Премиерот Христијан Мицкоски денеска одговарајќи на новинарско прашање рече дека во првите 100 дена од мандатот во земјоделството се преземени крупни чекори, укажувајќи дека исплатени се заостанатите плати во Национални шуми и АД Водостопанство, исплатени се 1 милијарда денари заостанати субвенции, зголемени субвенции за јачмен и пченица, како и постигната е највисока откупна цена за грозјето.

Апсолутно како и во сите сектори, така и во земјоделието во овие 100 дена се преземаа многу чекори. Ќе ве потсетам на оние задоцнети плати во двете клучни институции, а тоа се Национални шуми и АД Водостопанство. Се вратија долгови кај земјоделците од повеќе милијарда и двесте педесет милиони денари, тоа се стари долгови, покрај тековните исплати. Понатаму имавме субвенции, одлука за субвенции за килограм продадена пченица, јачмен и така натаму, но исто така можам да кажам дека се постигнаа историски највисоки цени за откуп на грозјето од лозарите и навистина можам да кажам дека досега работите таму полека, но сигурно фаќаат еден природен колосек, тука не смееме да ги потцениме, ниту сливарите коишто исто така беа поддржани од страна на Министерството и од страна на Владата, јаболкарите, видовте беше таму Министерот, разговараше, очекувам исто да биде и со тутунарите. Така што како и во секој сектор, така и таму се случуваат сериозни промени, изјави претседателот на Владата, Мицкоски.

The post Мицкоски: Во првите 100 дена имаме покачени субвенции за јачмен и пченица, исплата на 1 милијарда денари заостанати субвенции, историски највисока цена на грозјето и многу други проекти appeared first on Република.

Една од заложбите на Владата е посветено да се работи и да им се помага на земјоделците.Затоа издвоени се 1 милијарда денари за исплата за заостанати субвенции за земјоделците.

Над 9.000 земјоделци ќе ги добијат своите заслужени средства како поддршка за своето производство. Кај дел од нив се доцни дури 4 години со исплатата.

Првата одлука на оваа Влада беше со ребалансот да се обезбедат средства и до крајот на годината нема да има субвенции со кои се доцни кај земјоделците.

Домаќинското и посветено работење на Владата ќе придонесе значајна поддршка за земјоделското производство.

На овој начин се исправаат и неправдите кон земјоделците кои со својот труд печалат за себе и своите семејства.

The post Владата исплаќа eдна милијарда денари за заостанати субвенции од претходната appeared first on Република.

Топлотниот бран со температури над 40 степени што ја зафати државава е неповолен за земјоделството. Потребите за вода се големи, посебно за пролетните и окопните култури, а највеќе за пченката и сончогледот кој е во фаза на исполнување на зрното.

Според агрометеоролозите, приоритет на земјоделците во овој период треба да биде наводнувањето, но мора да продолжи и примената на агротехничките мерки.

-Овие временски услови се непогодни за сите култури, освен за некои видови овошки кои се во фаза на берба и зреење на плодовите. Повремените врнежи на некои места во претходниот период не ја подобрија состојбата со влага во почвата, која е потребна за посевите во овој период од годината. Затоа, приоритет на земјоделските производители треба да биде снабдувањето на културите со потребното количество вода, нагласуваат агрометеоролозите од УХМР.

Потсетуваат и дека е неопходно да се посвети поголемо внимание на заштитата од појава на пламеница кај виновата лоза.

The post Топлотниот бран неповолен за земјоделството, наводнувањето приоритет appeared first on Република.

Денеска министерот за земјоделство, шумарство и водостопанство, Цветан Трипуновски во општина Кавадарци по негово барање оствари средба со двете земјоделски  здруженија кои што се од регионот Федерацијата на фармери, Здружението на мали семејни винарии, претставници од Земјоделскиот инспекторат, Подрачна единица, пратениците, градоначалниците поради претстојниот откуп на грозје.

„Она што сакам да ја информирам јавноста преку вас медиумите и присутните на состанокот е дека Министерството е тоа кое што ќе ја соопшти цената. Ниту една винарска визба не е таа која што ќе ја соопшти производната цена“, посочи министерот.

Трипуновски додаде дека Министерството согласно Законот пропиша Методологија за пресметка на производна цена на двете најзастапени вински сорти, тоа е смедеревката и вранецот. Согласно таа Методологија и согласно Законот Министерството објави Повик кој што траеше 15-тина дена. И веќе минатата недела заврши Повикот и склучен е Договор со Земјоделскиот институт – Скопје. Тоа е научна институција која што треба во наредниот период да излезе со производна цена за двете најзастапени сорти, и таа производна цена треба да биде зголемена за 25% како добивка према лозарите.

„Точно е дека имаме мало задоцнување, но тоа е поради тоа што претходната Влада предводена од СДСМ ако навремено ја донесеше Методологијата и ја усогласеше со законодавство, ако ја усогласеше со сите процедури, ние денеска ќе имавме ситуација каде што само ќе објавивме Повик. Меѓутоа ние даваме се од себе за да го фатиме рокот“, заклучи Трипуновски.

„Јас веќе со директорот на Земјоделскиот институт – Скопје разговарав и го замолив, со оглед дека е продолжен викенд, да се стават во функции за време на викендот се со цел веќе на  почетокот на идната недела да имаме производна цена која што ќе биде зголемена за 25%“, истакна министерот.

