На јавната расправа посветена на „Спречување и заштита од насилство врз жените и семејното насилство“, шефот на Мисијата на ОБСЕ во Скопје, Килиан Вал, истакна дека законите во Македонија се солидни, но нивната имплементација останува клучен предизвик.

„Законите против насилството се делотворни онолку колку што е нивното спроведување. Тоа бара ресурси, обука и координиран пристап меѓу полицијата, судството, здравствените и социјалните служби. Разрешувањето на насилството врз жените значи градење општество во кое секој може да живее без страв“, рече Вал. Тој потсети дека вистинската примена на Инстанбулската конвенција е од суштинско значење за подобра заштита на жртвите.

Според истражувањето на ОБСЕ, половина од жените во Македонија искусиле некаква форма на насилство, а 14% биле жртви на физичко или сексуално насилство. Една од десет жени се соочила со демнење.

Елена Димушевска од Националната мрежа против насилство врз жените истакна дека и покрај унапредувањето на законската рамка, имплементацијата е сериозно ограничена од недостаток на финансии. „Три години по донесувањето на законот, не сме ни блиску до исполнување на минимум стандардите за специјализирани услуги. Без да обезбедиме средства, сите законски измени се непотребни“, порача таа.

Дополнително, Димушевска ја изрази загриженоста за кратењето на буџетот за социјални услуги, нагласувајќи: „Мора да предвидиме пари во националниот буџет, инаку напредокот ќе биде само на хартија.“

Заменик-министерот за социјална политика, Ѓоко Велковски, призна дека државата е далеку од исполнување на стандардите на Истанбулската конвенција, но најави напредок.

„Во седум плански региони се воспоставени специјализирани сервиси за жени жртви на насилство, а во наредниот период ќе се отворат нови десет. Подготвуваме осумгодишна национална стратегија со акциски план“, рече Велковски.

The post Половина од жените во Македонија биле жртви на насилство, алармира ОБСЕ appeared first on Република.

Во Италија од 1 јануари до 18 ноември годинава се убиени 99 жени, се наведува во извештајот на Институтот за економски и социјални истражувања „Еурес“.

Во извештајот се наведува дека повеќе од една третина од овие жени, 37 отсто, имале над 65 години и дека во повеќето случаи тие биле убиени од брачниот другар или некое од нивните деца, пренесе италијанската новинска агенција АНСА.

Според извештајот, бројот на странски жртви на фемицид во Италија се зголемил од 17 минатата година на 24, што е речиси четвртина од вкупниот број (24,2 отсто).

Бројот на сторители на фемицид кои не се Италијанци се намали од 23 на 16, што е намалување за 30,4 отсто, соопшти агенцијата.

The post Во Италија од почетокот на годинава убиени се 99 жени, повеќе од една третина од нив постари од 65 години appeared first on Република.

Редовното вежбање го подобрува здравјето. Бројот на склекови може да биде добар показател за вашата физичка состојба. Според експертите од клиниката „Мајо“, склековите се одличен начин за мерење на мускулната сила и издржливост бидејќи ги активираат главните мускулни групи, вклучувајќи ги нозете, стомачните, рамената, грбот и рацете.

Склековите се едноставни – во почетната положба, поставете ги рацете во ширина на рамената, држејќи го телото исправено и паралелно со подот, а потоа кревајте и спуштајте се онолку колку што ви дозволува силата. За почетници има полесна верзија со изведување на вежбата на колена.

Клиниката „Мајо“ објави колку склекови треба да можеме да правиме во зависност од возраста и полот. На пример, мажите на 25 години треба да можат да направат 28 склекови во еден обид, додека кај жените целта е 20 склекови. Бројката се намалува како што минуваат годините: за 35-годишни мажи целта е 21, додека жените треба да можат да направат 19 склека. За 55-годишни, целниот број на склекови е 12 за мажи и 10 за жени, а за 65-годишници од двата пола целта е 10 склека.

Прилагодете ги целите според вашите можности

Сепак, многу експерти веруваат дека овие препораки не се универзални. Фитнес инструкторката Наталија Алексејенко истакнува дека е важно да се земат предвид индивидуалните фактори, како што се историјата на повреди, начинот на живот, исхраната, нивото на стрес и квалитетот на сонот.

