Турската армија назначи прва жена генерал, објавено е денеска во Службениот весник на оваа земја.

Како што пренесува „Anadolu Agency“, Озлем Јилмаз е унапредена во бригаден генерал од позицијата виш полковник. Сега таа ќе биде потпретседателка на Академијата за жандармерија и крајбрежната стража.

Другите унапредувања вклучуваат двајца генерал-полковници, 16 генерал-мајори и 13 бригадни генерали.

The post Турција првпат назначи жена генерал appeared first on Република.

Министерката за одбрана Славјанка Петровска во утринското гостување во емисијата Утрински брифинг, на прашањето кога Mакедонија ќе има жена генерал, изјави дека е подготвена да поддржи такво решение. На прашањето дали за тоа Армијата има соодветни кандидатки, Петровска одговори:

Од моето неколкумесечно искуство и директна соработка и работа со персоналот и во Министерството и во Армијата, бидејќи кандидатката треба да биде воено лице, апсолутно сметам дека да – имаме таков потенцијал и мислам дека тоа е нешто што треба да се валоризира, не само заради тоа што некој е жена, туку заради тоа што навистина поседува квалитети. Во тек во Министерството за Одбрана и Армијата се проекти кои ги работиме заедно и со Канцеларијата на Обединетите Нации и со DCAF кои се однесуваат на таргетирање на родово сензитивни прашања – тие вродуваат со огромен успех и се разбира дека секогаш ќе ја имаат мојата политичка поддршка за тоа!

The post Петровска: Подготвени сме да имаме прва жена генерал appeared first on Република.