Продолжува топлотниот бран на Балканот кој трае повеќе од 10 дена.

Целиот Балкан и делови од Источна Европа се под топлотен бран од почетокот на јули, а се предвидува дека горештините ќе траат уште две недели, пишува метеоролошката служба Severe Weather Europe (СВЕ).

Ова е историски топлотен бран со дневни температури кои го надминуваат прагот од 40 степени Целзиусови. Најинтензивен е на Балканскиот Полуостров и во Источна Европа. Морињата во медитеранскиот регион исто така стануваат жешки и на места достигнуваат 30 степени Целзиусови, соопшти СВЕ.

Според прогнозите на глобалните временски модели, температурите низ јужна и источна Европа во текот на јули ќе останат далеку над просекот. За Балканскиот Полуостров се предвидуваат рекордни вредности за оваа недела, пишува SWE. Температурите достигнаа над 30 степени во многу области, а во последните денови над 40 степени се регистрирани во Романија, Србија, Албанија, Бугарија, Босна и Херцеговина, Македонија и Грција.

Временска прогноза за среда, 17 јули

Времето денеска ќе биде сончево и многу топло, попладне со мала до умерена локална облачност. Во попладневните часови понекаде во планинските региони ќе има услови за краткотраен пороен дожд. Ќе дува слаб до умерен ветер од североисточен правец.

Минималната температура ќе биде во интервал од 14 до 23, а максималната ќе достигне од 36 до 42 степени. УВ индексот ќе изнесува десет.

Во Скопје времето ќе биде сончево и многу топло, попладне со мала до умерена облачност. Минималната температура ќе се спушти до 20, а максималната ќе достигне до 41 степен.

Во следните денови и понатаму ќе биде претежно сончево и многу топло со максимална дневна температура која насекаде ќе биде над 30°C, а наместа ќе надминува 40°C. До крајот на работната седмица ќе биде активно портокаловото ниво за опасност од високи температури. Во петок и за време на викендот, а особено во сабота, во попладневните часови ќе има појава на локален пороен дожд, грмежи и засилен ветер и дневната температура ќе биде во постепено опаѓање.

Јули е познат како најтопол месец на летото, но температурите деновиве и следните седум до 10 дена ќе бидат значително повисоки од просечните. Дневниот просек во многу региони ќе биде за околу 10 степени повисок од просечните, најавува СВЕ. Службата додава дека за ваквата состојба е одговорна топлинската купола.

Топлинска купола е метеоролошки феномен во кој голема маса топол воздух е заробена над одредена област, предизвикувајќи екстремни температури. Нормално, топлиот воздух, кој е поредок од студениот воздух, има тенденција да оди нагоре. Сепак, силен систем со висок притисок може да го спречи ова кревање и ширење и да го принуди топлиот воздух да остане заробен во близина на површината во одредена област. На овој начин, системите со висок притисок делуваат како капак или купола над одредена област.

Сончевата енергија ја загрева земјата, а таа загреана земја потоа го загрева воздухот над неа. Без можност за кревање и распрснување, загреаниот воздух останува блиску до земјата, каде што продолжува да се загрева. Се кондензира под куполата, и како што неговата вкупна топлина е заробена во помал волумен, неговата температура дополнително се зголемува.

Високиот притисок го спречува и формирањето на облаци и врнежи, што значи дека просторот под термалната купола останува сув и сончев, што пак дополнително ја зголемува температурата.

Еден од екстремните примери на топлинска купола се случи во 2021 година во Северна Америка, кога западните делови на САД и Канада доживеаја рекордни температури над 40 стерпени Целзиусови, предизвикувајќи бројни здравствени проблеми кај луѓето и шумски пожари.

The post Голема маса топол воздух е заробена над Балканот, уште најмалку недела дена екстремни температури appeared first on Република.

Летото оваа година било најжешкото досега регистрирано, бидејќи климатската криза и феноменот „Ел Нињо“ ги зголемија температурите и предизвикаа екстремни временски услови ширум светот, пишува Гардијан.

Во јуни, јули и август, просечната глобална температура достигна 16,77 степени Целзиусови, што било 0,66 степени над просекот од 1991 до 2020 година.

Податоците од Службата за климатски промени на ЕУ, Коперникус (C3S), покажаа дека август бил околу 1,5 степени потопол од прединдустрискиот просек за периодот од 1850 до 1900 година.