Фитнес инструкторката Керолин Беквит се согласува, истакнувајќи дека реалните перформанси честопати не ги исполнуваат препорачаните бројки.

„Во мојата група, каде учесниците се претежно на возраст меѓу 40 и 65 години, повеќето прават склекови на колена. Реалните цели и постојаноста се клучни“, објаснува Беквит.

Редовната физичка активност се покажа дека носи бројни здравствени придобивки. Едно истражување од 2019 година покажа дека мажите кои можат да прават склекови имаат 96% помали шанси да развијат срцеви заболувања. Генерално, редовната физичка активност може да го намали ризикот од разни болести: за 29% го намалува ризикот од рак на дебелото црево, за 31% ризикот од смртност од сите причини, за 35% ризикот од деменција, за 38% од смртта од срце. болест и за 42% од дијабетес.

Според Центрите за контрола и превенција на болести (CDC), на возрасните им требаат 150 минути активност со умерен интензитет во текот на неделата, како што се возење велосипед, танцување или брзо одење. Два дена треба да посветиме на зајакнување на мускулите преку склекови, чучњеви или кревање тегови.

The post Колку скелокови треба да направи жена на 35 години? appeared first on Република.

Во Македонија најчеста причина за смрт од малигни неоплазми кај жените во периодот 2010-2023 година е ракот на дојка, покажува најновиот извештај на Институт за јавно здравје, објавен по повод одбележвуањето на Октомври - Месец против рак на дојката.

Од рак на дојка во 2010 година починале 310 жени со стапката на морталитет од 30,0/100000 жени, во 2021 година 337 жени со стапка од 32,6, во 2022 година 356 жени со стапка од 38,5 и во 2023 година 346 жени со стапка од 37,5 на 100000 жени, се вели во извештајот.

[caption id="attachment_822206" align="alignnone" width="512"] Извор: Институт за јавно здравје[/caption]

Ракот на дојка е на прво место во бројот на новорегистрирани случаи од малигни неоплазми кај жените во  Македонија во периодот 2017-2021 година.

Во 2017 година биле регистрирани 808 новозаболени жени од рак на дојка со стапка на инциденца 78.03/100000 жени, во 2019 година 778 со стапка на инциденца 75.13/100000 жени, а во 2021 година 806 со стапка на инциденца 87.08/100000 жени.

[caption id="attachment_822207" align="alignnone" width="503"] Извор: Институт за јавно здравје[/caption]

[caption id="attachment_822210" align="alignnone" width="516"] Извор: Институт за јано здравје[/caption]

The post Изминативе четири години расте бројот на новорегистрирани случаи од рак на дојка кај жените appeared first on Република.

Две жени вчера пријавиле дека биле физички нападнати од нивните сопруг и партнер, а од Министерството за внатрешни работи информираат дека се преземаат мерки за расчистување на случаите.

Едниот случај е во Скопје, каде што 53-годишна жена пријавила дека вчера во домот на подрачјето на Карпош била физички нападната од нејзиниот сопруг М.И. Додека, другиот во Прилеп, каде што 33-годишна жена пријавила дека на 19. месецов околу 21 часот била физички нападната од нејзиниот партнер А.В. кој исто така ѝ се заканувал со остар предмет.

Дополнително, Од МВР информираат дека вчера во СВР Струмица М.Г.(38) од село Василево пријавил дека околу 21 часот бил физички нападнат од неговиот сосед Д.Р. и неговата сопруга, а претходно му оштетиле и стакло од неговиот дом. И за овој случај се преземаат мерки за расчистување на случајот.

The post Две жени пријавиле дека биле натепани од партнерот, односно сопругот appeared first on Република.

На 12.08.2024 во 20.45 часот на улица „ЈНА“ во Гостивар, полициски службеници од ОВР Гостивар ги лишиле од слобода Б.Ш.(30) од гостиварско Дебреше и М.Е.(29) од гостиварско Неготино, постапувајќи по претходна пријава дека околу 20.00 часот во трговски центар во Гостивар физички го нападнале А.А.(36) од Гостивар, по расправија на неговата сопруга и друго женско лице.

