На рочиште пред Судот во Париз, од судскиот процес против францускиот глумец Жерар Депардје, адвокатот на обвинетиот побара одложување. Како причина е наведено неговото нарушено здравје, пишува весникот „Фигаро“.

Жерар Депардје е многу погоден од овие обвинувања и, за жал, неговите лекари му забранија да присуствува на рочиштето, поради што тој ќе побара одложување за подоцнежен датум за да може да присуствува на постапката, изјави адвокатот Жереми Асу.

Депардје е обвинет за сексуално насилство од две жени, коешто наводно се случило на снимањето на филмот на режисерот Жан Бекер - „Зелени ролетни“ (Les volets verts), во 2021 година. Имињата на двете жени-тужителки не се објавени. Против еден од најпознатите француски глумци се поднесени и бројни слични пријави, па можни се и други правни постапки.

Во февруари, една од тужителките - филмска работничка од областа на сценографијата која сега има 55 години, рече дека претрпела сексуален напад, сексуално вознемирување и сексистички навреди додека била ангажирана за филмот. Несоодветното однесување наводно се случило во приватна ку

The post Жерар Депардје побара одложување на судењето за силување поради здравствени причини appeared first on Република.

Обвинителството во Париз побарало кривично судење против Жерар Депардје за силувањето на актерката Шарлот Арно, соопштил извор близок до обвинителството.

Актерот (75) беше обвинет на 16 декември 2020 година, по жалба на актерката за две силувања во август 2018 година во неговиот дом во Париз. Арно тогаш имала 24 години.

Сега останува на истражниот судија да одлучи за барањето на обвинителството. Депардје, кој е обвинет за сексуално насилство и од други жени, ги оспорува обвинувањата.

Нему во октомври ќе му се суди пред парискиот кривичен суд за сексуален напад на две жени за време на снимање на филм во 2021 година.

The post Обвинителството во Париз побарало кривично судење против Депардје за силување appeared first on Република.

На францускиот актер Жерар Депардје кој беше повикан на сослушување по обвиненијата за сексуален напад, а потоа бил испратен во притвор во Третото одделение на париската полиција, му е укинат притворот, соопшти париската полиција.

Две жени го обвинија Депардје за сексуални напади за време на две различни снимања: првиот пат во 2014 година, за време на снимањето на „Волшебникот и сијамските близнаци“ на Жан-Пјер Моки и вториот пат во 2021 година, за време на снимањето на „Зелените прозорци“ на Жан Бекер, пишува парискиот весник Фигаро.

Првата пријава ја поднела 24-годишна помошничка на филмски сет во 2014 година. Таа во јануари годинава поднела пријава за „полов напад врз ранливо лице од страна на лице кое ја злоупотребувало положбата“.

Втората пријава, поднесена во февруари годинава за „сексуален напад, сексуално вознемирување и сексистичка навреда“, дојде од 53-годишна филмска декоратерка.

Легендарниот француски филмски актер беше обвинет во декември 2020 година за „силување“ и „сексуален напад“ по пријава на актерката Шарлот Арно, која го тужеше за две силувања во неговиот дом во Париз на крајот на август 2018 година.

Пријавата на актерката Елен Дарас, која го обвини Жерар Депардје дека сексуално ја нападнал за време на снимање на филм во 2007 година, беше поднесена кон крајот на декември 2023 година, а шпанската новинарка и писателка Рут База исто така поднесе тужба во Шпанија за силување против Депардје.

The post Укинат притворот на актерот Жерар Депардје кој е обвинет за сексуален напад appeared first on Република.

Полицијата во Франција го приведе познатиот актер Жерар Депардје на сослушување поради обвинение од две жени за сексуално вознемирување за време на снимање филм.

Глумецот, според тамошните медиуми, денеска бил повикан во полициска станица во врска со обвиненијата за сексуален напад поднесени од две жени кои го оптужуваат дека несоодветно ги допирал за време на снимање - едната во 2014., а другата во 2021 година. И десетици други жени го обвинија 75-годишниот Депардје за вознемирување, несоодветно допирање или сексуални навреди.

Депардје решително ги одрекуваше сите тие наводи. Во отворено писмо до јавноста минатиот октомври, тој рече дека „никогаш, никогаш не злоставувал жена“.

Жерар Депардје се смета за национална икона во Франција. Тој беше и глобален амбасадор на француската кинематографија, уживајќи меѓународна слава, меѓу другото, и поради неколкуте свои улоги во Холивуд. си/сд/

The post Жерар Депардје приведен за сексуално вознемирување appeared first on Република.

Францускиот актер Жерар Депардје (75) беше приведен во полиција денеска наутро за да биде сослушан за наводите за сексуален напад врз две жени.

Според информациите на BFMTV, Депардје бил однесен во полициска станица во Париз каде ќе биде сослушан.

Две жени го обвинија актерот за сексуална злоупотреба. Едната го обвинува дека непримерно ја допирал и покрај нејзиното противење во 2014 година на сетот на „Магионичарот и сејачот“, а другата во 2021 година на снимањето на „Зелените очи“ на Жан Бекер.