Трипуновски посочи дека денеска ги информирал сите присутни дека во претстојниот откуп кој што ќе следи, секое откупно место ќе биде покриено со претставник од Земјоделскиот инспекторат. Секој инспектор ќе биде задолжен со широмер. Секој инспектор кој што ќе има широмер ќе има и одредена обука за правилно користење. И нормално Инспекторатот во наредните денови ќе направи дополнителна проверка на сите ваги кои што постојат на откупните места, затоа што во минатото се случувало да има манипулации во мерењето, и во мерењето на шеќерните единици и во количината.

„Инспекторатот ќе биде вистински следач на ситуацијата и нема да се дозволи манипулација на штета на земјоделците“, нагласи Трипуновски.

„Присутните ги информирав дека ланскиот денар кој што го вети минатата Влада уште не е исплатен, но ние со пренамената на Програмата обезбедуваме средства и во наредниве недела дена и тој денар ќе биде пуштен до лозарите. Во висина од околу 76 милиони денари ќе биде исплатена сумата за ланскиот денар“, вети Трипуновски.

Тој укажа дека Министерството постојано ја следи ситуацијата и нема да дозволи некој да си игра со трудот на лозарите. Министерството ќе биде вистински коректив.

„Годината по процените кои што ги добивам од терен говорат дека ќе имаме намалена количина на произведено винско грозје. Временските прилики си го прават своето, и ситуацијата на нефункционално Водостопанство во изминативе години резултираше и е еден од виновниците за намалена количина. Меѓутоа ценам и информациите од терен говорат дека квалитетот е одличен. А, моја обврска е да тој квалитет биде соодветно платен“, посочи министерот.

„Упатувам апел до сите лозари од регионот кои што произведуваат винско грозје, но и во другите делови од Македонија, дека јас, Инспекторатот и сите надлежни институции постојано ќе го следиме процесот и нема да дозволиме да се манипулира трудот на оваа категорија на земјоделци“, апелираше Трипуновски.

Тој додаде дека целта во наредните години е да се зголеми производството на вино, да се зголеми извоз и тоа ќе значи сериозен девизен прилив на државата по основ на извоз на вино.

The post Трипуновски: Министерството ќе ја соопшти официјалната производна цена на двете најзастапени вински сорти, ниту една винарска визба не може да го направи тоа appeared first on Република.

Рокот за поднесување на барања по Програмата за финансиска поддршка во земјоделството за 2024 година е продолжен до 31 јули, ги известуваат земјоделските стопанства од кабинетот на директорот на Агенцијата за финансиска поддшка во земјоделството и руралeн развој.

Во овој период се поднесуваат барања за:

- растително производство по обработлива земјоделска површина со поледелски и градинарски култури, за одржување на постоечки површини со овошни и лозови насади како и површина за производство на сертифициран семенски и саден материјал,
- сточарско производство за обележани грла говеда, овци и кози, за маторици, презимени пчелни семејства како и за заклани говеда и гоеници во кланица,
- органско земјоделско производство.

Барањата се поднесуваат во електронскиот систем на Агенцијата од страна на земјоделското стопанство а доколку имаат потреба од помош можат да се обратат
во подрачните единици на МЗШВ.

Линкот за пристапување до апликацијата е: www.ipardpa.gov.mk  - Директни плаќања е-субвенции.

Со отварање на овој линк, во полето „Известувања/упатства“ достапни се деталните упатства за поднесување на барањето, Листата на потребни документи
како и Програмата и Уредбата за директни плаќања во кои детално се претставени условите и висината на финансиската поддршка.

The post Продолжен рокот за поднесување на барања по Програмата за финансиска поддршка во земјоделството за 2024 appeared first on Република.

Израел се соочува со деградација на земјоделството од почетокот на војната во Газа.

Во јужните и северните региони на Израел, производството на овошје и зеленчук, наводно, паднало за 80 отсто од почетокот на војната, пишуваат израелски медиуми.

Еден од главните фактори зад овие промени е недостатокот на работници, од кои многумина ги напуштиле своите работни места поради заканата од војна.

Повеќето од работниците вработени во земјоделскиот сектор на земјата во јужните и северните региони на Израел беа имигранти (на пример, 30.000 работници од Тајланд) кои избегаа од земјата по избувнувањето на непријателствата.

The post Земјоделството на Израел во тешка состојба поради војната во Газа appeared first on Република.

Пазарот на роботика за агробизнис во 2022 година вредеше 63 милијарди долари, но поради ефектите од климатските промени и недостигот на работна сила, ќе расте со просечна годишна стапка од 17% за да достигне 218 милијарди долари до 2030 година, покажуваат анализите на „GlobalData“.

Роботите можат да извршуваат напорни и монотони задачи кои водат до повреда и замор. Земјоделската индустрија инвестира и иновира во многу области на роботиката, вклучувајќи беспилотни летала, теренски роботи и роботика со вештачка интелигенција

Сепак, „GlobalData“ верува дека роботите нема да ги заменат луѓето во земјоделството, туку ќе станат асистенти. Тие ќе ги поддржуваат луѓето со автоматизирање на повторувачки и напорни задачи како што се орање, како и проучување на здравјето на културите и моделите на раст.

Како пример за такви асистенти, аналитичарите го наведуваат заедничкиот развој на „John Deere“ и „Blue River Technologies“ на роботот „See & Spray“, кој користи сензори и вештачка интелигенција за прецизно влечење на плевелот и прскање пестициди.

Друг пример е роботот „Dogtooth“ и вештачката интелигенција за берење јагоди. Тој може да се движи низ редовите на јагоди, да утврди дали се зрели, нежно да ги собере бобинките и потоа да ги спакува во корпи.