Тие биле задржани во полициска станица и по целосно документирање на случајот против нив ќе следува соодветен поднесок.

The post Две жени истепале маж во трговски во Гостивар, претходно се карале со неговата сопруга! appeared first on Република.

Форумот на жени на ЛДП со апел до министерката за образование и наука, за воведување на сеопфатно сексуално образование во училиштата,

Податоците од Македонската асоцијација на гинеколози и опстетричари (МАГО), покажуваат дека на Универзитетската клиника за гинекологија и акушерство во Скопје во 2023 година имало 3,5 пати повеќе абортуси споредбено со 2020 година.

Во 2020 година биле извршени 324 абортуси, во 2021 година имало 554, во 2022 година имало 615, а во 2023 година 1.133 абортуси.

Загрижува фактот дека стапката на адолесцентна бременост, на девојките на возраст од 15 до 19 години, сѐ уште е многу висока и опфаќа 4,2 % од вкупните раѓања односно годишно околу 100 млади девојки под 20 години абортираат.

 Од тие причини, Форумот на жени на ЛДП апелира до министерката за образование и наука, за воведување на сеопфатно сексуално образование во училиштата, што претставува и едно од програмските заложби на Либерално Демократската Партија години наназад, стои во соопштението.

The post Форумот на жени на ЛДП со апел да се воведе сеопфатно сексуално образование во училиштата appeared first on Република.

Превентивните гинеколошки прегледи се клучни за женското репродуктивно здравје. Но, податоци од здравствени институции и здруженија покажуваат дека не е мал бројот на жени во нашава држава кои немаат избрано матичен гинеколог и на оние, кои подолг период не посетиле гинеколог.

Здравствените работници во државава се едногласни дека е потребно да се подигне свеста по ова прашање и да се зголеми бројот на работилници и едукации во училиштата, кога станува збор за женското здравје.

Податоците од годишниот извештај на Фондот за здравствено осигурување (ФЗО) за 2022 година говорат дека бројот на жени, без избран матичен гинеколог, а со здравствено осигурување, е околу 260.000, а бројот на оние без здравствено осигурување и без избран матичен гинеколог, околу 134.000 лица. Доколку се земе предвид дека во земјава 50,4 отсто од активното попишано население се женски лица, тогаш бројот на жени со здравствено осигурување, а без избран матичен гинеколог, изнесува околу 28 проценти.

Професор доктор Глигор Тофоски, претседател на Македонската асоцијација на гинеколози и опстетричари (МАГО) во изјава за МИА потврди дека слични бројки има и во спроведените анкети од Асоцијацијата.

- Само 33 проценти од анкетираните жени во неколку општини од нашата држава, практикуваат редовни гинеколошки прегледи на една година. Повеќе од 30 отсто не го посетиле својот матичен гинеколог подолго од три години, а дури 25 проценти немаат избрано свој матичен гинеколог, делумно заради тоа што во општините каде живеат немаат достапен матичен гинеколог, или истиот заминал во пензија/починал и оттогаш не побарале нов, а делумно и заради стравот, незаинтересираноста и неинформираноста за значењето на редовните гинеколошки прегледи, подвлече тој за МИА.

Според податоците на ФЗО за лани, во текот на 2023 година, примарна здравствена заштита на осигурениците обезбедувале вкупно 161 гинеколог. Во споредба со претходната година, бројот на гинеколози е зголемен за двајца лекари. Најголем број гинеколози има во Скопскиот регион - 56 лекари, додека најмал е бројот во Североисточниот регион со 12 гинеколози. Во 2023 година склучени се вкупно 142 договори во примарната здравствена заштита за гинекологија.

Дополнително, во 2024 година, појаснуваат од Фондот за МИА, склучени се уште два договора, едниот во Неготино, а другиот во Скопје. И двете ПЗУ имаат по еден тим.

Во општина Шуто Оризари работи само еден гинеколог, а бројот на жени во репродуктивен период е околу 8.000, според достапните податоци.

