка репрезентација за освоеното 9. место на Европското првенство 2024 во Словенија.

Македонската сениорска репрезентација на Мундијалот 2025 својот настап ќе го имаат во Вараждин, Хрватска и ќе разигруваат во прелиминарниот дел во групата со селекциите на Унгарија , Холандија и Гвинеја.

Женската сениорска репрезентација на Европското првенство 2024 својот настап во прелиминарната група ќе го имаат со селекциите на Унгарија, Турција и Шведска во градот Дебрецин, Унгарија

The post Ракометните репрезентативци се опарија appeared first on Република.

Женската ракометна репрезентација на Македонија до 17 години настапот на Европското првенство го завршува на 16. позиција откако денеска го претрепе и шестиот пораз на континенталниот собир губејќи од Исланд со 34-25.

Доброто отварање на натпреварот и донесе на Македонија предност од 5-1, но „црвено-жолтите“ не успеаја да ја задржат предноста. Исланд од минута во минута ја топеше предноста за во 20. минута да стигне и до изендачување, а до крајот на првото полувреме да ја превзема предноста за 14-12.

Македонките успеаја да ги консолидираат редовите на отварањето на второто полувреме во кое добрата игра донесе ново изедначување, но исландските ракометарки со серија од 5-1 одолеаја на налетот, ја вратија предноста во свои раце и истата не ја испуштија до самиот крај.

Со шест голови Ива Младеновска беше лидер на Македонија, а неа ја следеше Михаела Кралева со четири голови. Со перфектни „шест од шест“ Арна Еириксдотир беше најрасположена кај Исланд.

The post Ракометарките до 17 години поразени и од Исланд за 16. место на ЕП appeared first on Република.