Поголемиот дел од оваа работа на полињата во Европа и Cеверна Америка се врши од евтина, увезена странска работна сила во голем број.

The post Оценуваат дали плодовите се зрели, ги берат, ги пакуваат: Употребата на роботите се повеќе навлегува во земјоделската индустрија appeared first on Република.

Враќањето во нормала на македонскиот земјоделство и руралните средини ќе претставува огромен предизвик за идната влада на ВМРО-ДПМНЕ. Се соочуваме и наследуваме огромни проблеми, односно македонското земјоделство е во масовно исчезнување на секторот, зголемена депопулација на руралните средини особено на помладите, вели Цветан Трипуновски, дополнителен заменик министер за земјоделство на денешната програмска дебата насловена „Просперитетни заедници: Земјоделство, локална самоуправа и управување со животната средина“ при презентирање на денешната презебтација на изборната програма Платформа 1198.

Трипуновски посочи дека програмата Палтформа 1198 во делот на земјоделството предвидено три основни цели за кои еден четиригодишен мандат ќе се потрошат 800 милиони евра.

Програмата ја темелиме на три основни цели кои ќе бидат водилка во наредниот период. Првата цел е зголемување на конкурентноста и подобрување на доходот на земјоделците во Македонија. Втората цел е воведување на нови технологии и иновации со кои ќе се намалува влијанието на неповолните климатски фактори кои што се се поголеми. И третата цел е развој на руралните средини со цел задржување на населението. За остварување на овие цели во рамки на еден четиригодишен мандат ќе се потрошат 800 милиони евра, дополнително со зајакнување на капацитетите на Платежната агенција ќе го забрзаме моментот на искористување на ИПАРД средствата во поголема износ, истакна Трипуновски.

Професор Драги Димитриевски се осврна на еден од клучните проблеми со кои се соочуваат земјоделците, а тоа е пласманот на производите.

Нема едноставно решение и нема една мерка со која би се решил проблемот. Затоа ние во програмата наведовме повеќе инструменти, мерки, проекти со кои ќе се решаваат проблемите на пласманот. Дел од мерките не се развиваа во време на актуелната Влада. Еден инструмент со кој ќе се подобри пласманот е наплатата што ја прават земјоделците. Тоа ќе биде кредитниот револвинг фонд наменет за кредити за обртни средства за мали и средни претпријатија и земјоделски задруги кои ќе вршат откуп на земјоделски производи за понатамошна преработка или трговија. Овој инструмент ќе овозможи полесен пристап на откупувачите до капитал со што ќе се гарантира исплатата на земјоделските производители за предадената реколта во краток рок не подолг од 30 дена, а не она што сега се случува со месеци дури и години, кажа професор Димитриевски.

Светлана Колариќ истакна дека владата на ВМРО-ДПМНЕ преку формирање на агенција за управување со земјоделско земјиште ќе обезбеди функционално и транспарентно управување со земјоделското земјиште со цел истото да заврши кај вистинските и активни земјоделци.

Ние како влада на ВМРО-ДПМНЕ веднаш после 8 мај ќе обезбедиме политики за поефикасно управување, ред се со земјоделското земјиште. Ќе го интензивираме процесот, пред се на консолидација, но основно и главно ќе биде да го ставиме севкупното обработливо земјиште во функција. Ќе го организираме регистарот на државното земјоделско земјиште, меѓутоа ќе обезбедиме мерки така што распределбата на земјоделското земјиште да заврши во рацете на вистинските и на активните земјоделци, а исто така тоа ќе го направиме и со пасиштата за и пасиштата да завршат во рацете на вистинските сточари, потенцираше Колариќ и додаде:

Ќе формираме агенција за управување со земјоделско земјиште и ова ќе биде едната од новините и бенефитите коишто ќе ги донесе владата на ВМРО-ДПМНЕ со тоа што ќе имаме едно функционално и транспарентно управување со земјоделското земјиште.

Кире Михаилов истакна дека во следниот период владата предводена од ВМРО-ДПМНЕ ќе работи на целосно искоренување на криминалот и корупцијата во секторот шумарство како и понуда на нов концепт во шумарството каде што шумите и дрвата ќе бидат од висок интерес на општествената одговорност.

Еден од главните приоритети на идната влада предводена од ВМРО-ДПМНЕ ќе биде искоренување на огромниот криминал и корупција кој што е вгнезден во секторот шумарство. За жал тоа е причината поради која во моментов вработените таму се без плата. Ќе мораме претпријатието да го тргнеме од прангите на еден грст фирми кои што во изминатите неколку години од своите складишта продаваат повеќе дрва од јавното претпријатие. Тоа е основната причина поради која граѓаните на Македонија плаќаат енормно висока цена за огревното дрво, и можам да кажам дека тоа е највисоката цена во регионот. Тоа е она кое што новата влада на ВМРО-ДПМНЕ знае како и ќе го направи. Покрај ова новата влада предводена од ВМРО-ДПМНЕ нуди нов концепт за шумарството со што идното стопанисување ќе се темели на интегрирано и одржливо шумарство, каде шумите и дрвата ќе бидат од висок интерес на општествената одговорност, истакна Михаилов.

The post Платформа 1198 за земјоделците: За четири години ќе се инвестираат 800 милиони евра appeared first on Република.