Доктор Ламбе Крстески, специјалист гинеколог - акушер во Гинеколошко - акушерската ординација ПЗУ „Мајка Б&М“ и матичен гинеколог во оваа општина, во изјава за МИА појасни дека имаат околу 2.000 пациенти.

Нашата амбуланта во моментов има 2.000 пациентки и работи веќе две години во рамки на Здравствениот дом - Шуто Оризари. Има податоци дека 2.500 пациентки со здравствено осигурување немаат избрано матичен гинеколог, а 1.000 пациентки немаат здравствено осигурување, додаде Крстески.

Крстески потенцираше дека мал е одѕивот за ПАП - тест и ХПВ типизација, што се бесплатни.

И според Тофоски, потребно е зголемување на свеста за важноста на редовните гинеколошки прегледи, а за тоа потребна е сеопфатна стратегија што ги комбинира образованието, достапноста и поддршката.

Организираме и работилници за социо-економски ранливи категории на жени и девојчиња, а веќе трета година по ред преку мобилните гинеколошки амбуланти, се залагаме бесплатните гинеколошки услуги да бидат лесно достапни за жени и девојки од социално-економските ранливи категории, жени и девојки кои живеат во тешко достапни области и области каде нема матичен гинеколог, посочи Тофоски.

Но, како што додаде тој, неопходно е поголемо вклучување на темите за репродуктивно здравје во образованието, во училишните програми, бидејќи така ќе се овозможи рано информирање на младите за важноста на редовните гинеколошки прегледи.

The post Граѓанките на Македонија немаат навика да одат на гинеколог appeared first on Република.

Проблемот со намалувањето на стапката на наталитетот мора да се решава на институционално ниво, а мајките не треба да се доведуваат во позиција да избираат меѓу работата и грижата за своите деца, изјави денеска поглаварот на Римокатоличката црква, папата Франциск.

На институционално ниво има итна потреба од ефикасни политики, храбри, конкретни и долгорочни избори“, рече папата Франциск на конференцијата за стапката на наталитет, што се одржува во Рим.

Тој посочи дека посветеноста на светските влади е неопходна за да им се помогне на младите да ги остварат своите цели, пренесува италијанската новинска агенција Анса.

The post Папата Франциск со поддршка за жените: Мајките не треба да бидат во позиција да избираат меѓу работата и грижата за децата appeared first on Република.

Претседателот е врховен командант на вооружените сили. А вооружените сили се бранителот на територијалната независност и интегритет на Македонија. Во војската мора да има ред! Во војската мора да има хиерархија! Во војската мора да има стандарди! Особено мора да ги почитуваме НАТО стандардите бидјеќи сме членка на сојузот!

Ова го истакна кандидатот за претседател од ВМРО-ДПМНЕ, професорката Гордана Силјановска-Давкова од митингот во Прилеп.

Меѓутоа ако и таму има политизација и партизација, ако нема доволни жени на клучни позиции, тогаш мислам дека прашалникот е голем. Зошто жени? Бидејќи и јас како и сите жени, сум горда и знам дека во сите области можеме да внесеме нешто ново. А важно е бидејќи главните жртви во сите војни се жените и децата. Кога има жени во Армијата и на клучни фукции, на клучните позиции во државата, тогаш има поголеми гаранции за мир!

https://www.youtube.com/live/w5U7H9SpTUM?si=l-5vFSL3N1IOEfjX

The post Силјановска Давкова: Ќе се залагам АРМ секогаш да ги исполнува НАТО стандардите и да вклучува повеќе жени! appeared first on Република.

Александар Николоски, потпреседателл на ВМРО ДПМНЕ и носител на изборната единица 4 вели дека за ВМРО-ДПМНЕ мажите се мажи, жените се жени, и ниту една фондација, ниту едни пари, ниту пак продадени души како тие од СДС нема да го променат тоа.

За нас мажите се мажи, жените се жени, момчињата се момчиња, девојчињата се девојчиња и има здраво да живеат во пристојни семејства, а не да водиме некакви си родови политики. Затоа што она кое што го дала природата ниедна фондација, ниту едни пари, ниту едни продадени души не можат да го променат“, вели Николоски.