Многумина беа шокирани од веста дека познатиот француски актер Жерар Депардје е обвинет за сексуално вознемирување од тринаесет жени.

Депардје досега го бранеа многу истакнати членови на културниот живот во Франција, како и самиот претседател Емануел Макрон.

The post Уапсен е Жерар Депардје appeared first on Република.

Францускиот претседател Емануел Макрон застана на страната на филмската ѕвезда Жерар Депардје против она што тој го нарече „лов на човек“, откако францускиот актер се соочува со нова истрага поради непристојни и сексистички изјави.

За време на интервјуто за ТВ каналот Франс 5, францускиот претседател го пофали придонесот на Депардје во правењето филмови. „Јас сум голем обожувач на Жерар Депардје, тој е одличен актер… Тој помогна да се запознаат нашите големи автори во светот, тој ја прави Франција горда“, рече тој.

Макрон се огради од одлуката на неговата влада потенцијално да му ја одземе Легијата на честа на Депардје, по обвинувањата за сексизам и сексуален напад. Депардје беше обвинет за силување во 2020 година – тој негираше дека сторил нешто лошо – а неодамна објавениот документарен филм, во кој актерот дава непристојни изјави и сексуализира млада девојка, предизвика нов бес.

Во средата, францускиот претседател потврди дека не сака на Депардје, кој глумеше во повеќе од 200 филмови, да му биде одземена честа Легија, што е највисок степен на заслуги во Франција.

Не може врз основа на еден документарен филм да ја одземе „Легијата на честа“, рече Макрон.

Депардје ги отфрли сите обвиненија против него.

The post Макрон го брани Депардје: Тој помогна светот да ги запознае нашите големи автори appeared first on Република.

Некогаш славниот француски актер Жерар Депардје, кој беше обвинет за силување пред три години, остана без признание од Белгија и канадската држава Квебек поради шокантен документарец кој изобилува со неговите мизогински коментари, поради кои може да остане и без орденот на Легијата на честа.

Депардје во саботата потврди, преку неговите адвокати, дека ја ставил на располагање високата француска награда на министерката за култура Рима Абдул Малек, која најави дисциплинска постапка против поранешната филмска ѕвезда поради навредливи коментари за жените.

Во петокот, францускиата министерка ги нарече „одвратни“ коментарите на актерот во телевизиски прилог за неговото патување во Северна Кореја во 2018 година. Во филмот прикажан на почетокот на декември, Депардје ги навредува жените нарекувајќи ги со погрдни имиња и не штеди ни мало девојче со своите непристојни коментари.

Жерар Депардје, кој во 1996 година беше одликуван со Легијата на честа од тогашниот француски претседател Жак Ширак, веќе ја загуби титулата почесен граѓанин на белгиската општина Естаимпуи, која беше негова привремена резиденција. Во средата го загуби и признавањето на Националниот ред на Квебек.

Депардје веќе е под истрага поради обвинение за силување поднесено во 2020 година, а во септември беше поднесено ново обвинение за сексуален напад против поранешниот водечки француски филмски актер, поврзано со настани во 2007 година. Неколку жени го обвинија наградуваниот актер, кој се појави во повеќе од 200 филмови, за сексуално вознемирување. Депардје целосно ги отфрла сите обвинувања.

The post По шокантниот документарец за Жерар Депардје каде што тој навредливо коментира за жените, одземени му се признанијата appeared first on Република.

Францускиот актер Жерар Депардје, кој веќе беше обвинет за силување и сексуален напад во случај од 2018 година, сега е обвинет од 13 жени за сексуален напад или сексуално вознемирување, пишува во извештајот објавен од Mediapart.

Обвинувањата дојдоа од актерки, шминкери и продукциски персонал, од кои некои зборуваа анонимно, а наводното малтретирање се случило за време на снимањето на 11 филмови помеѓу 2004 и 2022 година. Ниту една од 13-те жени не покренала правна постапка против Депардје.

Жените тврдат дека актерот ги допирал несоодветно и давал непристојни коментари во повеќе наврати, додека адвокатот на Депардје вели дека неговиот клиент „формално ги негира сите обвиненија според кривичниот закон“.

Експертите и актерките кои во последните две децении се појавуваа со него во различни функции на филмските сетови, во интервју за „Медиапарт“, велат дека другите вработени на сетот знаеле за неговото однесување, но го толерирале, па дури и се смееле кога тие се жалеле.

Возрасните му дозволија на актерот да ми ги допира градите пред сите, рекла една актерка, која имала 17 години кога наводно се случил инцидентот.

Сепак, обвинителството во Париз сè уште нема добиено обвинение против Депардје.

Депардје, инаку, се уште е под истрага поради обвинението за силување и сексуална злоупотреба што против него го поднесено од актерката Шарлот Арну.

Во летото 2018 година, кога имала само 22 години, Арну отишла во полициската станица во градот Ламбески на југот на Франција, тврдејќи дека неколку дена претходно била силувана во два наврати во куќата на Депардје во Париз. Истражен судија на крајот отвори случај против Депардје на 16 декември 2020 година за „силување и сексуален напад“, но го пушти на слобода.

The post Тринаесет жени го обвинија Жерар Депардје за сексуално вознемирување appeared first on Република.