Италијанскиот министер за земјоделство, Франческо Лолобриџида, истакна дека неговата влада е посветена на одбрана на брендот „Произведено во Италија“ и дава целосна поддршка за агроиндустријата на земјата.

Министерот ги критикуваше политиките на ЕУ кои, според него, поттикнуваат намалување на домашното земјоделско производство во корист на увозот од земји кои не се членки на ЕУ.

Доста е од оваа политика! Ние сме мала нација и мора да го заштитиме нашето производство“, нагласи Лолобриџида.

Европа забележува експлозија од протести во последните недели од страна на земјоделците коишпто се кренаа против, како што велат, прекумерната бирократија и високите трошоци за гориво.

The post Италијанскиот министер за земјоделство го крена гласот против политиката на ЕУ за увоз на производи од земји кои не се членки на Унијата appeared first on Република.

Петтиот столб на кој се заснова буџетот на земјоделскиот сектор е модернизацијата во земјоделството, која ја реализираме преку ИПАРД 3  Програмата, Проектот со поддршка од Светска Банка и нашите подмерки од мерка 121 „Модернизација во земјоделското стопнаство“ од Програмата за рурален развој.

Бележиме 95% реализација на средствата предвидени во ИПАРД 2 програмата, со склучени и веќе реализирани над 2.000 договори, што не позиционираше како земја лидер. Европската Комисија ги зголеми средствата во новата ИПАРД 3 програма за 62% со што, на располагање ќе имаме 97 милиони евра наменети за инвестиции во следните 7 години. Предвидуваме авансна исплата до 50% и го зголемуваме прагот на минимум прифатливите трошоци по проект. Успешната приказна на ИПАРД ја продолжуваме и во 2023 година.

Преку поддршка од Светска Банка го реализираме проектот за модернизација. Во 2023 ќе започне изградбата на трите откупни центри, во Ресен, Струмица и Скопје. Ова се три најголеми капитални проекти со кои се модернизира домашното земјоделство. Оваа година веќе ја започнавме постапката за проектирање и подготовка на урбанистичката документација за сите три откупни центри, а веќе е потпишан грантот за воспоставување на систем за безбедно отстранување на нус производи од животинско потекло. За прв пат, државата ќе изгради вакви современи објекти, како една од целите за модернизација, а системот за безбедно отстранување на нус производи од животинско потекло има и друга цел – ќе придонесе за намалување на стакленички гасови со што Македонија  преку конкретна мерка ќе се приклучи кон агендата на климатски неутрална Европа.

Модернизацијата ќе ја спроведуваме и преку нашата мерка 121 од Програмата за рурален развој, која предвидува набавка на силоси, комбајни и сушари за ориз, какко и опрема за тутун, кои ќе ги кофинансираме до 600.000 денари. Ќе го поддржиме и интензивирањето на смарт земјоделство на набавка на модерни технологии во примарното производство, со кофинансирање до 600.000 денари. Поддршката за смарт земјоделство ќе овозможи набавка на современа опрема за контрола на влага, здравје на растенијата, контролирана употреба на пестициди, како и набавка на дронови и софтвери кои ќе се вградуваат во земјоделската механизација. Предвидени се и мерки за подобрување на пазарната конкурентност преку поддршка за маркетинг на земјоделските производи, наменета за набавка на специјални возила за директна продажба на земјоделски производи, со висина до 70% од прифатливите трошоци.

The post МЗШВ: Петтиот столб од земјоделскиот буџет за 2023 е носител на модернизацијата на земјоделскиот сектор appeared first on Република.

Република Македонија добива четири милиони евра грант од ЕУ за кофинансирање на Проектот за модернизација на земјоделството на Светска банка во вредност од 46 милиони евра. Договорот за грантот од ЕУ, денеска во Министерството за финансии го потпишаа министерот за финансии Фатмир Бесими и Шијаочин Ју директорката на СБ за Западен Балкан.

На потпишувањето на договорот присуствуваа министерот за земјоделство, шумарство и водостопанство Љупчо Николовски, директорот на Светска банка за Македонија и Косово Масимилијано Паолучи и евроамбасадорот Дејвид Гир.

– Грант средствата од четири милиони евра, како и 4,5 милиони евра од Проектот на Светска банка ќе се искористат за воспоставување систем за безбедно отстранување на животински нуспроизводи. Целта е да се заштити животната средина и да се намали влијанието од одлагање на овој отпад на депониите, наведуваат од Министерството за финансии.

Бесими истакнал дека модернизацијата на земјоделскиот сектор во земјава е еден од приоритетите на Владата и дека оваа поддршка е значајна во таа насока.

– Овој договор е поддршка за нашите активности за модернизација на овој сектор, што е дел од нашата програма и евроинтегративниот процес. Како Влада даваме значајна поддршка на овој сектор за да се подгине конкурентноста и да се зголеми домашното производство. Од наредната година се воспоставува и нов систем за субвенции за поефикасна распределба на средствата и поголем ефект, рече министерот Бесими.

Паолучи, истакнал дека Проектот на Светска банка за модернизација на земјоделството, во износ од 46 милиони евра, е насочен кон подобрување на конкурентноста на земјоделскиот сектор и зајакнување на јавните институции во Македонија во рамки на пристапниот процес на земјата во ЕУ.

– Усогласувањето на стандардите за безбедност на храната со барањата на ЕУ е од клучно значење за успешен раст на прехранбено-преработувачката индустрија и за слободен проток на земјоделските производи на пазарот. На тој начин ќе се зајакне и можноста за следење на потеклото и преработката на производите што, пак, ќе доведе до подобрување на пристапот до пазарот, потенцира Паолучи.