Број два на листата во четвртата изборна единица од СДС е доскорешната министерка за труд и социјална политика Јована Тренчевска, ја знаете добро, која што нашите деца сака да ги учи дека немало разлика дали се машки или женски, дека немало родители, туку имало родител 1 и родител 2, и води некакви си таканаречени родови политики за кои што земаат дебели пари од фондацијата Сорос. Сакам од овде јасно да кажам за ВМРО-ДПМНЕ, за нас, постојат тато и мајка и деца. Тоа е суштината на македонското семејство, порача Николоски.

The post За ВМРО-ДПМНЕ мажите се мажи, жените се жени, вели потпретседателот Александар Николоски appeared first on Република.

Верувале или не, мажите повеќе сакаат да ја изберат убавината наместо среќата.

Сигурно барем еднаш сте слушнале за случајот со несреќен брак во кој мажот не ја сака својата жена, но сепак останува со неа. Зошто е тоа така?

Партнерката изгледа убаво

Не треба да ве чуди што на мажот му е важно жената да му е убава, затоа што тоа често е поттик за неговото его. Ако жената е привлечна, мажот се чувствува поубав и поуспешен и има поголема самодоверба, а во многу случаи мажите ја избираат убавината наместо среќата.

Сентименталност

Ако мажот е со некого долго време или споделува интимни моменти со жена, ќе почувствува длабока лојалност и посветеност на идејата за врска. Тоа значи дека тој сепак ќе мисли на врската како што беше пред неколку години или месеци, наместо да ја гледа врската таква каква што е. Тој ќе остане во врската пред се затоа што сака повторно да ги преживее „добрите времиња“. Тој не може да се откаже од идејата што ја имал за жената со која бил и на тој начин останува заглавен во круг на несреќа.

Добар интимен живот

Понекогаш мажите ќе останат во несреќна врска бидејќи тоа е лесен начин за интимни врски, особено ако интимниот живот е интересен и тој го смета за добар.

Тој верува дека нема друга опција

Стравот од непознатото е моќен мотиватор. Тоа може да биде и силен мотив за останување во несреќна врска, а мажите често се враќаат во врски без љубов поради страв од осаменост и очај.

Посесивност

Ова е во основа приказна за љубомора. Но, кога мажот има силни чувства за жена, за која било жена, тој може да стане крајно посесивн. Во оваа фаза можеби не му е грижа дали има љубов во врската, бидејќи помислата дека таа е со некој друг го прави уште понесреќен.

Ја сака и останува оптимист

Ако има искуство во врска, мажот знае дека ниедна врска никогаш нема да биде совршена. Фрустрациите и повремената нервоза доаѓаат со долгата врска, но откажувањето не е решение за ваков маж. Останува затоа што се надева дека работите ќе бидат подобри, а не полоши. Смета дека додека не ги поправи грешките и не се справи со моменталната врска, нема потреба да бара друга жена, бидејќи само ќе се врати на почетокот, повторувајќи ги истите грешки.

The post Зошто мажите остануваат со жени кои не ги сакаат: Шест причини зошто продолжуваат во несреќен брак appeared first on Република.

По успешното спроведување на кампањата „Гласна и храбра“ во 2023 година со цел подигање на свеста за важноста од добросостојба на жените и нивно економско зајакнување од страна на Министерството за труд и социјална политика, предводена од министерката Јованка Тренчевска, оваа година се спроведува продолжението на кампањата – „Гласна и храбра 2“. Овој март кампањата е со фокус на жени со невообичаени професии и жени земјоделки.

Во рамки на активностите на кампањата беа спроведувани средби со жени и посети на нивните мали бизнис иновации.

Со цел да продолжи одекот на кампањата денес во Општина Валандово дополнителната заменичка министерка за труд и социјална политика, Јованка Тренчевска со поддршката на градоначалникот на Валандово, Перо Костадинов во паркот во Село Удово беа посадени садници со зимзелени дрва.

На акцијата за пошумување беа присутни и Заменик на претседателката на Владата на Република Македонија, задолжена за политики на добро владеење, Славица Грковска, Министерка за животна средина и просторно планирање, Каја Шукова, Министерка за култура, Бисера Костадиновска Стојчевска и Директорка на управа за јавни приходи, Сања Лукареска.