The post Ова лето беше најжешкото во историјата appeared first on Република.

Мерките и препораките за заштита на граѓаните од високите температури ќе важат и утре и задутре (26 и 27 јули). Владата на седница ја разгледа Информацијата од Министерството за здравство за високите температури и усвои соодветни мерки и препораки со важност за следните два дена, а со цел намалување на ризиците од високите температури согласно Акцискиот план на Министерството.

Согласно усвоеното, Владата препорачува: ослободување од работни обврски на најранливите групи население, како што се: бремените жени и лица на возраст над 60 години; во установите за згрижување на децата (градинки), да не се практикува физичка активност и да не се изнесуваат децата на отворено во периодот од 11:00 до 17:00 часот; единиците на локалната самоуправа, Црвениот крст и Центрите за социјални работи, во регионите зафатени со топлотниот бран да пружаат помош на осамени, стари, изнемоштени лица и бездомници. Воедно, со оглед дека одредени ризични производствени и технолошки процеси може да претставуваат дополнителен ризик по здравјето на изложените работници, се потсетуваат работодавците на обврската за почитување на законските прописи од оваа област.

Согласно добиените информации, Владата донесе заклучоци: државните органи и јавните претпријатија и установи да ги почитуваат препораките, а исто така на приватниот сектор препорача да го организира работното време со цел заштита од директна сончева изложеност на работниците, пред сѐ избегнување престој на отворено во периодот од 11:00 до 17:00 часот;

Сите правни субјекти кои вршат активности на отворено, да ги запрат активностите во периодот од 11:00 до 17:00 часот, а ова особено се однесува на работата на градежните работници. Градинките треба да го организираат работното време во периодот од 7:00 до 17:00 часот, со тоа што не треба да практикуваат физичка активност и да не се изнесуваат децата на отворено по 11:00 часот, се наведува во заклучоците на Владата.

The post За два дена продолжени мерките и препораките за заштита на граѓаните од високите температури appeared first on Република.

Неколку предлози за летни пози кои сигурно ќе ви се најдат на овие високи температури:

Ладен ветер

The post Најдобрите секс пози за ова жешко време appeared first on Република.

Возачите да возат одморени и да бидат внимателни при високи температури – апелира Републичкиот совет за безбедност на сообраќајот на патиштата (РСБСП) во рамки на летната кампања „За безбедно лето 2022“.

-Правете почести паузи, за време на паузите излезете од возилотвнимателни при високи темпертаури о, раздвижете се, напијте се кафе, вода или безалкохолни пијалаци, ако се чувствувате уморни застанете и ако имате потреба од поголем одмор, без разлика кое време од денот е – отспијте одреден временски период за да можете потоа безбедно да го продолжите патувањето, советува РСБСП.

Во препораките наведува и возачите да бидат информирани за временската прогноза и особено внимателни кога температурите се над 30 Целзиусови степени.

-Погрижете се разликата во температурите во моторното возило и во надворешни услови да не биде поголема од седум степени за да нема несакани последици по здравјето при излегувањето од моторното возило. Доколку ви пречат сончевите зраци кои често ги изморуваат очите, користете очила за сонце. Бидете особено внимателни доколку возите за време на викенд кога е зголемена густината на сообраќајот, како и кога возите ноќе кога е намалена видливоста на патиштата, апелира РСБСП.

Ако се патува на подолги релации и се преминуваат граничните премини, Републичкиот совет за безбедност на сообраќајот на патиштата советува без оглед на тоа колку време се чекало, да не се  зголемува брзината над препорачаната.

-Возете одморени и правате соодветни паузи со цел да стигнете безбедно на посакуваната дестинација, укажува  РСБСП во препораките за возење во летниот период, а ги  наведува и стандардните препораки за почитување на правилата и прописите во сообраќајот, да не се употребува мобилниот телефон за време на возењето, брзината на движење да биде пропишаната, да не се престигнуваат непрописно други учесници во сообраќајот и да се користи сигурносен појас

The post Совети за на пат: Не трнувајте во жешкото, носете течности и правете паузи appeared first on Република.

Метеорологот Славчо Попоски објави фотографија која покажува дека во Неготино денеска се измерени 50 степени.

Додава дека на сонце е измерена оваа екстремно висока температура, но и дека идната недела ќе имаме многу топло време.

The post Во Неготино измерени 50 степени appeared first on Република.