Николовски посочил дека имплементацијата на Проектот за модернизација на земјоделството финасиран од Светка банка, е дел од долгорочната политика за обезбедување сигурни и безбедни синџири на снабдување со здрава храна за нашите граѓани.

– Освен системот за безбедно отстранување на нуспроизвоиди од животинско потекло, во рамки на проектот ќе изградиме два откупни центра во Струмица и во Ресен и логистичко-дистрибутивна платформа во Скопје. Упатувам голема благодарност до Светска Банка и до Делегацијата на ЕУ за поддршката која ја добиваме не само за овој, туку и на целиот наш развоен пат за побрзо пристапување кон европското семејство, истакнал министерот за земјоделство, шумарство и водостопанство.

Гир навел дека ЕУ обезбедила грант од 4,5 милиони евра што ќе го надополни заемот од 4,5 милиони евра од СБ за изградба на погони и воспоставување модерен систем за собирање и третман на нуспроизводи од животинско потекло, според највисоките стандарди на ЕУ.

Тој додал дека земјоделството и производството на храна се многу значајни сегменти за социо-економскиот развој, како и за растот на вработеноста во земјата, така што, како што нагласи Гир, Европската Унија секако ќе продолжи и во претстојните години да обезбедува значителни средства за овој важен сектор.

Проектот за модернизација на земјоделството е дел од Рамката за партнерство на Светска банка за Република Македонија 2019-2023 година. Проектот е во вредност од 46 милиони евра кои со денеска потпишаниот договор, ЕУ кофинансира 4 милиони евра. Целта на проектот е да се подобри конкурентноста во насочени земјоделски подсектори и да се зајакнат институционалните капацитети на земјоделскиот сектор за пристап до европските фондови.

Проектот се состои од четири компоненти што се однесуваат на промовирање на конкурентноста во земјоделскиот сектор, пристап до обука и советодавни услуги, воспоставување системи за дистрибуција на земјоделски производи и храна и зајакнување на институционалните капацитети за пристапување во ЕУ.

Средствата од грантот од четири милиони евра и 4,5 милиони од заемот од Светска банка за проектот, е со цел да се воспостави систем за безбедно отстранување нуспроизводи од животинско потекло, што е согласно ЕУ легислативата. Тоа ќе обезбеди институционален и оперативен капацитет за упраувањето и нештетно отстранување на нус производи од животинско потекло во сето време, заштита на јавното здравство, здравјето на животните и на животната средина, кое ќе значи преработка на нуспроизводите по претходна стерилизација.

The post Потпишан Договор за грант од ЕУ за кофинансирање на проектот на СБ за модернизација на земјоделството appeared first on Република.

Во државата имаме 540 илади хектари земјоделско земјиште од кои моментално не се обработуваат 85 илајди хектари државно земјиште и дополнителни 90 илади хектари приватно земјиште. Ние ги подготвивме и измените на Законот за земјоделско земјиште според кои приватното необработено, или напуштено земјиште, државата во ваква криза ќе може да го дава на користење на оние кои сакаат, истакна министерот за Земјоделство, шумарство и водостопанство, Љупчо Николовски.

Тој во вечерашното гостување на Сител информира дека од севкупното обработливо земјиште државата располага со 240 илјади хектари, додека останатите околу 360 илјади хектари се приватни.

Сега ќе навлеземе во детални анализи и токму затоа ги подготвивме измените на Законот за земјоделско земјиште каде велиме и приватното необработливо земјиште или напуштено ќе може државата да го дава на користење, а фактот дека 1 500 договори се потпишаа оваа година говори за заинтересираноста на луѓето и земјоделците во целокупниот сектор, иако овие две години ќе бидат тешки, особено во делот на храната, затоа треба да бидеме целосно подготвени со сите мерки и политики, порача Николовски.

Додаде дека оние земјоделци кои егзистираат од земјоделство преку програмата за рурален развој ќе може да побараат и дополнителна подддршка.

За оние кои постојано велат ама ние опстојуваме само од земјоделие, а субвенции земаат сите, секој може да земе, нив ги издвојуваме во посебна категорија преку програмата за рурален развој каде велиме нема да чекате оглас или повик за трактор, систем за наводнување и друго туку во 2023 година сите кои се регистрирани по Законот за вршење земјоделска дејност и егзистираат од оваа работа, покрај субвенциите, целокупната подршка, ќе може да аплицираат и за 10 000 евра поддршка од Агенцијата. Со бизнис план без да чекаат рокови, отворен јавен повик за цела година било кој ден, кога ќе ја подготват апликацијата за она за што сметаа дека им е потребно дали за преработка, производство, маркетинг и финализирање на производите, и нив со овој модел ги издвојуваме и велиме овие се побитни, бидејќи егзистираат од земјоделството и нив ги сметаме за попривилегирани, појасни министерот.

Во насока на субвенциите рече дека следната година Министерството ќе ги има исплатено сите долгови кон земјоделците, и веќе од следната година ќе може ведаш да започне со авансни исплати кои се предвидени во новиот систем за субвенции кој ќе има за цел зголемување на домашното производство на храна.

Изрази очекување од пратениците да ги изгласаат сите закони во делот на храната за како што рече да имаат инструмент да реагираат на пазарот.