The post Продолжение на кампањата – „Гласна и храбра 2“ со фокус на жени со невообичаени професии и жени земјоделки appeared first on Република.

Данска објави дека се прават планови за првпат да спроведува систематско регрутирање на жени во армијата и да го зголеми стандардниот воен стаж, објави „Би-Би-Си“.

Со одлуката се предвидуваат и планови да се зголеми буџетот за одбрана за речиси 6 милијарди долари во следните пет години, со цел земјата да ги исполни целите на НАТО.

Не се вооружуваме затоа што сакаме војна. Се вооружуваме затоа што сакаме да го избегнеме тоа“, вели премиерот, Метер Фредериксен.

Најавувајќи ги планираните реформи, Фредериксен порача дека владата се стреми да постигне „целосна родова еднаквост“.

Во меѓувреме, министерот за одбрана, Троелс Лунд Поулсен изјави дека „зголеменото регрутирање, вклучително и целосна родова еднаквост, мора да придонесе за решавање на одбранбените предизвици, националната мобилизација и надополнување на вооружените сили“.

Жените во оваа скандинавска земја веќе можат доброволно да се пријават за воена служба.

The post Данска ќе регрутира жени во армијата за да ги надополни вооружените сили appeared first on Република.

Претседателот на Русија, Владимир Путин, потпиша указ за помилување на 52 осуденички на Меѓународниот ден на жената, соопшти прес-службата на Кремљ.

При носењето на оваа одлука шефот на државата се водел од хуманитарни причини. Амнестијата опфаќа, пред сè, жени со малолетни деца, бремени жени и жени чии роднини се вклучени во специјална воена операција, објави прес-службата.

Правото на претседателот на Русија да помилува осуденици е запишано во член 89 од рускиот Устав. Рускиот закон предвидува и постапка за амнестија, која не е индивидуална.

Во 2023 година Путин зборуваше за опцијата за амнестија за одредени категории жени.

The post Путин помилува 52 осудени жени по повод Меѓународниот ден на жената appeared first on Република.

Најмалку 9.000 жени се убиени во Појасот Газа од 7 октомври, кога започна војната меѓу Израел и Хамас, соопшти денеска локалното Министерство за здравство.

Како што е наведено, околу 60.000 бремени жени во Газа страдаат од „неухранетост, дехидрација и недостаток на соодветна здравствена заштита“.

Околу 5.000 трудници месечно раѓаат во „тешки, небезбедни и нездрави услови“.

Агенцијата на ОН за помош и работа за Палестина (UNRWA) објави на платформата X дека во таа мала енклава дневно се убиваат во просек по 63 жени.

Во објавата се вели дека на Меѓународниот ден на жената „жените во Газа продолжуваат да ги трпат последиците од бруталната војна“.

Генералниот комесар на УНРВА Филипе Лазарини оцени дека е потребно повеќе да се работи за поддршка и заштита на жените и дека „итниот прекин на огнот е минимум“.

30.878 луѓе се убиени во израелските воени операции и борби во Појасот Газа од почетокот на војната меѓу Израел и палестинскиот исламистички Хамас, соопштено е денеска.

The post Од 7 октомври досега во Газа се убиени најмалку 9.000 жени appeared first on Република.

Премногу често и на многу места, жените се соочуваат со нееднаквост и неправда и тие се главни жртви на вооружените конфликти, затоа денеска им оддавам посебна почит на храбрите жени на Украина, кои продолжуваат да се борат за своите семејства, нивната слобода и својата иднина, порача генералниот секретар на НАТО, Јенс Столтенберг по повод Меѓународниот ден на жената – 8 Март.

На Меѓународниот ден на жената, им оддавам почит на големиот број жени кои го обликуваа и зајакнаа НАТО од основањето на нашата Алијанса пред 75 години. Нивната издржливост, пожртвуваност и посветеност беа најважни за нашиот успех. Поминавме долг пат во интегрирањето на родовите перспективи во нашите политики и операции, но нашата работа е далеку од завршена, наведе Столтенберг во пораката.