Нашето барање во делот на стоковите резерви, на пример во однос на барањето на оризопроизводителите, оризот да влезе во Законот за стокови резерви, денеска проверив и е на второ читање во Собраниска седница, јас очекувам пратениците сите закони во делот на храната да ги донесат со цел да имаме инструмент како да ја подобриме состојбата и кај оризопроизводителите. Треба да се користат механизмите, со ребалансот беа издвоени 40 милиони евра за набавка на стоковите резерви и секако дека Владата во одреден период треба да реагира и преку стоковите резерви, и тие се една од алатките кои ги имаме на располагање, оцени Николовски.

The post Приватното земјиште кое не се обработува ќе се дава на користење на оние кои сакаат да го работат appeared first on Република.

Како да се зголеми ангажманот на младите во земјоделството и што им е неопходно беа дел од прашањата на кои разговараа триесетина претставници на институции, здруженија и поединци на дебатата во резиденцијата на Европската Унија во Скопје

„Здрава, безбедна и достапна храна“ беше тема на последната дебата поттикната од Европскиот зелен договор, инспирирана од изложбата „Розeви тигри и златни гуштери и што уште не“ што се одржа во резиденцијата на Европската Унија во Скопје. Како да се мотивираат младите да се занимаваат со земјоделство, како да се зголеми нивниот ангажман во земјоделството како клучен дел од агендата за развој, што им е неопходно, беа дел од прашањата на кои дебатираа триесетина претставници на институции, здруженија и поединци што се занимаваат со земјоделство, полјоделство, лозарство и овоштарство, пчеларство.

Домаќини беа евроамбасадорот Дејвид Гир и Пол Бускот, Маргарита Делева и Константинос Супилас од Делегацијата на Европската Унија во Скопје. Своите ставови ги пренесоа Никица Бачовски, директор на Агенцијата за финансиска поддршка во земјоделството и руралниот развој, Ванчо Кировски од Националната федерација на фармери, Сузана Димитриевска од Националната асоцијација на земјоделски задруги, и Виктор Ѓамовски, директор на Земјоделскиот институт при Универзитетот „Св. Кирил и Методиј“ во Скопје. Пред дебатата присутните ја разгледаа изложбата инспирирана од проблемите со биодиверзитетот и климатските промени. Кураторот Бојан Георгиевски од галеријата „Акантус“ ги воведе во делата на уметниците Велимир Жерновски, Маја Кировска, Вана Урошевиќ и Зоран Тодовиќ (кои работеа на заеднички проект), Ненад Тонкин и Озбек Ајваз.

Бускот беше особено среќен што многу млади луѓе, пчелари и земјоделци, присуствуваа и активно беа вклучени во дебатата. И самиот одгледува кошница со пчели во дворот на резиденцијата, а израснал на фарма во Белгија каде што неговите родители се занимаваат со органско производство на храна.

- Затоа оваа тема ми е многу блиска и важна. Свесен сум дека земјоделците не се луѓе на кои зборувањето им оди од рака, но ги охрабрувам учесниците да се вклучуваат активно во дискусијата. Кажете што ве мачи, со какви предизвици се соочувате. Сакам да ги чујам вашите предлози и идеи, сосема е неважно како ќе ги соопштите, ги охрабри Бускот учесниците.

На него се надоврза Супилас, програмски менаџер за земјоделство и рурален развој при Делегацијата на ЕУ, и ги повика присутните да аплицираат на актуелниот повик објавен на веб-страницата на Делегацијата на ЕУ, кој трае до 18 јули.

Мила Јовановска од невладината организација „Биди зелен“, модератор на дебатата, ги пренесе предвидувањата на Светската здравствена организација дека до 2050 година 7 од 10 луѓе ќе живеат во градовите. Тоа значи дека уште повеќе млади ќе ги напуштат руралните средини, што дополнително ќе го зголеми недостигот на храна со кој светот допрва ќе се соочи.

Ванчо Андонов е млад човек од Струмица, дипломиран програмер кој пред една и пол година го напуштил ИТ-секторот и целосно се посветил на дотогашното хоби – пчеларството.

Дотогаш работата ми беше врзана со компјутер. Се случуваше да завршам со работа, да направам мала пауза, па да продолжам уште неколку часа работејќи на друг проект. Пчеларството прво беше релаксација, да излезам во природа. Сега ми е главна дејност. Произведувам мед, матичен млеч и други производи. Пчеларството е многу подоходовна гранка од земјоделските производи зашто медот не се расипува. Тоа е огромна предност и за одржување на цената на производите, објаснува Андонов.

Зоран Богоев од Кочани вели дека од дете чувал животни. Пред 3-4 години се насочил кон одгледување пчели. Многу му помогнала обуката што ја завршил лани. Тој познава многу млади што почнуваат да се занимаваат со пчеларство, а дури половина од нив се жени, што порано било невообичаено.

Магдалена Јанчова е инспиративна млада жена од виничкото село Грљани. Нејзиното семејство произведува мед и други производи од пчели, продукти од козјо млеко, а се занимаваат и со хортикултура. Таа е магистер по фармација и се наоѓа на крстопат дали да продолжи со оваа професија или целосно да му се посвети на семејниот бизнис.

Ми се останува на село, да продолжам со она во што моето семејство го вложи сиот свој живот. Но, треба да сме свесни дека условите се различни во секое место. Некаде има, некаде нема инфраструктура. Има села со многу лоши услови за живот, без вода, со нестабилна струја. Новите машини не поддржуваат слаба струја и се неупотребливи. Овие нешта државата мора да ги среди, не зависат ниту од младите ниту од земјоделците, вели Јанчова.

Таа апелира институциите да им овозможат на младите подобри услови за да сакаат да останат на село. Нејзиното семејство ги обработува нивите на други луѓе. Бидејќи немаат земјиште на свое име, не можат да користат субвенции од државата.

Директорот Бачовски објасни дека со договор за закуп на земјиште може да се пријават за субвенции. Со новите измени во легислативата, предност во давањето земјиште под концесија ќе имаат локалните жители, а младите до 40 години ќе бидат ослободени од плаќање надомест за користење државно земјиште во првите три години. Бачовски вели дека во последните три години за три пати се зголемени субвенциите за одгледување пчели.

Секоја година доделуваме грантови за млади земјоделци од 10 до 20 илјади евра. Ние сме мала држава, но 65 отсто од хранатa во светот ја произведуваат малите земјоделци. Многу е важно земјоделците да се насочуваат и кон преработка на своите производи, од млеко - сирење, од грозје - вино, бел, прочистен ориз наместо арпа - вели Бачовски.

Ванчо Кировски нагласи дека се многу важни заштитата и истакнувањето на географското потекло на производот што се продава. Така ќе се зголеми и свесноста кај потрошувачите за домашните производи и препознавањето на квалитетот. Според него, едукацијата за пчеларство дала исклучителни ефекти кај пчеларите и такви обуки треба да се спроведат и кај преостанатите земјоделци.

За Даниела Станкова, производителка на ориз од селото Крупиште, главен проблем е ниската цена на откупот, поради што веќе втора година оризот не ѝ е откупен. Арбен Асани, одгледувач на грозје од скопското село Бојане, вели дека младите ретко се решаваат на оваа дејност иако имаа добра инфраструктура околу главниот град. Тие или заминуваат во странство или не сакаат да работат.

The post Институциите треба да им овозможат на младите подобри услови за да сакаат да останат на село appeared first on Република.

„Вчера беше блокадата не регионалниот Кавадарци – Неготино, а таа е резултат на тоа што во моментов не само лозарите, туку и овоштарите од Тиквешијата практично од Росоман, Неготино и Кавадарци се соочуваат со недостаток на вода за полевање. Само за потсетување здружението кое што егзистира на тој регион односно земјоделците од тој регион уште пред десетина дена апелираа до власта дека треба да се пушти водата во каналите односно во системот за наводнување за да можат површините да бидат навремено снабдени со вода. Меѓутоа власта како и по обичај и за сите останати работи во државата така и за оваа круцијална ситуација остана глува односно пумпите и сите системи во Тиквешијата останаа празни. Тоа резултираше со она што вчера се случи со еден протест на кој што нормално бев и јас, секогаш сум бил во првите редови кога се работи за интерес на земјоделците така и вчера“, истакна Цветан Трипуновски, претседател на комисијата за земјоделство, шумарство и водостопанство при ВМРО-ДПМНЕ во гостување во емисијата „Што не е јасно“ на Алфа телевизија.

Трипуновски додаде дека на почетокот на сезоната на полевање кога е најпотребна водата за земјоделските насади ја нема.

Законскиот рок на АД Водостопанство да ги наполни каналските мрежи со вода е 15-ти април, а денеска сме 16-ти мај тоа значи дека повеќе од еден месец нема вода за полевање, нагласи Трипуновски.

Посочи дека она што дополнително ќе се одрази на нареднава производна сезона е тоа што во моментов праските, кајсиите, сите овошки во Тиквешијата го формираат плодот, а бидејќи нема доволно вода не можат да го преминат во фаза два, а тоа значи дека ќе има минимална големина на производот.

Оваа ситуација со Водостопанството не е само оваа година, за потсетување слични вакви протести и негодувања од земјоделците имаше и 2019-та, 2020-та, скоро трета, четврта година се случува истото, нагласи Трипуновски.

Трипуновски појасни дека АД Водостопанство зимскиот период го преспиваат наместо да набават делови за цевките за да се започне сезоната за полевање навреме.

The post Трипуновски: АД Водостопанство веќе месец дена доцни со пуштање на вода за полевање, секоја година го преспиваат периодот во удобни фотелји наместо да мислат на земјоделците appeared first on Република.

Како дел од работната посета на Република Италија министерот за земјоделство, шумарство и водостопанство, Љупчо Николовски, оствари работна средба со министерот за политики во земјоделството, прехрана и шумарство на Италијанската Република, Стефано Патуанели.

Загриженост, изразија двајцата министри, за светската кризата и растот на трошоците за производство, која доаѓа како последица на војната во Украина. Изнаоѓањето на алтернативни пазари, како и помошта на домашното земјоделство е клучна во овие моменти. Во таа насока министерот Николовски информираше за активностите кои министерството ги презема во насока за заштита и одржување на домашното производство.

На средбата двајцата министри разговараа околу новите можности за развој на соработката меѓу нашите две пријателски земји, оценувајќи ја како добра досегашната трговската соработка.

Двајцата министри потпишаа и Меморандум за соработка помеѓу двете држави во областа на руралниот развој, органското земјоделство, лозарство и производство на вино, фитосанитарна соработка, осигурувањето и финансиска поддршка во земјоделството, во делот за управување со ресурсите за наводнување, како и заштитените ознаки на потекло и географски ознаки.

По потпишувањето на Меморандумот, двете министерства ќе формираат заеднички работни групи, каде ќе ги дефинираат акциските планови за имплементација и развој на полињата на соработка наведени во Меморандумот. Со овој Меморандум се продолжува соработка од јули 2021 година помеѓу италијанските карабинери и шумската полиција на Република Македонија.