Според него, одбележувајќи го Меѓународниот ден на жената, НАТО повторно се обврзува на агендата за жените, мирот и безбедноста.

Мора да продолжиме да ја зајакнеме улогата на жените во безбедноста и одбраната, да обезбедиме еднакви можности за лидерство и да поттикнеме поправеден и инклузивен Сојуз. Искористувајќи го целосниот потенцијал на сите наши луѓе, ќе продолжиме да го правиме НАТО посилен, додаде Столтенберг во пораката.

По повод 8 Март, повици за поголема застапеност на жените во вооружените сили и на раководни позиции и за промоција на родовата еднаквост во политиките и мисиите на Алијансата, упатија и претседавачот на Воениот комитет на НАТО, адмирал Роб Бауер и специјалната претставничка на Пактот за жени, мир и безбедност, Ајрин Фелин.

The post Столтенберг: На 8 Март им оддаваме почит на сите жени кои го обликуваа и зајакнаа НАТО appeared first on Република.

По повод 8 Март Собранието и денес одржува седница посветена на родовата еднаквост и унапредување на женските права.

Ова е единствена точка на дневен ред.

The post Собраниска седница со единствена точка на дневен ред- родовата еднаквост и унапредување на женските права appeared first on Република.

Светската здравствена организација (СЗО) денеска ги повика националните влади во светот да го земат предвид полот кога развиваат политики за консумирање алкохол, предупредувајќи дека маркетингот во индустријата сè повеќе ги таргетира жените кои се соочуваат со поголеми здравствени ризици од мажите и од помалку алкохол.

Агенцијата на ОН со седиште во Женева соопшти дека има докази дека мажите, жените и малцинските групи се различно погодени од штетата поврзана со алкохолот и дека индустријата го прилагодила својот маркетинг за да таргетира различни полови. „Политиките за контрола на алкохолот во голема мера остануваат слепи за половите“, вели СЗО, повикувајќи ги владите да го земат предвид полот при дизајнирање контролни мерки.

Индустријата се повеќе користи родови пристапи за привлекување потрошувачи, истакнува СЗО, додавајќи дека е од клучно значење да се остане во чекор со овие променливи маркетинг тактики. По успехот во борбата против влијанието на другите производи, како што се цигарите, врз јавното здравје, СЗО сè повеќе го насочува вниманието кон решавање на прашањето за штетното дејство на алкохолот.

Светската здравствена организација ги нагласува студиите кои откриле дека индустријата сè повеќе ги таргетира жените - од пакувања до реклами кои ги нагласуваат аспектите на феминизмот или женското пријателство. Мажите се исто така цел на маркетинг кој ги нагласува традиционалните поими за мажественост и се изложени на поголем ризик од прекумерно пиење, развој на проблеми со алкохолот и вклучување во агресивно или ризично однесување, забележа СЗО. Но, жените претрпуваат поголема штета при пониски нивоа на консумирање алкохол.

ЛГБТК+ заедницата, исто така, се соочува со различни штети, често консумирајќи повеќе алкохол и има повеќе проблеми со зависност од хетеросексуалните луѓе, додека наследството на колонијализмот и економската маргинализација, исто така, ги ставија домородните народи во зголемен ризик, наведува СЗО.

Оваа организација посочува дека консумирањето алкохол е причински фактор за повеќе од 200 болести и повреди, меѓу кои и некои видови на рак, цироза на црниот дроб и кардиоваскуларни заболувања.

The post СЗО: Жените имаат повеќе здравствени проблеми поради алкохолот, дури и кога пијат помалку appeared first on Република.

На 7 март (четврток), со почеток во 19:00 часот во НУКЦ Трајко Прокопиев во Куманово ќе биде отворена традиционалната изложба “Жените и фотографијата”.

На изложбата ќе бидат претставени 50-тина фотографии од женскaта фотографска фела во Република Македонија.

Се надеваме дека ќе го задоволиме вкусот и на најпребирливите и ќе бидеме почестени со вашето присуство, се вели во објавата на организаторот на овој настан Фото клубот Куманово.

The post Изложба „Жените и фотографијата 2024” appeared first on Република.