Министерот Николовски го потенцираше своето очекување дека во иднина трговската размена со земјоделски производи ќе се зголеми, а тоа ќе им користи на земјоделските производители во двете земји.

The post Николовски – Патуанели: Преку потпишаниот меморандум за соработка отвараме нови можности за соработка во земјоделството меѓу Македонија и Италија appeared first on Република.

Владата предводена од СДСМ презема мерки за помош и поддршка на домашното земјоделство во време на најголема глобална криза, кога и цената и побарувачката на важни земјоделски производи е на високи ниво, велат од партијата.

За таа цел ја воведовме Програмата за интервентен фонд за земјоделството, во вредност од 250 милиони денари, средства кои во голем дел ќе бидат наменети за поддршка на сточарството и за растителното производство.

Годинава е направено усогласување на износот за реализација на мерката „зелена нафта“, кој е зголемен за 13%.

Она што е особено важно е што овој Интервентен фонд го прошируваме со нови мерки за поддршка на земјоделците.

Обезбедуваме дополнителни субвенции за набавка на вештачко ѓубриво и за сончоглед и пченка.

Минатата недела, исплатени се над 450 милиони денари субвенции за полјоделски култури меѓу кои и за сончогледот и маслодајната репка.

СДСМ како одговорна партија продолжуваме со реализација на мерки кои обезбедуваат квалитетно домашно земјоделско производство.

The post СДСМ: Го прошируваме Интервентниот фонд за земјоделство, поголема поддршка за земјоделците appeared first on Република.

Земјоделците се помеѓу најпогодените од енергетската криза. Високата цена на горивата го зголемува трошокот за производство, a тоа ќе придонесе за намалување на засадените површини и ќе се јави недостаток на домашна храна.

Козметичката мерка која ја донесе владата, а се однесува на намалување на акцизата за 30% не е целосна, затоа што горивата се повторно екстремно високи, што ќе допринесе до намалување на засадените површини со што ќе се јави недостаток на домашна храна, а увозната ќе биде со неколку пати повисоки цени односно ова сериозно дополнително ќе се одрази на семејниот буџет кај сите граѓани во Република Македонија, вњли Цветан Типуновски од МВРО-ДПМНЕ.

Дополнително како резултат на скокот на цената на гасот, додва тој, вештачките ѓубрива на светските берзи се поскапени и до 100%.

Зголемените трошоци во земјоделското производство се само половина од проблемот со кои што се соочува и допрва ќе се соочуваат македонските земјоделци. Имено во голема мера се нарушени пазарите за пласман, бидејќи македонските раноградинарски култури како и овошјето во значајна мера завршуваа во Русија. Ова ќе значи значително помал извоз и нарушување на пазарот.

Од сите овие причини, ВМРО-ДПМНЕ ги поддржува мерките за помош на земјоделците, кои се поднесени од земјоделските здруженија до владата на Република Македонија и тоа:

1.ЗЕЛЕНА НАФТА - Да важи за сите земјоделски гранки и да биде 100% ослободена од акциза и ДДВ, како и промена на досегашната методологија со нова во која исплатата ќе биде по литар по единица површина.

2.Итно процентуално зголемување на субвенциите во сите земјоделски гранки со процентуалното зголемување на производните трошоците и нивна исплата пред секоја производна сезона.

3.Субвенционирање на вештачките ѓубрива во сите земјоделски гранки и укинување на ДДВ за сите вештачки ѓубрива и хемиски препарати кои што се употребуваат во земјоделското производство.

4.Ослободување од надоместокот за  концесија за 2022 година за корисниците  на државно земјоделско земјиште, како и ослободување од пашарина, наводнување и одводнување.

5.Субвенционирање на придонесите на сите регистрирани земјоделци во државата.

6.Под ИТНО да се изнајдат алтернативни пазари за пласман на сите земјоделски производи кои што ги произведува нашата државата.

Апелираме владата и владејачкото мнозинство да не калкулираат и да ги поддржат сите овие мерки за доброто и за земјоделците, но и за државата, вели Трипуновски.

The post Трипуновски: Владата да ги поддржи мерките на земјоделците поднесени од земјоделските здруженија appeared first on Република.

Исклучително студеното време што ја зафати земјава минатата недела со температури и до -20 степени, не предизвика никакви штети кај земјоделските култури, велат агрометеоролозите.

Според нив, стабилизирањето на времето деновиве, со повеќе сонце, повремена облачност и врнежи од дожд или снег како денеска, е мало релаксирање од температурниот шок во изминатиот период. Дури, ако почвените услови дозволуваат, може да се почне и со кроењето на виновата лоза.

Ниските температури минатата недела беа во границите на издржливост на културите и се вообичаени за овој период од годината. Во реоните каде што температурите беа најниски, имаше и снежна покривка која дополнително штити од измрзнувања, објаснуваат агрометеоролозите од УХМР.

Временски услови неделава, со минимални температури од -4 или -5 степени и дневни меѓу 3 и 11 степени, исто така се очекува да им годат на културите во услови на презимување.

-Доколку почвените услови тоа го дозволуваат, земјоделците да влезат во нивите. Може да се почне со кроењето на виновата лоза зашто тоа е обемна операција и потребно е време да се заврши навреме, истакнуваат од УХМР.

The post Нема штети во земјоделството од ниските температури, може да почне кроењето на лозата appeared first on Република.